Jeremias 45:3 - Maung A Balita Biblia

³ ibabagam, ‘Pakaskasi ak la! Say Katawan inaruman to na ermen iray gunigon ko. Makapkapoy ak lad panagdageyem, tan ag ak makapampainawa!’

Maung a Balita Biblia

³ ibabagam, Pakaskasi ak la! Say Katawan inaruman to na ermen iray gunigon ko. Makapkapoy ak lad panagdageyem, tan ag ak makapampainawa!

Jeremias 45:3 Referans Kwoze

TAGA GALACIA 6:9

Kanyan ag itayo onsasawan manggaway kamaungan; ta no ag tayo onsawa, andi-saew a manani tayo no onsabi lay panagani.

2 CORINTO 4:16

Lapud saya, ag kamin balut nanaekalay biskeg na linawa. Anggaman ya onkakapoy so laman mi, ombibiskeg ya inagew-agew so ispiritu mi.

2 CORINTO 4:1

Lapud panangasi na Dios, inter tod sikami yan panaglingkur, kanyan ag onkapoy so linawa mi.

2 TESALONICA 3:13

Balet sikayo ran agagi, ag kayo onsasawan manggaway kaabigan.

Saray Tagleey 3:32

Anggaman a panermenen to itayo, kasian to tayo onung na daakan ya ag mangoman a panangaro to.

Saray Tagleey 1:22

“Sintinsiaan mo pa ray dusa lapud saray kaogsan da; Dusam ira a singa impanusam ed siak, lapud saray kasalanan ko. Mapalaloy panayay ko, tan ansakit so pagew ko.”

Saray Tagleey 1:13

“Manlapud tagey angipelag na apoy tan pinoolan toy dalem ko. Pinatitan to ak, et nipatumba ak. Insan to ak inkaindan, tan tinaynan to ak a nanairapan.

Jeremias 9:1

Bobun na danum la komun yay olok, tan sobul na lua iray matak, pian makapanakis ak ed agew tan labi lapud saray totood bansak ya apatey-patey.

Jeremias 8:18

Ag napaabig so kaermenan ko; walay sakit ko diad pusok.

Probirbio 24:10

No makapoy ka no panaon na kairapan, peteg a makapoy ka.

Saray Salmo 120:5

Say piamung ed sikayo et singa kaoges na panayam ed Mesec o piamung ed saray taga Kedar!

Saray Salmo 69:3

Naksawan ak lan onkekerew na tulong, tan anagasang lay kolukolung ko. Onsasakit la ray matak diad panatalaran kod isabiy tulong mo.

Saray Salmo 27:13

Manisia ak a nanengneng ko so kaabigay Katawan diad sayan bilay.

Saray Salmo 6:6

Makapkapoy ak lad paneermen ko; nilabi-labin nababasa so dokulan ko, tan naleleteb na luak so danganan ko lapud panaakis ko.

Say Libro nen Job 23:2

“Manriklamo ak ni sumpad Dios; ag ko nitepel so ag manngesnges lapud pamapairap tod siak.

Jeremias 45:2

ed kinen Baruc a say Katawan a Dios na Israel inkuanto, “Baruc,

Saray Salmo 6:7

Ngalngalin ag ak la makanengneng; linmalarag la ray matak diad panaakakis ko lapud amin da ray kalaban ko.