Jeremias 40:14 - Maung A Balita Biblia

¹⁴ tan kuandad sikato, “Amtam a si Ari Balis na Ammon et imbaki toy Ismael a lakin anak nen Natanias, pian papatey to ka?” Balet ag to ya sinisia nen Gedalias.

Maung a Balita Biblia

¹⁴ tan kuandad sikato, Amtam a si Ari Balis na Ammon et imbaki toy Ismael a lakin anak nen Natanias, pian papatey to ka? Balet ag to ya sinisia nen Gedalias.

Jeremias 40:14 Referans Kwoze

Jeremias 41:10

Insan dinakep nen Ismael iray bibiin anak na ari tan saray arum a totoo ed Mizpa a sikaray impalima nen Nebuzaradan a pangulo da ray sondalo na Babilonia ed kinen Gedalias. Inala nen Ismael iran priso, insan da ginapwan so amaarap ed dalin na Ammon.

Mikias 7:5

Ag yo sisigsiaen so kaabay yo odino panmamatalkan so kaaro yo. Alwaran yoy ibabagayo ed anggan dilin asawa yo.

Jeremias 41:2

inoyus nen Ismael so ispada to tan saramay samploran lalaki, insan da pinatey si Gedalias.

Jeremias 40:8

Kanyan nila ra si Gedalias ed Mizpa. Saray linma et di Ismael a lakin anak nen Natanias, Johanan a lakin anak nen Carea, Seraya a lakin anak nen Tanhumat, saray lalakin anak nen Efai a taga Metofat, tan Jezanias a taga Maaca.

Isaias 26:10

Anggaman a mapangasi kad saray totoon maoges, ag dan balut naaralan so manggaway kaptekan. Anggan diad dalin na saray totoon matonung manggagawa ran siansiay kaogsan; ag da labay a birbiren so inkatalonggaring mo.

Jeremias 40:13

Kayari to ya, si Johanan a lakin anak nen Carea tan saray pangulo na saray sondalo ya ag sinmuko et linma rad kinen Gedalias diad Mizpa

Jeremias 41:1

Nen kumapiton bulan, si Ismael a lakin anak nen Natanias tan apo nen Elisama, tan sakey a kabyangay pamilya na ari, linmad Mizpa a kaiba to ray samploran lalaki, ta nengnengen day Gobirnador Gedalias. Nen wala rad Mizpa tan mandorongo ra,