Jeremias 42:16 - Maung A Balita Biblia

¹⁶ aboten kayod man na bakal a tatakotan yo, dalanen kid man na eras a pampapagaan yo, tan ompatey kid man ed Egipto.

Maung a Balita Biblia

¹⁶ aboten kayod man na bakal a tatakotan yo, dalanen kid man na eras a pampapagaan yo, tan ompatey kid man ed Egipto.

Jeremias 42:16 Referans Kwoze

Ezekiel 11:8

Antakot kayod saray ispada? Mangyakar ak dia ingen na saray totoon sankaawit day ispada ya ondogpad sikayo.

Jeremias 44:27

Ag ta kayon balut paaligwasen; ingen, naderal kayo. Amin yon taga Juda a manaayam ed Egipto et ompatey ed bakal o diad salot, anggad anggapoy anggan sakey a nakeraan ed sikayo.

Juan 11:48

No palpaolyan tayo, manisia lan amin iray totoo ed sikato tan kabekta, onla ra diay taga Roma a maneral na Timplo tan say baley tayo!”

Zacarias 1:6

Diad panamegley na saray aripen kon propita inter kod sikara iray ganggan ko tan pinasakbayan ko ra, balet ag da ra inngalngalep kanyan adusa ra. Insan nagbabawi ra tan binirbir da a siak a Katawan a Makapanyarin-amin et dinusak ira onung na kanepegan da tan onung na ginetmak la.’”

Jeremias 42:13

“Balet, sikayon akeraan ed Juda, nepeg ya onuren yo so Katawan a Dios yo. Nepeg a manayam kayod sayan dalin tan ag yo ibabaga, ‘Andi, onla kamin manayam ed Egipto, ag kami lad man nadalan na bakal odino makadngel na trumpitan panawag na bakal, odino bilang naerasan.’ Balet no ipasoot yoy onla, saya so ikuan ed sikayo na Katawan a Makapanyarin-amin a Dios na Israel, ‘No talagan labay yoy manayam ed Egipto,

Probirbio 13:21

Tombutombuk ed anggan iner so gunigon ed saray makasalanan, balet natumangan na saray maung a bengatla iray matonung.

Deuteronomio 28:45

“Onsabid sikayo ra yan kadederal, tan mansiansia rad sikayo ya anggad ompatey kayo, lapud ag yo inonur so Katawan a Dios yo tan ag yo sinumpal iray ganggan ya inter tod sikayo.

Deuteronomio 28:22

Say Katawan ipadalan tod sikayo ray makaalis a sakit, larag, tan petang; pakisiren ton maung so danum yo tan pasinagen toy makasinit a petang na agew et naderal iray tanaman yo. Ondalan ed sikayo ra ya, anggad ag yo ipatey.

Deuteronomio 28:15

“Balet no sumlangen yoy Katawan a Dios yo tan ag yo onuren iray amin a ganggan tan saray bilin to ya iiter tod sikayo natad sayan agew, amin da ra yan samba et nagawad sikayo:

Jeremias 27:8

“Balet no walay bansa odino nanarian ya ag onsilong ed pakaoley nen Nabucodonosor tan ag ontoluk ed pakaoley to, dusaen ko itan a bansa diad panamegley na bakal, eras, tan salot, anggad sigput a napaderal kod sikato.

Jeremias 41:18

pian nibatikan da ray taga Babilonia, ta antakot da ra lapud samay impamatey nen Ismael ed kinen Gedalias a ginawa na ari na Babilonia a gobirnador na dalin.