Jeremias 42:6 - Maung A Balita Biblia

⁶ Maung may maoges so kipaakaran to, onuren miy Katawan a Dios tayo a kekerewen min pangipikasian yod sikami. No ontoluk kamid sikato, maung ya amin so pansumpalan mi.”

Maung a Balita Biblia

⁶ Maung may maoges so kipaakaran to, onuren miy Katawan a Dios tayo a kekerewen min pangipikasian yod sikami. No ontoluk kamid sikato, maung ya amin so pansumpalan mi.

Jeremias 42:6 Referans Kwoze

Jeremias 7:23

Balet ingganggan kod sikaran onuren da ak, pian siak so magmaliw a Dios da tan sikaray magmaliw a totook. Imbagak ed sikara a mambilay ira onung na ingganggan kod sikara, pian maung so kasumpalan da.

Deuteronomio 5:29

Oy la komun ta ontan lawas so liknaan da! Oy la komun ta igalang da ak lawas tan onuren da ray amin a ganggan ko, pian maung lawas so kipapasen tan saray kabyangay boleg da ed anggad angga.

Saray Taga Roma 8:7

Kanyan kalaban toy Dios so toon nanaoleyan so kanunotan to na inkanatural na too, ta ag to oonuren so ganggay Dios tan diad tuay tua, ag to nayarian ya onuren.

Deuteronomio 5:33

Onur yo ran amin, pian maung lawas so kipapasen yo tan mansiansia kayon mambilay ed dalin a panayaman yo.

Saray Taga Roma 7:13

Say labay to yan ibaga kasi et say kamaungan so makasengeg na impatey ko? Andi! Say kasalanan so amatey ed siak; diad panamegley na kamaungan so impamatey na kasalanan ed siak, pian nipanengneng so tuan kipapasey kasalanan. Kanyan diad panamegley na ganggan, apatnagay ontan lan kaogsay kasalanan.

Saray Taga Roma 7:7

Nayarian ti kasin ibaga a makapakasalanan so Ganggan? Ag nayari! Anggaman ontan, say Ganggan so angipaamtad siak no antoy kasalanan. No ag imbagay Ganggan, “Ag ka maagom,” ag ko komun amta no anto tay panagagom.

Isaias 3:10

Manliket iray totoon matonung, tan maung so pansumpalan da. Panliketan da so antokaman a nansagputan da.

Saray Salmo 128:2

Pambilay moy bunga na nanlingetan mo; manliket tan onaligwas ka.

Josue 24:24

Inkuan sirin na saray totoo ed kinen Josue, “Manlingkur kamid Katawan a Dios tayo. Onuren mi ray ganggan to.”

Exodo 24:7

Insan to inala so libro na sipanan, tan maksil ton imbasa ed saray totoo. Inkuanda, “Onuren mi so Katawan tan gawaen mi ray amin ya ingganggan to!”

Deuteronomio 5:27

Pawil ka, Moises, ta dengel moy amin ya ibaga na Katawan a Dios tayo. Insan ka ompawil dia, ta ibagam ed sikami so imbaga to. Ondengel tan ononur kami.’

Jeremias 22:15

Magmaliw ka sirin a maung ya ari lapud tablan sidro iray inkanam ed abung mo tan marakep ni nen saray arum? Nagnap a bilay so nanliketan nen amam. Maptek tan matonung lawas so impanbilay to, kanyan inmaligwas ed amin a ginagawa to.

Jeremias 43:4

Kanyan si Johanan, odino siopaman ed saray pangulo na saray sondalo, odino siopaman ed saray totoo et ag da labay so ontoluk ed ganggan na Katawan a mansiansia ran manayam ed dalin na Juda.

Saray Salmo 78:36

Balet tilan amiy salita ra, tan lastug ya amiy imbaga ra.