Jeremias 29:15 - Maung A Balita Biblia

¹⁵ “Ibabaga yo, sikayo ran totoo, a say Katawan angiter ed sikayod tan ed Babilonia na saray propita.

Maung a Balita Biblia

¹⁵ Ibabaga yo, sikayo ran totoo, a say Katawan angiter ed sikayod tan ed Babilonia na saray propita.

Jeremias 29:15 Referans Kwoze

Ezekiel 1:3

Diman ed Babilonia diad gilig na Ilog na Kebar, nadngel koy Katawan ya akisalitad siak, tan aliknak so pakayari to.

Ezekiel 1:1

Siak, si Ezekiel a pari a lakin anak nen Buzi, et kaibak iray kaparak a Judion nibantak ed Babilonia. Diad kumaliman agew na kumapat a bulan na kumatalomplon taon na panaayam mi ed gilig na Ilog na Kebar, linmokas so tawen, et akanengneng ak na pasingayew a nanlapud Dios. (

Jeremias 29:21

“Say Katawan a Makapanyarin-amin a Dios na Israel nansalita na nipaakar ed kinen Acab a lakin anak nen Colaya tan si Sedekias a lakin anak nen Maasias a titilaan da kayo ed ngaran to. Imbaga na Katawan, ya ipalima to rad pakayari nen Ari Nabucodonosor na Babilonia a mangipapatey ed sikarad arap yo.

Jeremias 29:24

Say Katawan a Makapanyarin-amin a Dios na Israel impaikuantod siak ed kinen Semaya a taga Nehelam, “Diad ngaran mo nansulat kad amin a totood Jerusalem tan kinen Sofonias a lakin anak nen Maasias a pari tan diad amin a papari. Diad samay sulat mo inkuanmod kinen Sofonias: