Jeremias 33:13 - Maung A Balita Biblia

¹³ Diad saray baley ed kapokdulan, diad saray alusadsar, diad abalaten na Juda, diad dalin a sakop na Benjamin, diad saray bario ed kaliber-liber na Jerusalem, tan diad saray baley na Juda, saray pumapastol et bilangen da lamet iray karniro ra. Siak, say Katawan, so nansalita.”

Maung a Balita Biblia

¹³ Diad saray baley ed kapokdulan, diad saray alusadsar, diad abalaten na Juda, diad dalin a sakop na Benjamin, diad saray bario ed kaliber-liber na Jerusalem, tan diad saray baley na Juda, saray pumapastol et bilangen da lamet iray karniro ra. Siak, say Katawan, so nansalita.

Jeremias 33:13 Referans Kwoze

Levitico 27:32

Say sakey ed kapag samploran amon ayep et kayaryan na Katawan. No bilangen iray ayep, kayaryan na Katawan so balang kumasamplo.

Lucas 15:4

“No bilbilang ta sakey ed sikayoy walay sanlasus a karniro et abalang so sakey, antoy gawaen to? Taynan tod alog ira may siamaplo tan siam a karniro, insan to anapen imay abalang a karniro, anggad ag to pakalmo.

Jeremias 17:26

Onsabi ray totoo a manlapud saray baley na Juda tan saray bario ed kaliber-liber na Jerusalem; manlapu rad dalin na Benjamin, diad saray alusadsar na saray pokdul, diad saray kapalandeyan, tan diad abalaten na Juda. Mangawit irad Timplok na saray bagat a popoolan tan saray isasaklang, saray bagat a trigo tan insinso, tan saray bagat a pangiter na pisasalamat.

Jeremias 31:12

Ondago ra tan mankanta rad liket diad Palandey na Sion tan panliketan da ray rigalok— saray rigalon trigo, alak, tan larak na oliba, saray karniro tan saray baka. Magmaliw iran singa asalusalug a tanamanan, tan nawalaan ira na amin a nakaukolan da.

Jeremias 32:15

Imbaga na Katawan a Makapanyarin-amin, say Dios na Israel, a nasaliw lamet ed sayan dalin iray kaabungan, kaalogan, tan saray kaubasan.”

Jeremias 32:44

Saliwen ira na saray totoo, tan napirmaan iray kasulatan na saliwan, natimbrian ira, tan natasian ira. Nagawa ya ed pasen a sakop na dalin na Benjamin, diad saray bario ed kaliber-liber na Jerusalem, diad saray baley na Juda, tan diad saray baley ed kapokdulan, diad saray alusadsar, tan diad abalaten na Juda. Papawilen kod dalin da iray totoo. Siak, say Katawan, so nansalita.”

Ezekiel 20:37

“Pegetan koy panoley kod sikayo tan patoluken ta kayod impisipanan ko.

Obadias 1:20

Saray sondalon taga baybay na Israel a nibantak iran adakep ed arum a bansa et ompawil ira tan nadakep day Fenicia ya anggad Sarefat. Saray taga Jerusalem a nibantak iran adakep ed Sardis et nadakep da ray baley ed abalaten na Juda.