Jeremias 31:10 - Maung A Balita Biblia

¹⁰ Say Katawan kuanto, “Dengel yo ak, sikayo ran bansa, tan ibawag yod arawi ran gilig na dayat iray salitak. Inkaykayat ko ray totook, balet tiponen ko ra, bantayan ko ran singa pambabantay na pumapastol ed saray karniro to.

Maung a Balita Biblia

¹⁰ Say Katawan kuanto, Dengel yo ak, sikayo ran bansa, tan ibawag yod arawi ran gilig na dayat iray salitak. Inkaykayat ko ray totook, balet tiponen ko ra, bantayan ko ran singa pambabantay na pumapastol ed saray karniro to.

Jeremias 31:10 Referans Kwoze

Isaias 40:11

Asikasoen to ray karniro to a singa panagkomponi na pumapastol; tiponen to ray kordiro tan ampopoen to rad taklay to; anosan ton iwanwan iray kainaan da.

Ezekiel 34:12

a singa pangasikaso na pumapastol ed saray karniro to ran nikaykayat balet atiptipon ira lamet. Isempet ko ra a manlapud saray pasen a nikaykayatan da diad samay agew ya ambilonget tan maatap.

Isaias 66:19

tan nakabatan da a siak so manudusad sikara. “Balet mangikera ak na pigarad sikara tan ibakik irad saray bansa tan diad saray ararawin dalin ya ag da ni nadngel so inkabantug ko odino anengneng so inkatalonggaring ko tan pakayarik: diad Espanya, Libia, tan Lidia a pati saray marunong a pumapana to, tan diad Tubal tan Grecia. Diad sarayan bansa ibawag day inkatalonggaring ko.

Deuteronomio 30:4

Anggaman a nikayat kayod sankaarawian a sokung na mundo, tiponen kayo na Katawan a Dios yo insan to kayo papawilen,

Juan 11:52

Aliwa labat a para saray Judio, no ag ingen pian pankakasakeyen to ray akaykayat ya anak na Dios.)

Juan 10:27

Ondedengel na bosis ko ray karnirok. Amtak ira tan totombuken da ak.

Sofonias 3:19

Onsasabi lay panaon! Dusaen ko ray mamapairap ed sikayo; Iyagel kon amin iray piley tan isempet ko ray nibantak ed arum a bansa. Pagmaliwen kon kagalangan so impakabaingan da, tan dayewen ira na intiron mundo.

Lucas 12:32

“Ag kayo natatakot, sikayon pigaran papastolan ko, ta maliket so Ama yon mangiter ed sikayo na Panarian.

Zacarias 9:16

No onsabi tan ya agew, say Katawan iyagel to ray totoo to, a singa say pumapastul iyaagel tod kaatapan iray karniro to. Onkidyam irad dalin to a singa ikikidyam na saray alahas ed koronay ari.

Sofonias 2:11

Taktakoten ira na Katawan. Pagmaliwen ton andi-kakanaan iray diriyos ed tapew na dalin, et balang bansa galangen toy Katawan diad dilin dalin to.

Mikias 5:4

No sikatoy onsabi, oleyan to ray totoo to diad panamegley na biskeg a manlalapud Katawan; walad sikato so dilin pakapanyari na Katawan a Dios. Mambilay ya arawid kaatapan iray totoo to, lapud birbiren na saray katoowan ed intiron mundo so inkatalonggaring to,

Mikias 4:6

“Onsabiy panaon,” kuay Katawan, “a tiponen kon pankakasakeyen iray totoon dinusak, saray nanliknay kairapan ed inkibantak dad arum a bansa.

Mikias 2:12

“Balet pantitiponen ta kayo, amin yon totood Israel a nakdaan. Tiponen ta kayon singa saray karniron ompapawil ed koral da. Say dalin yo et napano lamet na amayamay a totoo a singa sakey a pastolan a napno na karniro.”

Ezekiel 37:24

Say magmaliw ya ari ra et singa si aripen kon David. Mankakasakey iran walad silong na saksakey a manoley tan matoor dan onuren iray ganggan ko.

Ezekiel 20:34

Ipanengneng kod sikayoy pakayarik tan say pasnuk ko no tiponen ta kayon amin manlapud saray bansan nikayatan yo.

Ezekiel 11:16

“Natan, ibagam ed saray kaparam a totoon nibantak so ibabagak. Siak so angyakar tan angitaytayak ed sikaran manayam ed saray arum a bansa. Anggaman ontan, legan dad man a manayam, wala ak ed sikara diad saray dalin a nibantakan da.

Ezekiel 5:10

Lapud sayan dusa, saray atateng ed Jerusalem kanen da ray anak da, tan saray anak kanen da ray atateng da. Dusaen ta kayo tan itaytayak kod anggan iner a pasen iray natilak a mabilay ed sikayo.

Ezekiel 5:2

Poolan mod siudad so kakatlo to kayariy kalakob to. Alam so sananey a kakatlo tan tartartar mo na ispadam legan mon liliberen so paway na siudad. Ibuyandak mod tagey so akeraan a kakatlo, insan ko ra osil-osilan na ispadak.

Jeremias 50:19

Papawilen kod dalin da iray totood Israel. Pantagano da ray bunga na tanaman ya ontutubod Palandey na Carmelo tan diad pasen na Basan, tan kanen day labalabay da ed saray tanaman ya ontutubo ed dalin na Efraim tan dalin na Galaad.

Jeremias 50:17

Say Katawan kuanto, “Saray totood Israel et singa ra karniron osil-osilan tan ikaykayat na saray lion. Onona, dinogpaan ira na ari ed Asiria, insan si Ari Nabucodonosor na Babilonia nginangalngal to ray pokel da.

Isaias 60:9

Bapor iran manlalapud arawi ran bansa, Sankaawit da ray onsempet lan totoo na Dios. Sankaawit na saray totoo so balituk tan pilak A pamagalang ed ngaran na Katawan, Say masanton Dios na Israel, Ya impagmaliw ton galangen na amin a bansa iray totoo to.

Isaias 54:7

“Diad maganon bekta tinaynan ta ka; balet lapud ontan lan panangarok ed sika sayakopen ta ka.

Isaias 42:10

Mankanta kayoy balon kanta ed Katawan; ikantam so dayew to, o intiron mundo. Idayew yo, sikayon mambiabiahid dayat; idayew yo, amin yon pinalsa a walad dayat! Mankanta kayo, sikayo ran arawin dalin tan amin yon manaayam ditan!

Isaias 42:4

Ag naekalan na ilalo odino biskeg na linawa; iletneg tod mundo so inkatonung. Pampilalekan ya aalagaren na saray ararawin bansa so bangat to.”

Isaias 41:1

Say Dios kuanto, “Mandeen kayo tan dengel yo ak, sikayo ran arawin dalin! Mamparaan kayon mangiparontal na kaso yo ed korti; nawalaan kayoy pankanawnawan mansalita. Mantitipon tayon manimbang no siopay walad katonungan.

Isaias 27:12

Diad satan ya agew, manlapud Eufrates ya anggad ketegan na Egipto, say Katawan tiponen ton sansakey iray totoo to, a singa say kibiig na ilik ed apa no iiliken.

Isaias 24:14

Mankantad liket iray makapaliis ed patey. Saray walad Sagur ibaga ran ontan lay inkatalonggaring na Katawan,

Saray Salmo 72:10

Saray arari na Espanya tan saray arari na saray isla et mangiter irad sikato na saray rigalo; saray arari na Arabia tan Etiopia et mangiter irad sikato na saray bagat.

Deuteronomio 32:26

Pinatey ko la ra komun ya amin, pian anggapo lay makanunot ed sikara.

Genesis 10:5

Sikara yay sengeg na saray totoon manaayam ed saray gilig na dayat tan diad saray isla. Anak tan apo nen Jafet ira yan amin; manaayam so balang sakey ed dilin tribu tan bansa to, tan walay dilin salita na balang tribu.

Levitico 26:33

Ipadalan kod sikayoy bakal tan itaytayak ta kayod saray arum a bansa. Nataynan so dalin yo, tan naderal-deral iray siudad yo.

Saray Salmo 23:1

Say Katawan so managpastol ed siak; amin a nakakaukolan ko walad siak.

Probirbio 27:23

Apiapiger mon komponien iray karnirom tan saray bakam,

Isaias 40:1

Say Dios tayo kuanto, “Ligliwa yo ray totook, Ligliwa yo ra!

Isaias 48:20

Paway kayod Babilonia, taynanan yo man a pasen! Maliket yon ibawag so balita; ipaamta yod amin a pasen: “Dinondon la na Katawan so aripen ton Israel!”

Jeremias 3:15

Itdan ta kayo na saray manoley ya ontombuk ed siak. Tekep na kakabatan tan pakatalus so panoley dad sikayo.

Jeremias 23:4

Manoro ak na saray manoley a manasikasod sikara. Ag la rad satan ontakot odino nataktakot, tan anggapod sikaray nabalang. Siak, say Katawan, so nansalita.”

Daniel 11:18

Kayari tod saya, dogpaan to ray bansan walad gilig na dayat tan nadakep toy amayamay ed saraya. Balet sakey a pangulo na arum a bansa so manalod sikato tan patondaen toy panagpaatagey to; ipawil ton tua ed sikato so panagpaatagey na ari na Siria.

Zacarias 2:6

Say Katawan kuantod saray totoo to, “Inkaykayat ta kayo ed amin a pasen. Balet natan, sikayon nibantak ed arum a bansa et ibatikan yoy Babilonia tan pawil kayo lad Jerusalem.

Saray Salmo 147:2

Say Katawan ipapaalagey to lamet so Jerusalem; papapawilen to ray Israelitan nibantak ed sananey a bansa.

Zacarias 10:8

“Tawagen ko ray totook tan pantitiponen ko ra. Ilaban ko ra tan pagmaliwen ko ran dakerakel a singa samay gendat a karakel da.