Jeremias 37:18 - Maung A Balita Biblia

¹⁸ Insan tinepet ko, “Antoy kasalanan kod sika, odino diad saray opisyal mo, odino diad saray totoom a makasengeg na pangipiprisoan mod siak?

Maung a Balita Biblia

¹⁸ Insan tinepet ko, Antoy kasalanan kod sika, odino diad saray opisyal mo, odino diad saray totoom a makasengeg na pangipiprisoan mod siak?

Jeremias 37:18 Referans Kwoze

Saray Gawgawa 25:8

Inkuanen Pablo a pangyagel tod sikaton dili, “Anggapoy ginawak a sumpad Ganggan na saray Judio, odino sumpad Timplo odino sumpad Impirador.”

Juan 10:32

Inkuanen Jesus ed sikara, “Impapanengneng kod sikayo ray maung a gawan impagawa na Ama ed siak. Dinan ed saraya so makasengeg na panupakan yod siak?”

Saray Gawgawa 25:25

Balet anggapoy arumog kon makasengeg no akin et patey so dusa to. Kinerew ton say Impirador so manintinsiad sikato, kanyan ginetmak ibakik.

Saray Gawgawa 25:11

No sinumpak so ganggan o nanggawa ak na antokaman a nepeg a pakadusaan koy patey, sipaparaan ak ya ompatey. Balet no anggapoy katwaan da ray ipapakasalanan dad siak, anggapoy makapangipalimad siak ed sikara. Say Impirador so aapirengan ko.”

Daniel 6:22

Imbaki na Dios ko so anghil to ya amepet ed sangi da ray lion, pian ag da ak napasakitan. Ginawa to ya, ta amta to ya anggapoy kasalanan ko tan anggapoy maoges a ginawak ed sika, Kagalang ya Ari.”

TAGA GALACIA 4:16

Kabosul yo ak la natan kasi lapud ibabagak ed sikayoy katwaan?

Saray Gawgawa 26:31

Kapaway da inkuandad sakey tan sakey, “Sayan too anggapoy ginawa ton manepeg a panintinsiaan ed sikato a pateyen o ipriso.”

Saray Gawgawa 24:16

Kanyan gagawaen koy anggaay nayarian ko a malinis lawas so konsinsiak ed arap na Dios tan saray totoo.

Saray Gawgawa 23:1

Ninengneng a maung nen Pablo ra, insan inkuanto, “Agagi! Malinis so konsinsiak a mambibilay ed arap na Dios, anggad sayan agew.”

Jeremias 26:19

Ag pinatey nen Ari Ezekias tan saray totoo to si Mikias. Ingen tinakotan nen Ezekias so Katawan tan nala to so maung a linawa to. Diad onman angoman so Katawan ed kanununotan ton manderal ed sikara. Balet sikatayo, ngalngali ti la iyakar so baleg a deral ed sikatayon dili.” (

Probirbio 17:26

Sumlang ed katonungan so panmulta na toon anggapoy kasalanan; napikewet so katonungan no nadusa ray maung a totoo.

Probirbio 17:13

No kaogsan so ibales mod kamaungan, ag naandian na kaogsan so abung mo.

Genesis 31:36

Naingungotan si Jacob. Inkuanto, “Antoy kasalanan a ginawak? Antoy ganggan a sinumlang ko, et naitdan kayoy kanepegan a mangosil ed siak?