Jeremias 30:20 - Maung A Balita Biblia

²⁰ Ipawil kod gendat a pakayari so bansa ra, tan iletneg kon malmalet lamet; dusaen kon amin iray mamapairap ed sikara.

Maung a Balita Biblia

²⁰ Ipawil kod gendat a pakayari so bansa ra, tan iletneg kon malmalet lamet; dusaen kon amin iray mamapairap ed sikara.

Jeremias 30:20 Referans Kwoze

Jeremias 32:39

Itdan ko ray saksakey a getmad bilay: say pamagalang da lawas ed siak a pankaabigan da tan saray kabyangay boleg da.

Jeremias 2:3

Israel, bukor moy kayaryan ko nen saman; sikay masanton kayaryan ko. Pinairap ko tan initdan ko na segsegang iray amin a mamapasakit ed sika. Siak, say Katawan, so nansalita.”

Isaias 51:22

iyaagel kayo na Katawan a Dios yo tan kuanto, “Eekalen koy kupan inter kod sikayo lapud pasnuk ko. Ag yo la nepeg ya inomen so alak a makapadongilngil ed sikayo.

Isaias 49:26

Pagmaliwen kon mampapateyan iray mamapairap ed sikayo; nabuek irad pampatey na too. Diad satan naamtaan na amin a katoowan a siak so Katawan, say Mananondon tan Manangilaban yo. Naamtaan da a siak so makapanyarin Dios na Israel.”

Saray Salmo 102:28

Mambilay ya arawid kaatapan iray anak mi, tan diad silong na panangyagel mo mambilay ya ag nasigensigen iray kabyangay boleg da.

Saray Salmo 102:18

Nepeg ya isulat para ontombuk a kailalakan so ginagaway Katawan, pian idayew na saray totoon ag ni nianak.

Jeremias 30:16

Balet natan, nabwag ya amin iray mambubuag ed sikayo; naalan priso iray amin a kalaban yo. Napairap ya amin iray mamapairap ed sikayo, nasamsaman ya amin iray manasamsam ed sikayo.

Isaias 54:14

Say inkatonung tan say kaptekan so mamabiskeg ed sika. Niarawi ka ed kaatapan na panamairap tan panagtaktakot.

Zacarias 8:5

Saray dalan et napano lamet ed satan na saray ogogaw a lalaki tan bibiin manggagalaw.

Zacarias 10:8

“Tawagen ko ray totook tan pantitiponen ko ra. Ilaban ko ra tan pagmaliwen ko ran dakerakel a singa samay gendat a karakel da.

Saray Tagleey 5:21

Papawil mo kamid sika, O Katawan! Papawil mo kami pa! Ipawil mo pay gendat a kagalangan mi.

Zacarias 10:6

“Pabiskegen ko ray totood Juda; iyagel ko ray totood Israel. Ipawil ko rad dalin lapud inarok ira. Magmawil iran singa ra ag ko impolisay. Siak so Katawan a Dios; ebatan ko ray pikakasi ra.