Jeremias 46:19 - Maung A Balita Biblia

¹⁹ Sikayon taga Egipsio, mamparaan kayon naalan priso! Nagawan andi-kakanaan a pasen so Memfis, nagawan dera-deral tan anggapoy manayam.

Maung a Balita Biblia

¹⁹ Sikayon taga Egipsio, mamparaan kayon naalan priso! Nagawan andi-kakanaan a pasen so Memfis, nagawan dera-deral tan anggapoy manayam.

Jeremias 46:19 Referans Kwoze

Isaias 20:4

Say ari na Asiria itaynan to ray labus-lakseb a prison adakep tod sarayan duan bansa. Malangwer may matakken, manakar a kasali-sali tan labus-lakseb, sankanengneng so ebet da, tan mangiter ya na kababaingan ed Egipto.

Jeremias 48:18

Sikayon manaayam ed Dibon, epas kayod tad pasen a kawalaay kagalangan yo tan yorung kayod dabuk; wadya lay managderal na Moab, tan dineral to ray tirinsira to.

Ezekiel 30:13

Say Katawan a Dios kuanto, “Deralen ko ray talintao tan saray tila-tilan diriyos ed Memfis. Anggapo lay manoley ed Egipto, tan taktakoten kon amin iray totoo.

Jeremias 44:1

Akisalitay Katawan ed siak nipaakar ed amin ya Israelitan manaayam ed Egipto, diad saray siudad na Migdol, Tafnes, tan Memfis, tan diad saray pasen a walad abalaten na bansa.

Sofonias 2:5

Pakaskasi kayo la, sikayon Filisteo a manaayam ed gilig na dayat. Sinintinsiaan kayo la na Katawan. Pateyen to kayo, et anggapo so nakeraan ya anggan sakey ed sikayo.

Jeremias 34:22

Iganggan ko ra, et ompawil irad sayan siudad. Dogpaan da, dakepen da, insan da poolan. Saray baley na Juda et pagmaliwen ko ran singa kalawakan ya anggapoy manaayam. Siak, say Katawan, so nansalita.”

Jeremias 26:9

Akin et imbagam, diad ngaran na Katawan, a sayan Timplo et magmaliw a singa Silo, tan naderal yan siudad, tan anggapoy manayam dia?” Insan minokut ak na saray totoo.

Isaias 19:13

Makulang-kulang iray pangulo na Soan tan Memfis. Nepeg komun ya ipangulo day bansa, balet pinalikdo ra.

Jeremias 46:14

“Ibawag mod saray baley na Egipto, diad Migdol, Memfis, tan Tafnes, ‘Mamparaan kayon mangyagel ed sikayon dili; naderal ed bakal iray amin a kayaryan yo!

Ezekiel 29:11

Anggapoy too odino ayep a manakar-akar ed saman a dalin. Apataploy taon ya anggapoy manayam diman.

Ezekiel 29:12

Pagmaliwen koy Egipto a sankabegtewan a bansa ed intiron mundo. Apataploy taon a mansiansian aderal-deral iray siudad na Egipto, ag miparad arum a siudad so inkaderal da. Gawaen kon pappaiyagel ed arum a bansa iray Egipsio. Ombatik irad nandoroman bansa tan miayam irad saray arum a totoo.”

Oseas 9:6

No onsabiy kadederal, tan nikaykayat iray totoo, tiponen ira na saray Egipsio—tiponen da ran ipompon ed Memfis! Saray kayamanan dan pilak tan saray pasen ya angiletnegan na saray abung da et natubuan ira na saray dika tan saray tanaman a masabit.