Jeremias 42:22 - Maung A Balita Biblia

²² Kanyan sirin, tandaan yo ya: ompatey kayod bakal, odino eras, odino salot ed dalin a labay yon laen tan panayaman.”

Maung a Balita Biblia

²² Kanyan sirin, tandaan yo ya: ompatey kayod bakal, odino eras, odino salot ed dalin a labay yon laen tan panayaman.

Jeremias 42:22 Referans Kwoze

Jeremias 42:17

Amin da ray talagan malabay a manayam ed Egipto ompatey ira ed bakal, o eras, o salot. Anggapod sikaray nakeraan a mabilay, anggapoy anggan sakey a makapaliis ed deral ya iyakar kod sikara.’

Oseas 9:6

No onsabiy kadederal, tan nikaykayat iray totoo, tiponen ira na saray Egipsio—tiponen da ran ipompon ed Memfis! Saray kayamanan dan pilak tan saray pasen ya angiletnegan na saray abung da et natubuan ira na saray dika tan saray tanaman a masabit.

Ezekiel 6:11

Inkuan na Katawan a Dios, “Yesyes yo ray kalimaan yo! Ikarag-karag yo ray sali yo! Akis kayod ermen lapud amin da ray maoges tan makapaingungot a ginagawa na saray Israelita. Ompatey irad bakal o eras o salot.

Jeremias 43:11

Onsabiy Nabucodonosor tan taloen toy Egipto. Saray asintinsiaan lan ompatey ed salot ompatey irad salot; saray asintinsiaan lan naalan priso naala ran priso; tan saray asintinsiaan lan ompatey ed bakal ompatey irad bakal.

Isaias 30:3

Balet anggapoy pakayari na ari ya ontulong ed sikara, tan saray panangyagel na Egipto et mansumpal ed kaderal da.

Jeremias 44:12

Andi-saew a deralen kon amin iray akeraan a totood Juda tan talagan labay day manayam ed Egipto. Amin da, abeba may atagey so kipapasen, ompatey irad bakal odino eras diad Egipto. Magmaliw iran makapagiwgiw a nengnengen; ludlureyen ira na saray totoo tan ikana ray ngaran da a sakey a samba.

Ezekiel 33:27

“Ibagam ed sikara a siak a Katawan a Dios papasakbayan ko ra a legan a mabilay ak andi-duaruwan ompatey iray totoon manaayam ed saray aderal-deral a siudad. Kanen na saray ayayep ed katakelan iray manaayam ed saray bario. Ompatey ed salot iray manaamut ed saray kapalandeyan tan diad saray ongib.

Jeremias 24:10

Ipadalan kod sikaray bakal, eras, tan salot anggad anggapoy anggan sakey ed sikara so natilak ed dalin ya inter kod sikara tan saray lalaki ra.”

Ezekiel 6:12

Mansakit iray walad arawi, insan ira ompatey; saray walad asingger napatey irad bakal; saray ag napatey ed bakal ompatey irad eras. Nalikna ray amin a biskeg na pasnuk ko.