Jeremias 44:19 - Maung A Balita Biblia

¹⁹ Insan inyarum na saray bibii, “Nen nanggawa kami na saray kanen a kaparpara na Riyna na Tawen, angisaklang kamid sikato na saray bagat, tan angibung ed sikato na saray bagat ya alak, inabubonan na saray kaasawaan mi so gagawaen mi.”

Maung a Balita Biblia

¹⁹ Insan inyarum na saray bibii, Nen nanggawa kami na saray kanen a kaparpara na Riyna na Tawen, angisaklang kamid sikato na saray bagat, tan angibung ed sikato na saray bagat ya alak, inabubonan na saray kaasawaan mi so gagawaen mi.

Jeremias 44:19 Referans Kwoze

Jeremias 7:18

Saray ogogaw mantitipon ira na kiew ya itotongo, saray totoon baleg a lalaki et mamaparlang ira, tan saray bibii manmamasa ra na gawaen dan kanen a para diosan tatawagen da na Riyna na Tawen. Angisaklang met ira na saray bagat ya iinomen ed saray arum a diriyos, pian napasakitan da ak.

Jeremias 44:15

Insan amin da ray lalakin amta ran saray kaasawaan da et angibabagat irad saray arum a diriyos tan amin da ray bibiin manalalagey diman, pati saray Judion manaayam ed saray pasen a walad abalaten na Egipto—dakel iran amin ya olup—inkuandad siak,

2 Saray Awaran 21:6

Inalig toy maoges a ginagawa nen Ari Acab tan saray arum ya arari na Israel, lapud inasawa toy sakey ed saray anak nen Acab. Nankasalanan ed Katawan,

1 Saray Arari 21:25

Anggapoy manoley a singa si Acab a sigput so impanggawa toy kaogsan ed arap na Katawan—si asawa ton Jezebel so nantatanggoyur ed sikato.

Genesis 3:6

Anengneng na samay bii a marakerakep imay kiew tan masamsamit a kanen so bunga to, tan sakey a pampilpilalekan a pakagamuray kakabatan. Kanyan amorbor na bunga, insan to kinan. Initdan toy asawa to, tan kinan to met.

Probirbio 11:21

Andi-saew a nadusa iray totoon maoges, balet makapaliis iray totoon matonung.

Jeremias 44:20

Insan inkuankod saray amin a lalaki tan saray bibiin inmebat ed siak na onman,

Saray Bilang 30:8

Balet no naamtaan na asawa to tan sebelan tod panumpal to, ag la nakaukolan a sumpalen to. Sikatoy pirdonaen na Katawan.

Saray Bilang 30:12

Balet no naamtaan na asawa to tan sebelan tod panumpal to, ag la nakaukolan a sumpalen to. Sikatoy pirdonaen na Katawan, lapud sinebelan na asawa to ed panumpal to.