Jeremias 33:17 - Maung A Balita Biblia

¹⁷ Siak, say Katawan, isisipan ko a wala lawas so manarid Israel a kabyangay boleg nen David,

Maung a Balita Biblia

¹⁷ Siak, say Katawan, isisipan ko a wala lawas so manarid Israel a kabyangay boleg nen David,

Jeremias 33:17 Referans Kwoze

1 Saray Arari 2:4

No onuren mo ray ganggan to, sumpalen met na Katawan so sipan tod siak a manoley ed Israel iray kabyangay boleg ko, legan a mabolbolus tan matoor iran mangonur ed saray ganggan to.

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

1 Saray Arari 8:25

Et natan, Katawan a Dios na Israel, pikasik ed sika a sumpal mo pa ni may sakey ya insipan mod amak a David nen inkuan mod sikaton wala lawas so kabyangay boleg ton manari ed Israel, no saray kabyangay boleg to et mapeleng iran mangonur ed sika a singa impangonur tod sika.

Jeremias 35:19

Lapud saya, siak, say Katawan a Makapanyarin-amin a Dios na Israel, isisipan ko a nawalaan lawas si Jonadab a lakin anak nen Recab na sakey a lakin kabyangay boleg to a manlingkur ed siak.”

1 Saray Awaran 17:27

Kerewen kod sikan bindisionan mo ray kabyangay boleg ko, tan pansiansiam yan bindision ed sikara. Sika, Katawan, so amindision ed sikara; mansiansian ando lan ando ed sikara so bindision mo.”

2 Samuel 3:29

Pakadusaan ya komun nen Joab tan amin a kabyangay pamilya to. Diad kapag kailalakan, walan wala komuy lakin kabyangay pamilya to a mansakit na gonoriya, o kating, o say nayarian ton gawaen labat et say kimey na bii, o napatey ed bakal odino naerasan!”

Jeremias 17:25

No onuren da ra ya, onloob ed puirta na Jerusalem iray arari tan saray pangulo ra tan walay pakayari ran singa samay pakayari nen Ari David. Kaiba da ray totood Juda tan Jerusalem, a mankarwahi tan mankabayo ra, tan nawalaan lawas na saray totoo so siudad na Jerusalem.

2 Samuel 7:12

No ompatey ka tan nipompon kad kawalaan da ray lalakim, gawaen kon ari so sakey ed saray anak mo tan pabiskegen koy nanarian to.

2 Samuel 7:13

Sikatoy mamaalagey na sakey a timplon para siak, tan pansiansiaen ko ya anggad angga so nanarian to.

2 Saray Arari 11:2

Bukbukor nen Joas a lakin anak nen Ahazia so akabatik. Kaiba la lawari na saray arum a napatey, balet inyagel na panginaen ton si Josaba ya anak nen Ari Jehoram tan agi nen Ahazia ed ama. Inyakar tod kuarton ogipan ed dalem na Timplo si Joas tan say kumokomis ed sikato, ta inyamut tod kinen Atalia, kanyan ag apatey.

Saray Salmo 132:12

No tooren na saray anak mo so impisipanan ko, tan onuren da ray ganggan ya ibangat kod sikara, onsalat met a manari ya anggad angga iray anak da.”