Jeremias 27:18 - Maung A Balita Biblia

¹⁸ No talagan propita ra, tan awit day salitak, pakerew mo rad siak a Makapanyarin-amin a Katawan ya ag ko abuloyan a naalad Babilonia iray nakdaan a kayamanan ed Timplo tan diad palasio na ari.” (

Maung a Balita Biblia

¹⁸ No talagan propita ra, tan awit day salitak, pakerew mo rad siak a Makapanyarin-amin a Katawan ya ag ko abuloyan a naalad Babilonia iray nakdaan a kayamanan ed Timplo tan diad palasio na ari. (

Jeremias 27:18 Referans Kwoze

1 Samuel 7:8

tan inkuandad kinen Samuel, “Ituloy moy mampikasid Katawan a Dios tayo, pian iyagel to itayod saray Filisteo.”

Jeremias 18:20

Kaogsan ta so tumang na kamaungan? Balet angotkot iray abut a kapelagan ko. Nunot mo a sinmingger ak ed sika tan insalitaan ko ra nipaakar ed sikara, pian onkepa so pasnuk mod sikara.

1 Saray Arari 18:24

Insan pampikasi yod dios da iray propita nen Baal, balet mampikasi ak ed Katawan; say Dios a mangipelag na apoy ya ebat na pikakasi—sikato so Dios.” Inmebat iray totoo, “Maung itan. Siabobun kami.”

1 Samuel 12:23

Para say siak, ag komun iyabuloy na Katawan a mankasalanan ak diad pangitondak na pangipikasik ed sikayo. Ingen, ibangat kod sikayo no anto ray maung tan maptek a gawaen yo.

1 Samuel 12:19

inkuandad kinen Samuel, “Ipikasi mo kami pad Katawan a Dios mo, pian ag kami ompatey. Abirbir mi la natan, a likud ed saray arum a kasalanan nankasalanan kamid impankerew miy sakey ya ari.”

Malakias 1:9

Natan sikayo ran papari, kerew yo pad Dios a kasian to itayo. Ag to ebatan so pikakasi yo, et sikayo lamlamang so natetel.

Ezekiel 22:30

Nananap ak na makapangipaalagey ed padir, a nayarian toy manalagey ed pasen ya ageba so padir tan iyagel toy dalin no ngalngali la deralen na pasnuk ko, balet anggapoy naalmok.

Ezekiel 14:14

Anggaman a manaayam bilang irad man di Noe, Danel, tan Job, say kamaungan da ilaban to labat so bilay dan talo.” Say Katawan a Dios so nansalita.

Jeremias 42:2

tan kuanda, “Gawam pay kerewen mid sika! Ipikasi mo kami pa ed Katawan a Dios tayo. Ipikasi mo kami pa ran atilak dian mabilay. Amayamay kami ni nen saman balet dagdaiset kami la natan, a singa nanenengneng mo.

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

Jeremias 7:16

Inkuay Katawan, “Jeremias, ag mo ipipikasi ra yan totoo. Ag mo ra itatagleeyan o ikekerewan ed siak, ta ag ta ka dengelen.

2 Saray Awaran 32:20

Insan si Ari Ezekias tan si propita Isaias a lakin anak nen Amoz nampikasi rad Dios tan kinmerew iray tulong to.

1 Saray Arari 18:26

Inala da may bakan niiter ed sikara, imparaan da, tan nampikasi rad kinen Baal ya anggad kaagewan. Ineyag da, “Ebatan mo kami pa, Baal!” tan nansayaw-sayaw irad kaliber-liber na altar a ginawa ra. Balet anggapoy ebat a naalagar da.

Genesis 20:17

Lapud samay agawad kinen Sara ya asawa nen Abraham, say Katawan ginawa to ya ag makapanlokun iray bibii a walad abung nen Abimelec. Kanyan impikasi nen Abraham si Abimelec, tan pinaabig na Dios. Pinaabig to met so asawa nen Abimelec tan saray bibiin aripen to, pian makapananak ira.