Jeremias 31:32 - Maung A Balita Biblia

³² Aliwan singa samay impisipanan kod saray lalaki ra nen intabin ko ran impaway ed Egipto. Aliwa ran matoor ed saman a sipanan, anggaman ya alimbawak so sakey ya asawan laki ed sikara.

Maung a Balita Biblia

³² Aliwan singa samay impisipanan kod saray lalaki ra nen intabin ko ran impaway ed Egipto. Aliwa ran matoor ed saman a sipanan, anggaman ya alimbawak so sakey ya asawan laki ed sikara.

Jeremias 31:32 Referans Kwoze

Deuteronomio 5:3

aliwan diad saray atateng tayo labat, no ag ingen pati diad sikatayon amin a mabilay natan.

Deuteronomio 1:31

tan diad kalawakan. Anengneng yo no panoy abig na impangyakar tod sikayo diad sayan pasen, singa sakey ya aman angawit na melag a lakin anak to.’

Exodo 19:5

Natan, no onuren yo ak tan sumpalen yoy impisipanan ko, magmaliw kayon dilin totook. Kayaryan koy sankamundoan, balet magmaliw kayon pinilik a totook.

Ezekiel 16:8

“Nen ondadalan ak lamet, anengneng kon sinmabi lay panaon na panibeg mo. Kinobutan ko na latup ko so laman mo tan insipan kon aroen ta ka. Akisipanan ak ed sikan asawaen ta ka, et sikay nagmaliw a kien ko.” Sikato yay imbaga na Katawan a Dios.

Juan 3:29

Say nubia kayaryan na nubio. Manalalagey ya ondengel so kaaro na nubio, tan manliket na baleg no narengel to lay bosis na nubio. Ontan to met a nagnap lay liket ko.

Oseas 3:1

Say Katawan kuantod siak, “Laka lamet, ta arom iman a biin mikakalugoran ed sakey a laki. Nepeg mon aroen a singa panangarok ni ed saray totood Israel, anggaman a sinmingger irad arum a diriyos tan labalabay day mangyapay na saray bagat a pasas ed saray talintaoy diriyos.”

Jeremias 3:14

“Pawil kayo, aliwan matoor a totoo; kayaryan ta kayo. Mangala ak na sakey ed sikayo ed balang baley tan duara ed balang boleg, tan papawilen ta kayo ed Palandey na Sion.

Levitico 26:15

No ag yo onuren iray ganggan tan saray bilin ko tan deralen yoy impisipanan kod sikayo,

Saray Hebreo 8:9

Aliwan singa saya may impisipanan kod saray lalaki ra, nen agew ya intabin ko ran impaway ed Egipto. Aliwa ran matoor ed impisipanan kod sikara, kanyan pinaolyan ko ra.

2 CORINTO 11:2

Singa pangiimon na Dios so pangiimon kod sikayo, ta singa kayo masimsimpit a marikit ya iyaasawak ed saksakey a laki a si Cristo.

Marcos 8:23

Intabin nen Jesus imay bulag tan impaway tod baley. Nilukdaan nen Jesus iray mata to may laki tan intapew tod sikato ray lima to, insan tinepet to, “Walay nanenengneng mo?”

Oseas 11:1

Say Katawan kuanto, “Nen ogaw ni so Israel, inararok tan impaway kod Egipto a sakey ya anak kon laki.

Oseas 2:2

Anak ko, pitongtongan yoy ina yo—anggaman ya ag ko la asawa, tan ag to ak la asawa. Pikasi yod sikato a tondaan to lay marotak a gagawaen to tan say pikakaloguran to.

Ezekiel 23:4

Say pangulowan manngaran na Ahola (ilalaman toy Samaria), tan say yogtan manngaran na Aholiba (ilalaman toy Jerusalem.) Inasawak iran dua tan wala ray anak kod sikara.

Ezekiel 20:37

“Pegetan koy panoley kod sikayo tan patoluken ta kayod impisipanan ko.

Jeremias 34:14

a kapag pitoy taon mangibolus ira na siopaman a Hebreon aripen ya akapanlingkur lad sikara na anem taon. Balet ag ak inkabilangan na saray lalaki yo; ag da dinengel so imbagak.

Jeremias 31:1

Say Katawan kuanto, “Onsabiy panaon a magmaliw ak a Dios na amin a tribu na Israel, tan sikaray magmaliw a totook.

Jeremias 22:9

Insan onebat ira a say makasengeg et say impangikaindan yoy impisipanan yod siak a Dios yo, tan say impangigalang tan say impanlingkur yod saray arum a diriyos.”

Jeremias 2:2

ipulong kod balang sakey a too ed Jerusalem yan salita to: “Nanununotan ko no panoy katooran mo nen wala ka nid kalangweran, no panoy impangarom ed siak nen kapankasal ta; tinotombuk mo ak ed kalawakan, diad dalin ya ag nin balut ataneman.

Isaias 54:5

Magmaliw a singa asawam a laki so Amalsad sika— Yahweh a Makapanyarin-amin so ngaran to. Ilaban ka na masanton Dios na Israel— sikatoy manoley ed intiron mundo.

Isaias 41:13

Siak so Katawan a Dios yo; Pabiskegen ta kayo tan ibagak ed sikayo, ‘Ag kayo natatakot; tulongan ta kayo.’”

Isaias 24:5

Dinotakan na saray totoo so mundo diad insusumlang dad saray ganggan na Dios tan diad impandederal dad andi-anggaan a sipanan.

Kanta nen Solomon 8:5

Siopa yay onsasabin manlalapud kalawakan, ya akatabin ed inaro to? Binangon ta kad silong na mansanas, diad pasen a nianakan mo.

Saray Salmo 73:23

Anggaman ontan siansian kaiba ta ka lawas, tan itatabin mo ak.

1 Saray Arari 8:9

Anggapoy arum a karga to may Kaban na Sipanan likud labat ed saramay duaran tapyak a bato ya inyan nen Moises diman nen walad Palandey na Sinai, nen akisipanan so Katawan ed saray Israelita nen tataynan day Egipto.

Deuteronomio 31:16

Say Katawan kuantod kinen Moises, “Magano lay ipatey mo, et kapatey mo magmaliw iran malamang ed siak iray totoo tan deralen day impisipanan kod sikara. Ikaindan da ak tan mangigalang irad saray paganon diriyos na dalin a ngalngali da lan looban.

Deuteronomio 29:1

Diad impisipanan na Katawan saraya so ingganggan to ed kinen Moises ya ipasumpal ed saray Israelita nen wala rad dalin na Moab; amin da ra ya et kaaruman na samay impisipanan na Katawan ed sikara diad Palandey na Sinai.

Deuteronomio 29:21

Say Katawan pagmaliwen ton sakey a panmarmaran da ray amin a kabyangay amin a tribu na Israel tan ipelag tod sikato so deral onung ed amin da ray samban nikorit ed sipanan a nisulat ed sayan libro na saray bangat na Katawan.

Deuteronomio 5:2

Diad Palandey na Sinai akisipanan so Katawan a Dios tayo,

Jeremias 11:4

Sayan sipanan et ginawak ed saray lalaki ra nen impaway ko rad Egipto, say dalin a singa palbaan na balatyang ed sikara. Imbagak ed sikara ya onuren da ak tan sumpalen da ray ingganggan kod sikara. Imbagak ed sikara a no ontoluk ira magmaliw iran totook tan siak so Dios da.

Jeremias 34:13

a Dios na Israel imbaga tod siak ya ikuanko yan salita tod saray totoo: “Akisipanan ak ed saray lalaki yo nen impaway ko rad Egipto tan imbolus ko rad inpakaaripen da. Imbagak ed sikara

Exodo 32:8

Sinmian la rad dalan ya ingganggan kon tombuken da; nanggawa ray inmoldoran balituk a bakan kalakyan, igagalang da tan pangibabagatan da. Ibabaga ra a sikatoy dios da ya angipaway ed sikara manlapud Egipto.

Deuteronomio 29:24

Insan amin da ray totood intiron mundo tepeten da, ‘Akin et ginawa ya na Katawan ed dalin da? Antoy makasengeg a mapalaloy pasnuk to?

Deuteronomio 31:20

Iyakar ko rad saman a mayaman tan mataban dalin onung na insipan kod saray lalaki ra. Nawalaan irad man na amin a labay dan kanen; mainawa tan maliket so pambilay dad man. Balet onasingger irad arum a diriyos tan mangigalang irad sikara. Ipolisay da ak tan deralen day impisipanan kod sikara,

Saray Salmo 78:37

Ag ira nansiansian matoor ed sikato, tan ag da sinumpal so impisipanan dad sikato.

Jeremias 11:3

a siak, say Katawan a Dios na Israel, et insambak so balang sakey ya ag ontotoluk ed saray ibabaga na sayan sipanan.

Saray Gawgawa 23:19

Binembenan na kapitan so lima to may balolaki, inyarawi to, tan tinepet to, “Anto tay labay mon ibagad siak a?”