Jeremias 31:17 - Maung A Balita Biblia

¹⁷ Maung so ilalo yod arapen a panaon; ompawil ed dilin bansa ra iray anak yo. Siak, say Katawan, so nansalita.

Maung a Balita Biblia

¹⁷ Maung so ilalo yod arapen a panaon; ompawil ed dilin bansa ra iray anak yo. Siak, say Katawan, so nansalita.

Jeremias 31:17 Referans Kwoze

Saray Tagleey 3:21

Balet pinmawil so ilalok nen anunotan ko yan bengatla:

Oseas 3:5

Balet onsabiy panaon a saray totood Israel et ompawil ira lamet ed Katawan a Dios da tan diad sakey a kabyangay boleg nen David ya ari ra. Insan takotan day Katawan tan makaawat ira na saray marakep a rigalo to.

Oseas 2:15

Ipawil kod sikato may kaubasan a kayaryan to nen saman, tan pagmaliwen kon puirta na ilalo so Patar na Gunigon. Ebatan to ak diman a singa samay ginawa to nen malangwer ni, sanen sikatoy pinmaway a nanlapud Egipto.

Saray Tagleey 3:26

Maung so mananos a manalagar ed panangilaban na Katawan.

Saray Tagleey 3:18

Nakalan ak lay pilalek a mambilay; naandi lay ilalok ed Katawan.

Mateo 24:22

Balet pinaraiset na Dios ira tan ya agew, pian nilaban iray totoon pinili to; ta no andi, anggapo komuy nilaban.

Ezekiel 37:25

Manayam irad dalin ya inter kod aripen kon Jacob, diad dalin a nanayaman na saray lalaki ra. Manayam irad man ya anggad angga, pati saray anak da tan amin a kabyangay boleg da. Anggad anggan manoley ed sikara so sakey ya arin singa si aripen kon David.

Isaias 6:13

Anggaman a natilak ed dalin so kakaplod saray totoo, naderal met iray natilak; singa ra sengeg na kiew a robli a binatang.” (Say sengeg iyaaliling toy balon gapowan na saray totoo na Dios.)

Ezekiel 39:28

Diad satan naamtaan na saray totook a siak so Katawan a Dios da. Naamtaan da ya, lapud imbantak ko rad arum a bansa tan natan titiponen ko ran ipawil ed dilin dalin da, ya anggapon balut so itilak kod sikara.

Saray Tagleey 3:29

Ag tayo nepeg so manriklamo, ta ag la pigan wala niy ilalo tayo.

Ezekiel 37:21

Ibagam ed sikara a siak a Katawan a Dios et alaen kon ipaway ed nandoroman bansa a nikaykayatan na amin a totook, pantitiponen ko ra, insan ko ra iyakar ed dilin dalin da.

Zacarias 9:12

Pawil kayo la, sikayon nibantak ed arum a bansa a natan wala lay ilalo yo; pawil kayod pasen yon arawid kaatapan. Ibabagak ed sikayo natan a say bindision ya iter kod sikayo et mamidwad karakel na saramay kairapan a nilikna yo.