Jeremias 32:17 - Maung A Balita Biblia

¹⁷ “Katawan a Dios, lapud baleg a pakayarim tan biskeg mo, ginawam so tawen tan dalin; mainomay mon gawaey antokaman a bengatla.

Maung a Balita Biblia

¹⁷ Katawan a Dios, lapud baleg a pakayarim tan biskeg mo, ginawam so tawen tan dalin; mainomay mon gawaey antokaman a bengatla.

Jeremias 32:17 Referans Kwoze

Lucas 1:37

Anggapoy ag nagawaan na Dios.”

Jeremias 32:27

“Siak so Katawan, say Dios na amin a katoowan. Anggapoy antokaman a mairap ed siak.

Genesis 18:14

Akin, walay mairap ed Katawan? Onung na inkuanko la, siam bulan a manlapud natan, ompawil ak dia, et wala lad satan so lakin anak nen Sara.”

Say Libro nen Job 42:2

“Amtak, Katawan, a nagawaan moy amin a bengatla; anggapoy makabaat ed antokaman a labay mon gawaen.

Mateo 19:26

Ninengneng nen Jesus ira tan kuanto, “Ag nagawaan ya na too, balet nagawaan na Dios iray amin a bengatla.”

Exodo 20:11

Diad loob na anemiran agew siak a Katawan et pinalsak so tawen tan dalin, saray dayat tan amin a logan da, balet diad kumapiton agew nampainawa ak. Sikato yay makasengeg a siak a Katawan et binindisionan koy Agew na Panagpainawa tan ginawak a masanto.

Jeremias 27:5

“Siak, diad panamegley na pakayarik tan biskeg ko, pinalsak so mundo, saray totoo, tan amin ya ayayep a manaayam ed tapew na dalin; iiter ko ya ed siopaman a labay kon pangitdan.

Lucas 18:27

Inmebat si Jesus, “Say ag nagawaay too, nagawaay Dios.”

2 Saray Arari 19:15

tan nampikasi, “O Katawan a Dios na Israel, manyodyorung kad mapagalang a tronom diad tagey na saray kirubin, bukbukor moy Dios a manooley ed amin a nanarian diad mundo. Pinalsam so tawen tan dalin.

Isaias 45:12

Siak so nanggawad mundo tan amalsad too a manayam ed tapew na dalin. Lapud pakayarik impanat koy katawenan; siak so makaoley ed agew, bulan, tan saray bitewen.

Puyan 4:11

“Katawan tan Dios mi! Manepenepeg kan mangawat na galang, dayew, tan pakayari. Ta sikay amalsad amiamin, tan onung ed linawam, niwala ra tan naitdan iray bilay.”

Saray Salmo 102:25

abayag lan pinalsam so mundo, tan saray dilin limam so nanggawad katawenan.

Jeremias 51:15

Say Katawan ginawa toy mundo diad panamegley na pakayari to; diad panamegley na kakabatan to pinalsa toy dalin, tan impanat toy katawenan.

Nehemias 9:6

Insan saray totood Israel nampikasi ra na onya: “Sika, Katawan, sika labat so Katawan; pinalsam iray katawenan tan saray bitewen ed tawen. Pinalsam so dalin tan say dayat tan amin a logan da; initdan moy bilay iray amin a bengatla. Ondadakmomo tan mangigagalang ed sika iray mangatatawen a pakayari.

Isaias 42:5

Pinalsa na Dios iray katawenan tan impanat to ra; pinalsa toy mundo tan amin a manaayam dia; initdan toy bilay tan linawa iray amin a katoowan ed mundo. Et natan say Katawan a Dios kuantod aripen to,

Daniel 2:22

Ipapaamta to ray bengatlan aralem tan maamut; amta toy antokaman a niamut ed kabilongetan, ta manaayam ed sikaton dili so liwawa.

Jeremias 51:19

Say Dios nen Jacob et aliwan singa sikara; sikatoy nanggawa ed amin a bengatla, tan pinili ton totoo ton dili so Israel. Yahweh a Makapanyarin-amin so ngaran to.

Jeremias 1:6

Insan ko inkuan, “Katawan a Dios, ag ko amtay mansalita; ogaogaw ak ni.”

Jeremias 14:13

Insan inkuanko, “Katawan a Dios, amtam ya ibabaga da ray propita ed saray totoo ya anggapoy ondalan a bakal odino eras, ta kuandan insipan mo a manari labat so kareenan ed dalin tayo.”

Saray Gawgawa 17:24

Say Dios ya amalsay mundo tan amin a logan to, sikatoy Katawan na tawen tan dalin, kanyan ag manaayam ed saray Timplon ginaway too.

Saray Gawgawa 15:18

Sikato yay imbagay Katawan, ya angipaamta ed saraya nen saman nin panaon.’

Saray Gawgawa 14:15

“Sikayon totoo, akin et gagawaen yo ya? Totoo kami met a kapara yo! Impupulong mid sikayoy Maung a Balita, pian nalingwanan yo la ra yan andi-kakanaan a bengatla tan ondago ki lad mabilay a Dios ya amalsay tawen, dalin, tan dayat, tan amin a logan da ra ya.

Zacarias 12:1

Sikato yay salita na Katawan nipaakar ed Israel, say Katawan ya angipanat na katawenan, say amalsad mundo, tan sikatoy angiter na bilay ed too. Kuanto,

Isaias 44:24

“Siak so Katawan a manangilaban mo; siak so amalsad sika. Siak so Katawan a Manamalsad amin a bengatla. Siak labat so angipanat ed katawenan; nen pinalsak so mundo, anggapoy tinmulong ed siak.

Ezekiel 11:13

Legan kon mampropropisiya, inatey si Pelatia. Intikleb kod dalin tan ineyag ko, “O Katawan a Dios, pateyen mon amin iray totoon atilak ed Israel?”

Ezekiel 9:8

Legan a nagagawa so pampapatey, wadman ak a mambukbukor. Intiblak ko, insan ko ineyag, “Katawan a Dios, diad ontan lan pasnuk mod Jerusalem pateyen mon amin iray totoon atilak ed Israel?”

Jeremias 4:10

Insan inkuanko, “Katawan a Dios sigput mon pinalikdo ray totood Jerusalem! Imbagam a kareenan so niwalad saray totoo, anta manaya akatotub ed sikaray ispada.”

Marcos 10:27

Ninengneng ira nen Jesus tan inmebat, “Ag ya nagawaan na too, balet nagawaan na Dios, ta say Dios nayaryan to a gawaen ya amin iray bengatla.”

2 Saray Arari 3:18

Intuloy nen Eliseo ya inkuan, “Mainomay na Katawan a gawaen ya; panaloen to kayo met ed saray Moabita.

Saray Salmo 136:12

diad panamegley na mabiskeg tan makapanyari ran taklay to; andi-anggaan so panangaro to.

Isaias 59:1

Ag yo nununoten a say Katawan et makapoy, kanyan ag to kayo nilaban odino telek, kanyan ag to kayo narengel no onkerew kayoy tulong!

Jeremias 21:2

“Isalitaan mo kami pa ed Katawan, ta babakalen kami nen Ari Nabucodonosor na Babilonia. Angangko manggawa para sikatayo na sakey ed saray milagro to, tan pasooten ton paseneren si Nabucodonosor.”

Jeremias 33:3

“Tawag kad siak, et ebatan ta ka; ibagak ed sika ray makapakelaw tan niamut a bengatlan ag mo ni ra akabatan.

Daniel 6:20

Kasabi tod samay abut, mapagpagan kinmulyaot, “Daniel ya aripen na mabilay a Dios! Ayarian kan niagel ed saray lion na Dios a matoor mon panlilingkuran?”

Zacarias 8:6

“Nayarin ipasen na saray totoon atilak ed bansa ya ag yan balut nagawa, balet no para siak nagawa.

Saray Bilang 11:23

“Wala sirin so ag ko nagawaan?” ebat na Katawan. “Ag mabayag nanengneng mo no kasi nasumpal so sinalitak odino andi!”