Jeremias 27:22 - Maung A Balita Biblia

²² Naala rad Babilonia tan mansiansia rad man ya anggad agew a limengen ko ra. Alaen ko rad satan tan ipawil ko rad sayan pasen. Siak, say Katawan, so nansalita.”

Maung a Balita Biblia

²² Naala rad Babilonia tan mansiansia rad man ya anggad agew a limengen ko ra. Alaen ko rad satan tan ipawil ko rad sayan pasen. Siak, say Katawan, so nansalita.

Jeremias 27:22 Referans Kwoze

Jeremias 29:10

“Say Katawan kuanto, ‘Kayari na pitomploy taon a panoley na Babilonia ed sikayo, ipanengneng koy panangarok ed sikato tan sumpalen koy sipan ko a papawilen ta kayod dalin yo.

Jeremias 32:5

Niakar ed Babilonia si Sedekias, tan manayam diman ya anggad arapen kon tulongan. Anggano mibakal ed saray tagan Babilonia, ag manalo. Siak, say Katawan, so nansalita.”

Esdras 7:19

Iparontal mod arap na Dios diad Jerusalem iray amin ya ikakanan niiter ed sika para panlingkur ed Timplo.

Esdras 1:11

Amiamin, walay liman libo tan apat a lasus a yaung a balituk tan pilak tan saray arum a kagawaan ya inawit nen Sesbasar, nen sikato tan saray arum a nibantak a bansa et linma rad Jerusalem manlapud Babilonia.

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

Daniel 9:2

Nen ononan taon na panooley to siak, si Daniel, inaral ko ray masanton libro tan ninunot koy nipaakar ed pitomploy taon a kaderal na Jerusalem, onung ed imbaga na Katawan ed kinen propita Jeremias.

Daniel 5:23

Ginawam iray sumpad Katawan na tawen, ta impaalam ira may kupa tan losur a nala ed Timplo to. Naniinoman yo, sika, saray manonan opisyal mo, saray asawam, tan saray iyaamung mon bibii tan inggalang mo ray diriyos a balituk, pilak, gansa, balatyang, kiew, tan bato—saray diriyos ya ag ira makanengneng odino makadngel tan anggapoy amta ran alu. Balet ag mo pinagalangan so Dios a walad lima toy bilay mo tan walad silong na pakayari toy amin a gagawaen mo.

Jeremias 34:5

Mareen so ipatey mo. No panoy impamool na saray totoo na insinso nen impompon da ray lalakim ya akaona ran nanoley nen say sika, ontan met so pampool da na insinso a para sika. Panermenan da ka tan kuanda, ‘Inatey so ari mi!’ Siak, say Katawan, so nansalita.”

2 Saray Awaran 36:21

Sikato yay impakasumpal na samay impasakbay na Katawan diad panamegley nen propita Jeremias: “Magmaliw ya andi-kabaliksan a pitomploy taon so dalin, pian nasalatan iray ag angilinan ya Agew na Panagpainawa.”

2 Saray Arari 25:13

Minekmek na saray taga Babilonia iray gansan lusek tan saray panangipatoonan a walad dalem na Timplo. Minekmek da met so gansan dipositoway danum, insan da inawit ed Babilonia iray amin a gansa.

Jeremias 20:5

Ipasamsam kod saray kalaban da iray amin a kayamanan ed sayan siudad, tan alaen da ray amin a kayaryan to, anggan saray kayamanan na saray ararid Juda, tan awiten da ran amin ed Babilonia.

Jeremias 27:7

Manlingkur ed sikato ray amin a bansa, tan manlingkur irad anak ton laki tan say apo ton laki, anggad isabiy panaon na kapelag na bansa ton dili. Diad satan manlingkur so bansa to ed saray makapanyarin bansa tan diad saray matalonggaring ya arari.

Jeremias 27:21

“Dengel moy ibabagak, siak a Makapanyarin-amin a Katawan a Dios na Israel, nipaakar ed saray kayamanan ya atilak ed Timplo tan diad palasio ed Jerusalem:

Jeremias 34:2

Say Katawan, say Dios na Israel, imbaga tod siak ya onla ak ed kinen Ari Sedekias na Juda ta ikuanko yan salita to, “Siak, say Katawan, ipadakep ko yan siudad ed ari na Babilonia, tan poolan to.

Jeremias 34:3

Ag ka makabatik; nadakep ka tan nipalima kad sikato. Napilupaan mo tan napitongtongan mo yan ari; insan ka onlad Babilonia.