Jeremias 29:22 - Maung A Balita Biblia

²² No saray totoon niakar a priso ed Babilonia manlapud Jerusalem et labay dan isamba so sakey a too, ikuanda, ‘Gawaen na Katawan komun ed sika so singa ginawa tod kindi Sedekias tan Acab, a say ari na Babilonia et inkakalut to ran mabilay.’

Maung a Balita Biblia

²² No saray totoon niakar a priso ed Babilonia manlapud Jerusalem et labay dan isamba so sakey a too, ikuanda, Gawaen na Katawan komun ed sika so singa ginawa tod kindi Sedekias tan Acab, a say ari na Babilonia et inkakalut to ran mabilay.

Jeremias 29:22 Referans Kwoze

Daniel 3:6

Siopamay toon ag ondakmomon mangigalang et ibontuk a tampol ed manliub ya apoy na palbaan.”

Isaias 65:15

Ikana na saray pinilik a totoo so ngaran yo a sakey a samba. Siak a Katawan a Dios pateyen ta tayo. Balet itdan ko na balon ngaran iray mangoonur ed siak.

Daniel 3:21

Kanyan binalur da ra ya akasolung na kawes, kolibemben, sombriro, tan amin da ray arum a kagawaan na laman da, insan da ra imbontuk ed samay manliub ya apoy na palbaan.

1 CORINTO 16:22

Naayew so siopaman ya ag mangaarod Katawan! Marana tha—Katawan mi, onsabi ka la komun!

Ruth 4:11

Inkuan da ra may pangulo tan saray arum, “On, sikami ray tasi. Sayan malangwer a bii ya iyamung mo et gawaen komun na Katawan a singa di Raquel tan Lea, a nananak iray amayamay ed kinen Jacob. Onyaman ka komun ed saray kabyangay boleg nen Efrata, tan magmaliw ka komun a bantug ed Betlehem.

Genesis 48:20

Diad saman ya agew binindisionan to met ira may ogogaw a kuanto, “Ikana na saray Israelita so kangaranan yo diad pamindision da. Ikuanda, ‘Pagmaliwen kayo komun na Dios a singa di Efraim tan Manases.’” Diad onya insaginonur nen Jacob si Manases ed kinen Efraim.

Saray Salmo 102:8

Papabaingan da ak lawas na saray kalaban ko; saray manluludlurey ed siak ikakana ray ngaran ko ed panagayew.