Jeremias 34:2 - Maung A Balita Biblia

² Say Katawan, say Dios na Israel, imbaga tod siak ya onla ak ed kinen Ari Sedekias na Juda ta ikuanko yan salita to, “Siak, say Katawan, ipadakep ko yan siudad ed ari na Babilonia, tan poolan to.

Maung a Balita Biblia

² Say Katawan, say Dios na Israel, imbaga tod siak ya onla ak ed kinen Ari Sedekias na Juda ta ikuanko yan salita to, Siak, say Katawan, ipadakep ko yan siudad ed ari na Babilonia, tan poolan to.

Jeremias 34:2 Referans Kwoze

Jeremias 21:10

Ginetmak la ya ag ko iyagel yan siudad, no ag ta deralen ko. Nipalima ed ari na Babilonia tan poolan ton temeken. Siak, say Katawan, so nansalita.”

Jeremias 34:22

Iganggan ko ra, et ompawil irad sayan siudad. Dogpaan da, dakepen da, insan da poolan. Saray baley na Juda et pagmaliwen ko ran singa kalawakan ya anggapoy manaayam. Siak, say Katawan, so nansalita.”

Jeremias 32:3

Impriso ak diman nen Ari Sedekias tan inakusa to ak ya imbawag kon say Katawan kuanto, “Ipadakep ko yan siudad ed ari na Babilonia,

Jeremias 39:8

Legan to ya, pinoolan na saray taga Babilonia so palasio ed Jerusalem tan saray abung na totoo, tan inggegeba da ray padir na Jerusalem.

Jeremias 38:23

Insan inkuanko ni, “Amin da ray bibii tan saray anak mo et nipaway iran niakar ed saray taga Babilonia, tan ag mo ra nibatikan. Nadakep ka na ari na Babilonia, tan napoolan yan siudad.”

Jeremias 21:4

ya ibaga rad kinen Sedekias a say Katawan a Dios na Israel kuanto, “Sedekias, taloen ko ray sondalom a pilalabanen mo sumpad ari na Babilonia tan saray sondalo to. Ibunton kod pegley na siudad iray armas yo.

2 Saray Arari 25:1

Linmaban si Sedekias ed Ari Nabucodonosor na Babilonia. Kanyan diad kumaplon agew na kumaplon bulan na kumasyam a taon na panooley nen Sedekias, linmad Jerusalem si Nabucodonosor tan amin da ray sondalo to, ta dogpaan da. Nankampo rad paway na siudad, pinaliberan da na panagguardiaan,

Jeremias 27:22

Naala rad Babilonia tan mansiansia rad man ya anggad agew a limengen ko ra. Alaen ko rad satan tan ipawil ko rad sayan pasen. Siak, say Katawan, so nansalita.”

2 Saray Arari 25:9

Pinoolan toy Timplo, say palasio, tan say kaabungan na amin da ray totoon atagey so kipapasen ed Jerusalem,