Jeremias 27:6 - Maung A Balita Biblia

⁶ Siak so angyan ed sarayan amin a bansa diad silong na pakayari na aripen kon Ari Nabucodonosor na Babilonia. Panlilingkuren ko met ed sikato iray anggan ayayep ed katakelan.

Maung a Balita Biblia

⁶ Siak so angyan ed sarayan amin a bansa diad silong na pakayari na aripen kon Ari Nabucodonosor na Babilonia. Panlilingkuren ko met ed sikato iray anggan ayayep ed katakelan.

Jeremias 27:6 Referans Kwoze

Jeremias 28:14

Inkuan na Katawan a Makapanyarin-amin, say Dios na Israel, ya inan toy pakon balatyang so tenger na sarayan amin a bansa, tan panlingkuran day Ari Nabucodonosor iray ayayep ed katakelan.”

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 43:10

Insan mo ibagad sikara a siak, say Katawan a Makapanyarin-amin a Dios na Israel, iyakar ko diay aripen kon Ari Nabucodonosor na Babilonia, insan to ipasen so trono to diad tapew na sayan inkotkot mon bato, tan ipaalageyan to na tulday ari.

Isaias 44:28

Ikokuankod kinen Ciro, ‘Sikay mangilaman ed siak a manoley; onuren mo so labay kon pagawad sika; iganggan mon nipaalagey lamet so Jerusalem tan nilira iray pundasion na Timplo.’”

Jeremias 24:1

Si Ari Nabucodonosor na Babilonia inyakar ton adakep ed Babilonia, manlapud Jerusalem, so lakin anak nen Joakim a si Joakin ya ari na Juda, saray pangulo na Juda, tan saray marunong a karpintiro tan kumikimey. Kayari na sayan inkagawa, say Katawan impanengneng tod siak so duaran baskit a bungay igos a niiyan ed arap na Timplo.

Jeremias 21:7

Balet sika, saray opisyal mo, tan saray totoon ag inatey ed bakal, eras, tan salot et ipadakep ta kayon amin ed Ari Nabucodonosor tan saray kalaban yo a malabay a mamatey ed sikayo. Papatey to kayo nen Nabucodonosor. Anggapoy ikera tod sikayo; ag to kasian odino abageyen so siopaman ed sikayo. Siak, say Katawan, so nansalita.”

Jeremias 22:25

insan ta ka iter ed saray malabay a mamatey ed sika, saray totoon tatakotan mo. Ipalima ta kad Ari Nabucodonosor na Babilonia tan saray sondalo to.

Jeremias 49:30

“Totoon taga Hazor, siak a Katawan, kuankod sikayo, batik kayod arawi tan amut kayo. Namplano na sumpad sikayo si Ari Nabucodonosor na Babilonia, tan saya so kuanto,

Ezekiel 29:12

Pagmaliwen koy Egipto a sankabegtewan a bansa ed intiron mundo. Apataploy taon a mansiansian aderal-deral iray siudad na Egipto, ag miparad arum a siudad so inkaderal da. Gawaen kon pappaiyagel ed arum a bansa iray Egipsio. Ombatik irad nandoroman bansa tan miayam irad saray arum a totoo.”

Daniel 4:12

Marakerakep iray bolung to tan napno na bungan nayarin kanen na anggan amin a totoo ed intiron mundo. Nampapainawad silong to iray ayayep ed takel, nanoobung ed saray sanga to iray manok, tan angakan na saray bunga to iray amin a mabilay a pinalsa.

Daniel 4:22

“Kagalang ya Ari, sika man so kiew, atagtagey tan mabiskeg. Diad imbalbaleg mo atokdul moy tawen, tan say pakaoley mo et linmaknab ed intiron mundo.

2 Saray Arari 25:28

Kinasian nen Evilmerodac, tan atagtagey so inter tod sikaton kipapasen nen saray arum ya ararin niakar a priso ed Babilonia.

2 Saray Awaran 36:23

“Sikato ya so ganggan nen Ciro ya Impirador na Persia. Say Katawan a Dios na Tawen ginawa to ak a manoley ed intiron mundo tan ingganggan to ak a mamaalagey na sakey a timplo to diad Jerusalem na Juda. Amin yo sirin a totoo na Dios, pawil kayo lad Jerusalem. Mila komun ed sikayo so Katawan a Dios yo.”

Ezekiel 30:24

Insan ko pabiskegen iray taklay na ari na Babilonia tan ipabemben kod sikato so ispadak. Balet poteren ko ray taklay na ari na Egipto, et manayay tan ompatey ed arap da ray kalaban to.