Jeremias 4:14 - Maung A Balita Biblia

¹⁴ Jerusalem, ekalan moy kaogsan so pusom, pian nagamuran moy kilalaban. Kapigan mangangga so pannununot moy kaogsan?

Maung a Balita Biblia

¹⁴ Jerusalem, ekalan moy kaogsan so pusom, pian nagamuran moy kilalaban. Kapigan mangangga so pannununot moy kaogsan?

Jeremias 4:14 Referans Kwoze

Santiago 4:8

Singger kid Dios, et onsingger ed sikayo. Orasan yoy lima yo, sikayon makasalanan! Linisan yoy puso yo, sikayon mansimpisimpitan!

Saray Gawgawa 8:22

Magbabawi ka sirin tan ibeneg mo yan maoges a pilalek mo, tan mampikasi kad Katawan a pirdonaen to ka.

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

1 CORINTO 3:20

Ibabaga to ni, “Amtay Katawan a saray nununoten da ray makabat et andi-kakanaan.”

Saray Taga Roma 1:21

Anggaman a kabat da lay Dios, ag da inggalang a Dios odino akisalamatan. Ingen, andikakanaan so kanunotan da tan abilongetan so ag makatalus ya otek da.

Lucas 11:39

Kanyan inkuanen Jesus ed sikato, “Sikayon Pariseo, lilinisan yoy paway na tasa tan plato, balet diad puso yo napno kayoy inkaagum tan inkasiblet.

Jeremias 13:27

Anengneng kayo na Katawan ed panggagawa na saray bengatlan kabosul to. Anengneng to kayon tinmotombuk ed saray paganon diriyos diad saray kapokdulan tan saray kaalogan, singa kayo lakin mantitiyam na asawa na kaabay to, odino singa kayo kabayon kalakyan a mangoosil na kabatyan. Totood Jerusalem, pakaskasiy kipapasen yo! Kapigan kasiy pagmaliw yon malinis?

Probirbio 1:22

“Makulang-kulang a totoo! Anggad kapigan so pansiansia yon makulang-kulang? Kapigan so itonda na panluludlurey yod pakaamta? Ag kayon balut makaaral?

Saray Salmo 66:18

No ag ko nagbabawian iray kasalanan ko, ag ak komun dinengel na Katawan.

Mateo 12:33

Maung so bungay kiew no maung so sengeg to; makapoy so bungay kiew no makapoy so sengeg to. Diad bunga so pakabirbiran no maung o makapoy so sakey a kiew.

Ezekiel 18:31

Tondaan yo la ray kaogsan a gagawaen yo, tan iyalaan yo lay sikayon dili na balon isip tan puso. Akin et labay yoy ompatey, sikayo ran Israelita?

Saray Salmo 119:113

Kabosul ko ray aliwan sigput a matoor ed sika, balet inarok so ganggan mo.

Saray Salmo 51:2

Orasan mo ak pad amin a kaogsan ko tan linisan mo ak pad amin a kasalanan ko!

Jeremias 2:22

Anggaman a mansabon ka na sanka-bayanian a sabon ed panames mo, nanengneng ko nin siansiay mansay kasalanan mo.

Jeremias 6:19

Dengel ka, O mundo! Diad panusak ed maoges a plano da ra yan totoo, mangyakar ak na deral ed sikara, lapud ag da inonur iray salitak tan impolisay day bangat ko.

Jeremias 17:1

Say Katawan kuanto, “Totood Juda, insulat na balatyang a lapis so kasalanan yo; intatak na maotuk a diamanti ed kapusoan yo, tan nikorti ed saray sokung na saray altar yo.

Zacarias 8:17

Ag kayo mannununot na antokaman a makapasakit ed arum. Ag kayo mantatasi na tila a katekep toy samba. Kabosul koy panagtila, panagpikewet na katunongan, tan panagduksa.”

Jeremias 18:11

Natan sirin, ibagam ed saray totood Juda tan saray taga Jerusalem a walay getmak a sumpaen ira tan ipaparaan koy panusak ed sikara. Ibagam ed sikara a tondaan da lay maoges a panagbilay da—salatan da lay kabibilay da tan bengatlan gagawaen da.

Juan 13:9

Inmebat si Simon Pedro, “Katawan, aliwan saray salik labat sirin, no ag ingen pati saray limak tan say olok!”