Jeremias 32:9 - Maung A Balita Biblia

⁹ Kanyan sinaliw kod kinen Hanamel imay alog tan imbilang kod sikatoy kuarta; labinpiton pilak ya amin so bili to.

Maung a Balita Biblia

⁹ Kanyan sinaliw kod kinen Hanamel imay alog tan imbilang kod sikatoy kuarta; labinpiton pilak ya amin so bili to.

Jeremias 32:9 Referans Kwoze

Ester 3:9

No labay na Kagalang kon Ari, mangipaakseb kay sakey a ganggan a nepeg a pateyen ira. No gawaen mo ya, andi-duaruwan makapangyan ak na talon lasus tan pitomplo tan liman toniladan pilak ed saray makaoley ed panagsinupan na ari ya onkanan pangikurang na oley ed impirio.”

1 Saray Arari 20:39

Nen onlalabas lay ari, tinawag na samay propita tan kuanto, “Kagalang ya Ari, mibabakal ak nen angyakar ed siak so sakey a sondalo na sakey ya adakep a kalaban tan kuanto, ‘Bantayan mo yan too; no nabolus mo, bilay moy ibayar mo, odino mambayar kay talon libon pilak.’

Oseas 3:2

Kanyan sinaliw ko may asawak na labinliman pilak a kuarta tan anemiran sakon a sibada.

Isaias 55:2

Akin et gagastosen yoy kuarta yo ed antokaman ya ag makapenek? Akin et gagastosen yoy suildo yo, et siansian narasan kayo? Dengel yo ak tan gawa yoy ibabagak, et manliket kayo ed sankananaman iran kakanen.

Genesis 37:28

Nen onlalabas iray komirsiantin Madianita, inagwat na saramay sanaagi si Jose, insan da inlakoy duamplon kuartan pilak ed saray Ismaelita; inawit da sirin si Jose ed Egipto.

Genesis 24:22

Kasumpal ya inminom ira may kamilyo, angipaway imay aripen na mabmablin singsing a balituk tan inyan tod eleng na samay marikit, insan to sinolungay duaran balituk a pulsiras iray taklay to.

Exodo 21:32

No laki odino bii ya aripen so apatey na bakan kalakyan, nepeg a say akanbaka bayaran to na talomplon pilak a kuarta so akankayaryan na inatey ya aripen tan nepeg a tupaken so baka ya anggad ompatey.

Nehemias 5:15

Makapabelat ed saray totoo iray amin a gobirnador ya akaonan nanoley nen say siak, lapud kinaukolan da a niiter ed sikaran inagew-agew so apataplon kuartan pilak ya isaliw da na tagano tan alak. Pinapairap na anggan saray katulong da iray totoo. Balet domay impanoley ko, lapud walay takot kod Dios.

Ezekiel 4:10

Nayarian moy mangan a maminsan na waloran onsa na tinapay ed loob na sanagew.