Jeremias 28:11 - Maung A Balita Biblia

¹¹ Diad arap na amin a totoo inkuanko, “Inkuan na Katawan ya onyay pamoter to ed pakon inyan nen Ari Nabucodonosor ed tenger na saray amin a bansa; gawaen to ya ed loob na duay taon.” Insan ak la tinmaynan.

Maung a Balita Biblia

¹¹ Diad arap na amin a totoo inkuanko, Inkuan na Katawan ya onyay pamoter to ed pakon inyan nen Ari Nabucodonosor ed tenger na saray amin a bansa; gawaen to ya ed loob na duay taon. Insan ak la tinmaynan.

Jeremias 28:11 Referans Kwoze

Jeremias 14:14

Balet inmebat so Katawan, “Saray propita mantitila ra ed ngaran ko; ag ko ra imbaki, odino ingganggan, odino akisalitaan. Ag nanlapud siak iray pasingayew a sasalitaen da; andi-kakanaan iray pasakbay a ninudnunot da.

Probirbio 14:7

Arawian mo ray totoon makulang-kulang; anggapoy nibangat dad sika.

Jeremias 29:9

Titilaan da kayo ed ngaran ko. Ag ko ra imbaki. Siak, say Katawan, so nansalita.’

Jeremias 23:17

Ibabaga ra lawas ed saray totoo ya ag ondedengel na saray salitak, a maung ya amin so pansumpalan da. Ibabaga rad balang sakey ya anawet so puso to ya ag balut nadiwit na deral.”

2 Saray Awaran 18:10

Nanggawa na saray saklur a balatyang so sakey ed saray propita a si Sedekias a lakin anak nen Canaana tan kuantod kinen Acab, “Onyay inkuan na Katawan: ‘Diad panamegley na saraya, labanan yo ray Siriano, et sigput a taloen yo ra.’”

1 Saray Arari 22:6

Impantitipon sirin nen Acab iray propita a sakey ya apat a lasus ira tan tinepet tod sikara, “Laen kon dogpaan so Ramot-galaad odino andi?” “Dogpaan mo,” ebat da. “Panaloen ka na Katawan.”

1 Saray Arari 13:18

Insan inkuan na samay masiken a propitan taga Betel, “Propita ak met a singa sika, tan diad ganggan na Katawan inkuan ed siak na anghil ya itagar ta kad abung ko, ta sangkailien ta ka.” Balet mantitila may masiken a propita.

Ezekiel 13:7

Ibabagak ed sikara: Tila ra tay anengneng yon pasingayew, tan aliwan tua ray ipapasakbay yo. Ibabaga yo a sikaray salitak, balet say katwaan to ag ak akisalitad sikayo!”

Jeremias 28:15

Insan inkuankod kinen Ananias, “Dengel ka, Ananias! Ag ka imbaki na Katawan, tan gagawaen mon manisiad tila ira yan totoo.