Jeremias 28:14 - Maung A Balita Biblia

¹⁴ Inkuan na Katawan a Makapanyarin-amin, say Dios na Israel, ya inan toy pakon balatyang so tenger na sarayan amin a bansa, tan panlingkuran day Ari Nabucodonosor iray ayayep ed katakelan.”

Maung a Balita Biblia

¹⁴ Inkuan na Katawan a Makapanyarin-amin, say Dios na Israel, ya inan toy pakon balatyang so tenger na sarayan amin a bansa, tan panlingkuran day Ari Nabucodonosor iray ayayep ed katakelan.

Jeremias 28:14 Referans Kwoze

Deuteronomio 28:48

Kanyan sirin panlingkuran yo ray kalaban yo a say Katawan et ibaki to ran mibakal ed sikayo. Naerasan, naapgaan kayo, tan naandian kayoy ikawes—amin a nakaukolan yo. Pairapen kayon mapalalo na Katawan ya anggad ompatey kayo.

Daniel 2:38

Impagmaliw to kan manoley ed amin a pasen a kawalaan na totoo tan manoley ed amin da ray ayayep tan amin da ray manok. Sika may olon balituk.

Jeremias 40:4

Ekalen ko la natan iray golunggolung ed ngalngalowan mo tan ibolus ta ka la. No labay moy milad siak ed Babilonia, nayari tan asikasoen ta ka. Balet no ag mo labay, andi bali. Napampilyan mo so intiron bansa; nayarian moy onla ed anggan iner a labay mo.”

Jeremias 27:4

Say Katawan a Makapanyarin-amin a Dios na Israel imbaga tod siak ya iganggan ko ra ya ibaga rad saray arari ra a say Katawan inkuanto:

Deuteronomio 4:20

Balet sikayo ray totoon inyagel tod Egipto ya aliling toy manliub a palbaan. Impaway to kayod man pian pagmaliwen to kayon dilin totoo to a sikatoy kipapasen yo natan.

Jeremias 15:12

Anggapoy siopaman a makapoter ed balatyang, nagkalalod balatyang a nanlapud baybay tan walay lauk ton gansa.)

Jeremias 27:8

“Balet no walay bansa odino nanarian ya ag onsilong ed pakaoley nen Nabucodonosor tan ag ontoluk ed pakaoley to, dusaen ko itan a bansa diad panamegley na bakal, eras, tan salot, anggad sigput a napaderal kod sikato.

Saray Tagleey 1:14

“Inlista ton amin iray kasalanan ko, insan to ra binerber ya amin; Imbitin to ra ed beklew ko, et kinmapoy ak lapud saya. Impalima ak na Katawan ed saray kalaban ko, tan siak so sarasarag da.

Oseas 10:11

“Nen saman, say Israel et singa sakey a malangwer a bakan maung so inkipasal to; matintinunos a manilik. Balet ginetmak a pakuan so balibalin tenger to tan sintaan ko a mankimey na mairap. Impasen ko a manggoyur na lukoy so Juda tan mansagar so Israel.