Jeremias 31:4 - Maung A Balita Biblia

⁴ Pasimbaloen ko so kipapasen yo a totook. Alaen yo lamet iray tamborin yo tan maliket kayon mansayaw-sayaw.

Maung a Balita Biblia

⁴ Pasimbaloen ko so kipapasen yo a totook. Alaen yo lamet iray tamborin yo tan maliket kayon mansayaw-sayaw.

Jeremias 31:4 Referans Kwoze

Jeremias 33:7

Paaligwasen koy Juda tan Israel, tan ipawil koy gendat a kipapasen da.

Jeremias 31:13

Insan mansayaw tan manliket iray bibii; manggayaga ray lalaki, malangwer may matakken. Ligliwaen ko ra tan pagmaliwen kon liket so ermen da; pagmaliwen kon gayaga so ermen da.

Amos 5:2

Atumba la so birhin ya Israel, Ag lan balut makabangon! Ataynan ed dalin, Anggapoy ontulong a mamangon ed sikato.

Saray Gawgawa 15:16

‘Kasumpal to ya, ompawil ak, kuay Katawan tan ipaalagey ko lamet so nanarian nen David. Pasimbaloen kon ipaalagey iray deral-deral to tan pabiskegen ko lamet.

Saray Salmo 149:3

Idayew yoy ngaran to diad panamegley na sayaw; togtog yo ray tambul tan saray arpa diad pangidayew yod sikato.

Lucas 15:23

Patey yo may pinataban kilaw a baka, ta mangan tan manliket itayo!

Saray Tagleey 2:13

O Jerusalem, antoy nibagak? Panoy pakaligliwak ed sika? Anggapo niy nanirap a singa paniirap mo. Singa kaawang na dayat so inkaderal mo; siopay makapasimbalod sika?

2 Saray Arari 19:21

Inkuan na Katawan, “Elekan ka na siudad na Jerusalem, Senakerib, tan ludlureyen to ka.

Saray Tagleey 1:15

“Inelekan na Katawan ya amin iray makapanyarin sondalok; Angibaki na saray sondalon ondogpa ed siak tan maneral ed saray lalakin tobun-balo. Minekmek to ray sankaabigan a totook a singa kapepespes na saray ubas ed panagpespesan.

Jeremias 31:21

Mangyan kayo ray tanda tan pakapatnagan ed dalan; anap yo may dinalan yo. Pawil kayo, sikayon totood Israel, sempet kayod saray baley a tinaynan yo.

Jeremias 18:13

Say Katawan kuanto, “Tepet mod balang bansa: Wala lay agawan singa onya nen saman? Nanggaway makapasinagem a bengatla iray totood Israel!

Jeremias 1:10

Natad sayan agew iiter kod sikay pakaoley ed saray bansa tan saray nanarian, pian sikay mamagut tan mangigeba, maneral tan manalo, mamaalagey tan mangiletneg.”

Saray Salmo 69:35

Ilaban toy Jerusalem tan iletneg to lamet iray baley ed Juda. Manayam irad may totoo to tan kayaryanen day dalin;

Saray Salmo 51:18

O Dios, kasian mo pay Sion tan tulongan mo; ipaalagey mo pa lamet iray padir na Jerusalem.

Saray Huis 11:34

Nen pinmawil si Jefte ed abung tod Mizpa, wadmay biin anak to ya ompapaway ed abung, ta onabet ed sikato. Onsasayaw tan manotogtog na tamborin. Saksakey yan anak to.

Amos 9:11

Say Katawan kuanto, “Onsabiy agew ya ipawil koy gendat a kipapasen na nanarian nen David, a kaparpara toy sakey ya abung ya aderal-deral ed inkageba to. Apigeren ko ray padir to tan ipaalagey kon singa gendat.

Jeremias 14:17

Ingganggan ak na Katawan ya ibagak ed sikaray nipaakar ed kaermenan ko. Ikuanko, “Onagos komun ed agew tan labi so luak, ag ak komun ontondan onakis, lapud mapalaloy inkasugat na saray totook, tan ontan lay inkasakitan da.

Isaias 37:22

inkuan na Katawan, “Eelekan ka na siudad na Jerusalem, Senakerib, tan luludlureyen to ka.

Saray Salmo 30:11

Sinalatan mo na magayagan sayaw so ermen ko; nilakseb mod siak so ermen ko, insan inkawes mod siak so gayaga.

Isaias 30:32

Legan a say Katawan et kakabilen to ya andi-tonda iray taga Asiria, andi-tonda met so panogtog na saray totoo na saray tambol tan saray arpa. Say dilin Katawan so onlaban ed saray taga Asiria.

Jeremias 24:6

Asikasoen ko ra tan ipawil ko rad sayan dalin. Iletneg, aliwan temeken, ko ra; itanem, aliwan baguten, ko ra.

Jeremias 31:38

“Onsabi so panaon,” kuay Katawan, “a napasimbalon nipaalagey a siudad ko so intiron Jerusalem, manlapud tori na Hananel ya anggad Puirta na Sokung.

Jeremias 46:11

Totood Egipto, laka yod Galaad, ta mangala kayoy tambal! Asali lan anggapoy kana iray tambal yo; anggapoy bengatlan makapaabig ed sikayo.

Isaias 14:1

Kasian lamet na Katawan iray totoo ton Israelita tan pilien to ran kayaryan to. Panayamen to ra lamet ed saray dilin dalin da, tan ondago ray sangkaili tan miayam irad sikara.