Jeremias 31:30 - Maung A Balita Biblia

³⁰ Ingen say nagawa onya: Siopamay mangan na anakseng ya ubas, nakilem so dilin ngipen to, tan ompatey so balang sakey lapud dilin kasalanan to.”

Maung a Balita Biblia

³⁰ Ingen say nagawa onya: Siopamay mangan na anakseng ya ubas, nakilem so dilin ngipen to, tan ompatey so balang sakey lapud dilin kasalanan to.

Jeremias 31:30 Referans Kwoze

Ezekiel 18:20

Say nankasalanan sikato so ompatey. Say anak et ag nadusa lapud saray kasalanan na ama to, odino say ama lapud saray kasalanan nen anak to. Natumangan so toon matonung lapud saray kamaungan a gagawaen to, tan nadusa so toon maoges lapud saray kaogsan a gagawaen to.

Isaias 3:11

Balet pangaskasiyay kipapasen da ray totoon maoges; nagawad sikara so ginagawa rad arum a totoo.

TAGA GALACIA 6:5

Ta nakaukolan a sakbatey balang sakey so dilin awit to.

Ezekiel 18:4

Kayaryan ko so bilay na amin a too, say bilay da ray atateng tan say bilay da ray anak. Say toon mankasalanan sikato so ompatey.

Deuteronomio 24:16

“Ag nepeg a pateyen iray ateng lapud kasalanan a ginawa na saray anak da, tan ag nepeg a pateyen iray anak lapud saray kasalanan a ginawa na saray ateng da; say sakey a too nepeg a pateyen lapud kasalanan a sikaton diliy nanggawa.

Ezekiel 33:18

No itonda na matonung a too so manggaway kamaungan tan igapo toy manggaway kaogsan, ompatey lapud saya.

Santiago 1:15

No manlokun so maoges a pilalek na laman, mananak na kasalanan. Tan no ombaleg so kasalanan, mambungay patey.

Ezekiel 33:13

Nayarin isipan kon mambilay so maung a too, balet no nunoten ton masarag la ray ginagawa ton kamaungan insan igapo toy mankasalanan, ag ko nunoten so antokaman a ginagawa ton kamaungan. Ompatey lapud saray kasalanan to.

Ezekiel 33:8

No imbawag kon ompatey so toon maoges, balet et ag mo pinasakbayan a mangoman ed maoges a panagbilay to, sikatoy ompatey a makasalanan, balet sikay tetelen ko ed impatey to tan singilen ta ka.

Ezekiel 3:24

balet linmoob ed siak so ispiritu na Dios tan pinaalagey to ak. Inkuan na Katawan ed siak, “Sempet ka la tan mankolung kad man ed abung mo.

2 Saray Arari 14:6

Balet ag to pinatey iray anak da, no ag ingen tinombuk toy ibabagay Katawan onung ed Ganggan nen Moises: “Ag nepeg a pateyen iray atateng, lapud saray kasalanan a ginawa na saray anak da, tan ag nepeg a pateyen iray anak, lapud saray kasalanan a ginawa na saray atateng da; nepeg a pateyen so sakey a too, lapud kasalanan a ginawa ton dili.”

Say Libro nen Job 21:20

Ipaako yod saray makasalanan so dusa ran dili; ipalikna yod sikara so sanuk na Makapanyarin-amin a Dios.