Jeremias 26:22 - Maung A Balita Biblia

²² Balet si Ari Joakim imbaki tod Egipto si Elnatan a lakin anak nen Acbor tan saray arum a lalaki ta alaen day Urias.

Maung a Balita Biblia

²² Balet si Ari Joakim imbaki tod Egipto si Elnatan a lakin anak nen Acbor tan saray arum a lalaki ta alaen day Urias.

Jeremias 26:22 Referans Kwoze

Jeremias 36:12

Insan linmay Micaya ed palasioy ari, diad kuarto na samay sikritario na ari, a dimay panmimitingan na amin da ray opisyal. Wadman ira di Elisama a sumisimbawa na ari, Delaya a lakin anak nen Semaya, Elnatan a lakin anak nen Acbor, Gemarias a lakin anak nen Safan, Sedekias a lakin anak nen Hananias tan saray arum ya opisyal.

2 Saray Arari 22:14

Di Helcias, Ahicam, Acbor, Safan tan Asaya et linma ran angipanon ed sakey a biin manngaran na Hulda, sakey a propita a manaayam ed balo nin kabyangan na Jerusalem. (Say asawa to yan bii a si Sallum ya anak nen Tocat tan apo nen Hasra et sikatoy makaoley ed saray kawes ya isosolung na saray papari no manlingkur irad Timplo.) Imbaga rad kinen Hulda iray agawa,

2 Saray Arari 22:12

Ingganggan to ra di Helcias a pari, Ahicam a lakin anak nen Safan, Acbor a lakin anak nen Micaya, Safan a sikritario na korti, tan si Asaya a mananulong na ari:

Jeremias 36:25

Anggaman a kinerew di Elnatan, Delaya, tan Gemarias ed ari ya ag to poolan imay babasaen, ag to ra dinengel.

Probirbio 29:12

No dengelen na manoley so tilan balita, magmaliw a matila ya amin iray opisyal to.

Jeremias 29:3

Inter ko so sulat ed kindi Elasa a lakin anak nen Safan tan Gemarias a lakin anak nen Hilcias a sikaray imbaki nen Ari Sedekias na Juda ed kinen Ari Nabucodonosor na Babilonia. Onyay tanul na sulat:

Jeremias 39:14

et impaala da ak ed patio na palasio. Impaasikaso da ak ed kinen Gedalias a lakin anak nen Ahicam tan apo nen Safan. Insempet to ak la sirin ed abung. Akilimug-limug ak sirin ed saray totood man.

Ezekiel 8:11

Wadman iray pitomplon pangulo na saray Israelita, pati si Jaazanias a lakin anak nen Safan. Sankabembenan na balang sakey ed sikara so parlangan na insinso tan manatagey so asewek na insinso.