Jeremias 32:24 - Maung A Balita Biblia

²⁴ “Saray taga Babilonia nanggagawa rad kaliber-liber na siudad na saray bunton a looban dan manakep, tan ondodogpa ra. Lapud bakal, eras, tan salot napelag ed lima ra so siudad. Katawan, nanengneng mo a tinmuan amin iray imbagam.

Maung a Balita Biblia

²⁴ Saray taga Babilonia nanggagawa rad kaliber-liber na siudad na saray bunton a looban dan manakep, tan ondodogpa ra. Lapud bakal, eras, tan salot napelag ed lima ra so siudad. Katawan, nanengneng mo a tinmuan amin iray imbagam.

Jeremias 32:24 Referans Kwoze

Jeremias 33:4

Siak a Katawan, say Dios na Israel, kuanko a saray kaabungan ed Jerusalem tan say palasio ed Juda et nageba ra lapud panlakob tan pandogpa.

Jeremias 32:36

Say Katawan a Dios na Israel kuantod siak, “Jeremias, ibabaga na saray totoo a lapud bakal, eras, tan salot napelag yan siudad ed lima na ari na Babilonia. Balet dengel mo niy nepeg kon ibaga.

Deuteronomio 4:26

Nitan so tawen tan say dalin a sikara natan so mantasi sumpad sikayo a no ag yo ak onuren, ag mabayag naandipat kayod dalin. Ag kayo mambayag a manayam ed dalin ed nibaliw na Jordan a ngalngali yo la napanayaman. Sigput kayon napatey.

Zacarias 1:6

Diad panamegley na saray aripen kon propita inter kod sikara iray ganggan ko tan pinasakbayan ko ra, balet ag da ra inngalngalep kanyan adusa ra. Insan nagbabawi ra tan binirbir da a siak a Katawan a Makapanyarin-amin et dinusak ira onung na kanepegan da tan onung na ginetmak la.’”

Ezekiel 21:22

Bebembenan natan na kawanan a lima to so pana a nanmarka na Jerusalem! Ibabaga na saman a dimay laen to, mangiparaan na saray panmasod saray puirta, oneyag na para bakal, ilira to ray bunton, tan mankotkot na saray tirinsira.

Ezekiel 14:21

Sikato ya so ibabaga na Katawan a Dios: “Mangipadalan ak na mapalalon dusa ed Jerusalem—bakal, eras, ayayep ed katakelan, tan salot—a maneral ed saray totoo tan saray ayayep.

Jeremias 32:3

Impriso ak diman nen Ari Sedekias tan inakusa to ak ya imbawag kon say Katawan kuanto, “Ipadakep ko yan siudad ed ari na Babilonia,

Mateo 24:35

Naandipat so tawen tan dalin, balet ag balut naandipat iray salitak.”

Jeremias 52:6

Diad kumasiam ya agew na kumapat a bulan na saman lamlamang a taon nen mapalaloy eras ya anggapo lay naakan na saray totoo,

Jeremias 32:25

Balet, Katawan a Dios, sikay angiganggan ed siak a saliwen ko may alog diad arap da ray tasi, anggaman a ngalngali la nadakep na saray taga Babilonia so siudad.”

Jeremias 24:10

Ipadalan kod sikaray bakal, eras, tan salot anggad anggapoy anggan sakey ed sikara so natilak ed dalin ya inter kod sikara tan saray lalaki ra.”

Jeremias 16:4

Ompatey irad ambelat a sakit. Anggapoy manermen ed ipatey da, tan ag ira nipompon. Magmaliw a singa taiy ayep ya abunton ed dalin iray bangkay da. Napatey irad bakal, odino ompatey irad eras, tan buagen na saray manok tan saray ayayep ed katakelan iray bangkay da.

2 Samuel 20:15

Nadngelan na saray totoo nen Joab a wadmay Seba, kanyan linma ra tan niliktub da may siudad. Nambonton iray dalin ed paway na padir tan ginapwan dan kotkotan so silong na padir, pian natumba.

Isaias 37:33

“Onyay inkuan na Katawan nipaakar ed impirador na Asiria: ‘Ag to looban o panaen yan siudad. Anggapoy onsingger ed siudad a sondalon walay samper to, tan anggapoy nagawan bontun a para panakep ed siudad.

Jeremias 6:6

Say Katawan a Makapanyarin-amin ingganggan to ra yan arari a mambatang iray kakiewan tan mambunton iray dalin, pian nakobkob day Jerusalem. Impasakbay to la nen saman, “Dusaen ko yan siudad lapud napno na panagpairap.

Jeremias 20:5

Ipasamsam kod saray kalaban da iray amin a kayamanan ed sayan siudad, tan alaen da ray amin a kayaryan to, anggan saray kayamanan na saray ararid Juda, tan awiten da ran amin ed Babilonia.

Jeremias 29:17

Ibabagay Katawan a Makapanyarin-amin, ‘Mangipadalan ak ed sikara na bakal, eras, tan salot, tan pagmaliwen ko ran singa saray bungay igos a diad mapalalon inkaboluk da, ag ira nayarin kanen.

Jeremias 29:18

Osilan ko ra na bakal, eras, tan salot, pian diad ontan saray totood amin a bansa ed mundo et nataktakot ira ed nanengneng da. Inerman a pasen a pangikayatan kod sikara, saray totood man et natalagnaw tan nataktakot ira ed agawad sikara. Ludlureyen da ra tan ikana ran sakey a samba so ngaran da.

Jeremias 32:5

Niakar ed Babilonia si Sedekias, tan manayam diman ya anggad arapen kon tulongan. Anggano mibakal ed saray tagan Babilonia, ag manalo. Siak, say Katawan, so nansalita.”

Jeremias 32:28

Kanyan sirin, iter ko yan siudad ed Ari Nabucodonosor na Babilonia tan saray sondalo to, tan dakepen da,

Jeremias 34:17

Kanyan natan, siak, say Katawan, kuanko ya ag yo ak inonur; ag yo initdan na kawayangan iray kapara yon Israelita. Sigi sirin, itdan ta kayoy kawayangan: say kawayangan ya ompatey ed bakal, salot tan eras. Gawaen koy amin a bansa ed intiron mundo a nataktakot lapud gawaen kod sikayo.

Jeremias 52:4

Kanyan diad kumaplon agew na kumaplon bulan na kumasiam a taon na panooley nen Sedekias ed Juda, linmad Jerusalem si Nabucodonosor tan amin da ray sondalo to, ta dinogpaan da. Nankampo ra ed paway na siudad, tan pinaliberan da na padir

Ezekiel 26:8

Napatey ed bakal iray manaayam ed saray baley ed maawang a dalin. Saray kalaban manggawa ra na saray tirinsira, saray bunton na dalin, tan mangipaalagey ira na saray makapal tan mabiskeg a saniban da no milaban irad sika.

Habacuc 1:10

Luludlureyen da ray arari tan elek-elekan da ray atatagey ya opisyal. Anggapoy tirinsiran makapatondad sikara—mambubunton ira na dalin ed abay na tirinsira et nadadakep da.

Ezekiel 4:2

Insan igulis mo met so panakep ed siudad; igulis mod kaliber-liber na siudad iray tirinsira, saray bunton na dalin, saray kampo, tan saray mason ankakabaleg.

Ezekiel 21:27

Deral! Deral! On, pagmaliwen kon deral-deral so intiron siudad. Balet ag ya nagawa anggad isabi na samay pinilik a manusad siudad. Sikato so pangiteran ko na siudad.