Jeremias 4:26 - Maung A Balita Biblia

²⁶ Say mataban dalin nagmaliw a kabueran; aderal-deral iray siudad to, lapud ontan lan petang na olo na Katawan. (

Maung a Balita Biblia

²⁶ Say mataban dalin nagmaliw a kabueran; aderal-deral iray siudad to, lapud ontan lan petang na olo na Katawan.

Jeremias 4:26 Referans Kwoze

Saray Salmo 107:34

Impagmaliw ton maasin tan ag natobuan so mabonan dalin, lapud kaogsan da ray manaayam diman.

Mikias 3:12

Kanyan lapud maoges kayo, nabakan singa alog so Sion, magmaliw a bunton na deral-deral so Jerusalem, tan magmaliw a takel so pokdul a kawalaay Timplo.

Jeremias 12:4

Kapigay itonda na sayan inkamagaay dalin mi, tan say inkalenes na karikaan ed kaalogan? Ompapatey iray ayayep tan saray manok, lapud kaogsan na saray totoon manaayam ed sayan dalin, ya ibabaga ra, ‘Ag nanenengneng na Dios so gagawaen mi.’”

Saray Salmo 76:7

Balet sika makapataktakot ka. Siopay makakpel ya onarap ed sika no mamapasnuk ka?

Jeremias 9:10

Inkuanko, “Ermenan ko ray kapalandeyan tan akisan ko ray pastolan, lapud minmaga-maga ra; anggapo lay ondadalan ed sikara. Ag la narengel so tanul da ray ayayep; tinmitikyab tan naandi la ray manok tan saray ayayep ed katakelan.”

Jeremias 12:13

Nantanem na trigo iray totook, balet kasabitan so naani ra; pinasyay impankimey da, balet anggapoy agunggona ra. Lapud mapalalon pasnuk ko ag nambunga ray tantanaman da.”

Levitico 26:31

pagmaliwen kon aderalderal iray siudad yo, deralen ko ray pasen a panangigalangan yo, tan ag ko awaten iray bagat yo.

Jeremias 7:34

Magmaliw a kabueran so dalin. Pansamputen ko ray tanul na liket tan gayaga diad saray siudad na Juda tan diad saray dalan na Jerusalem tan saray maliket a tanul na bansal.

Jeremias 25:11

Magmaliw a bontun na dera-deral yan intiron dalin tan makapataktakot a nengnengen. Pitomploy taon a panlingkuran na sarayan kakaabay a bansa so Babilonia.

Saray Tagleey 2:7

Impolisay na Katawan so altar to tan say masanton Timplo to; Inabuloyan ton igeba na saray kalaban iray padir to. Diad pasen a maliket min angigagalangan nen saman, inmeeyag ira lapud impanalo.

Sofonias 1:18

Diad agew a pangidapoy Katawan na pasnuk to, ag ira nilaban na anggan amin a pilak tan balituk da. Deralen na apoy na sanuk to so intiron mundo. Bigla ton panganggaen so balang sakey a manaayam ed tapew na dalin.