Jeremias 36:24 - Maung A Balita Biblia

²⁴ Balet samay ari odino saramay opisyal ya akadngel ed sarayan amin et ag ira tinmakot odino angipatnag na pagbabawi ra.

Maung a Balita Biblia

²⁴ Balet samay ari odino saramay opisyal ya akadngel ed sarayan amin et ag ira tinmakot odino angipatnag na pagbabawi ra.

Jeremias 36:24 Referans Kwoze

Jeremias 36:16

Kayari to ya abasan amin, mapagpaga ran nannenengnengan, tan inkuandad kinen Baruc, “Nepeg mi yan ipasabi ed ari.”

Saray Salmo 36:1

Say kasalanan mansasalita ed otel na pusoy toon maoges; ipopolisay toy Dios tan ag to igagalang.

Jonas 3:6

Nen nadngelan na ari ed Ninive so nipaakar ed saya, inmepas a nanlapud trono to, nilakseb toy kawes to, nansolung na sako, tan nanirung ed dapul.

Isaias 36:22

Diad ermen di Eliakim, Sebna, tan Joa, pinilat day kawes da, linma la ra, insan imbalita rad ari so imbaga na samay opisyal na Asiria.

Saray Salmo 64:5

Mampapabiskegan iray linawa nipaakar ed saray maoges a komplut da; pantotongtongan da no iner so pangiliraan da ray patit da. “Anggapoy makanengneng ed saraya,” kuanda.

1 Saray Arari 21:27

Nen asumpal a nansalitay Elias, pinilat nen Acab so kawes to, inekal to tan nansolung na sako. Ag angan, dinmokul ed sako, tan nanakar-akar a maerermen.

Saray Taga Roma 3:18

say takot ed Dios anggapo ed sikara.”

Mateo 12:41

Diad Agew na Okum onalagey iray taga Ninive tan akusaen da kayo, ta nansibkelan da ray kasalanan da nen nadngel dan nampulong si Jonas. Balet kuankod sikayo a wadyay lalon makapanyari nen si Jonas!

Jeremias 5:3

Andi-duaruwan aanapen na Katawan so katooran. Binakbak to kayo, balet ag yo inkabilangan; kinabil to kayo, balet ag kayo nampasimbalo. Anawet so puso yo tan ag yo ikaindan iray kasalanan yo.

Isaias 26:11

Ag amta na saray kalaban mo a dusaen mo ra. Katawan, ipelag mo pa rad kababaingan tan panliknam pa ray kairapan; ipaliknam ed sikaray dusan imparaan mo. Ipanengneng mo pad sikara so ontan lan panangarom ed saray totoom.

Say Libro nen Job 15:4

Ibabangat mon ag ontakot ed Dios iray totoo; babanoen mo ran mampikasi ed sikato.

Genesis 37:29

Nen pinmawil ed samay bobun si Ruben tan anengneng ton anggapo lad may Jose, pinilat toy kawes to diad ermen to.

Genesis 37:34

Pinilat nen Jacob so kawes to diad ermen to tan nansolung na sako. Abayag a nanermen lapud si anak to.

2 Samuel 1:11

Diad ermen nen David pinilat toy kawes to, tan onya met so ginawa na saray totoo to.

Isaias 37:1

Diad ermen nen Ari Ezekias nen nadngel toy imbalita da ra may opisyal to, pinilat toy kawes to, insan linmad Timplo na Katawan.

Exodo 7:23

Pinmoliktar la laingen a pinmawil ed palasio to tan ag to insingansingan so agawa.

Saray Salmo 36:2

Lapud atagey a tuloy so pangipapasen tod sikaton dili, abaloan ton say kasalanan to et ag la naamtaay Dios tan ag to la pakadusaan.