Jeremias 29:1 - Maung A Balita Biblia

¹ Sinulat ko ray pangulo, saray papari, saray propita, tan amin a totoon dinakep nen Nabucodonosor ed Jerusalem tan inyakar to ran priso ed Babilonia.

Maung a Balita Biblia

¹ Sinulat ko ray pangulo, saray papari, saray propita, tan amin a totoon dinakep nen Nabucodonosor ed Jerusalem tan inyakar to ran priso ed Babilonia.

Jeremias 29:1 Referans Kwoze

Ester 9:20

Impaisulat nen Mardokeo ira yan agawa tan sinulat ton amin iray Judion walad Impirio na Persia, arawi may asingger so kawalaan da.

Saray Hebreo 13:22

Kekerewen kod sikayo, agagi, ya anosan yon dengelen yan bangat kon mamabiskeg na linawa yo, ta antikey met yan sulat kod sikayo.

Saray Gawgawa 15:23

Impawit dad sikaray sulat ya onyay karga to: “Sikami ran apostol tan mamatakken igagalang mi kayon agagi min nianak a Hintil a walad Antiokia, Siria, tan Cilicia.

2 CORINTO 7:8

Anggaman ya apaermen ta kid samay sulat ko, ag ko pagbabawiay impansulat ko. Nepeg ak komun a nanermen nen anengneng kon apaermen ta kin agano lapud saman a sulat.

Jeremias 28:4

Ipawil ko met diay lakin anak nen Joakim a si Joakin ya ari na Juda. Kaiba ton ompawil iray amin a totood Juda a nibantak ed Babilonia. On, deralen koy pakayari na ari na Babilonia. Siak, say Katawan, so nansalita.”

TAGA GALACIA 6:11

Nanaimano yo angangko ya ankakabaleg a litra so pansusulat ko; siak a dili so mansusulat ed saya!

2 Saray Arari 24:12

insan sinmukod saray taga Babilonia si Ari Joakin, si ina to, saray anak ton lalaki, saray opisyal to, tan saray opisyal na palasio.

2 Saray Awaran 36:10

Nen sinmabiy tiagew, si Ari Nabucodonosor inawit toy Joakin a sakey a priso ed Babilonia, tan inala to ray kayamanan na palasioy ari. Insan si Nabucodonosor ginawa ton ari na Juda tan Jerusalem si Sedekias a pangamaen nen Joakin.

Jeremias 28:17

Inatey si Ananias nen kumapiton bulan ed saman a taon.

Jeremias 29:8

Siak, say Katawan a Dios na Israel, papasakbayan ta kayon ag kayo papapalikdo ed saray propitan kaiba yod tan, odino saray arum ya ipapasen day sikaran dili a nayarian dan ibagay nagawa ed arapen a panaon. Ag yo aasikasoen iray kogkogip da.

Jeremias 29:20

Amin yon totoo ya impaibantak kod Babilonia, dengel kayod ibabagak, siak a Katawan.’

Jeremias 51:61

Inkuankod kinen Seraias, “No kasabim ed Babilonia, ibasam ya andi-saew ed saray totoo iray amin a nisulat dia.