Jeremias 26:18 - Maung A Balita Biblia

¹⁸ “Nen ari ed Juda si Ezekias, si propita Mikias a taga Moreset imbaga tod amin a totoo a say Katawan a Makapanyarin-amin inkuanto, ‘Nabakan singa alog so Sion; magmaliw a bunton na deral-deral so Jerusalem, tan magmaliw a takel so palandey a panalalageyan na Timplo.’

Maung a Balita Biblia

¹⁸ Nen ari ed Juda si Ezekias, si propita Mikias a taga Moreset imbaga tod amin a totoo a say Katawan a Makapanyarin-amin inkuanto, Nabakan singa alog so Sion; magmaliw a bunton na deral-deral so Jerusalem, tan magmaliw a takel so palandey a panalalageyan na Timplo.

Jeremias 26:18 Referans Kwoze

Zacarias 8:3

Ompawil ak ed Jerusalem a masanton siudad ko, tan manayam ak diman. Natawag iman a pasen a matoor a siudad tan say palandey na Katawan a Makapanyarin-amin et natawag na masanton palandey.

Mikias 1:1

Legan na impanoley di Ari Jotam, Acaz, tan Ezekias ed Juda, say Katawan inter to yan salita ed kinen Mikias a taga baley na Moreset. Impaamta na Katawan ya amin ira yan bengatlan nipaakar ed Samaria tan Jerusalem.

Nehemias 4:2

Diad arap na saray kakaiba to tan saray sondalo na Samaria inkuanto, “Antoy linmad olo na saray pangaskasiyan a Judio? Labay dan ipaalagey lamet so siudad? Abaloan da kasi a diad pangibagat da nasumpal da so kimey ed sanagew? Nayarian da kasin gawaen a bato ira may bunton na atemek-temek tan apool-poolan a bengatla?”

Mikias 3:12

Kanyan lapud maoges kayo, nabakan singa alog so Sion, magmaliw a bunton na deral-deral so Jerusalem, tan magmaliw a takel so pokdul a kawalaay Timplo.

Jeremias 17:3

tan diad toktok na saray palandey ed maawang a dalin. Pasamsam kod saray kalaban yo iray kayamanan tan saray mabmablin kayaryan yo lapud amin a kasalanan a ginagawa yo ed intiron mundo.

Jeremias 9:11

Say Katawan kuanto, “Gawaen kon bunton na deral-deral so Jerusalem, sakey a pasen a panayaman da ray asod katakelan; magmaliw a kalawakan iray siudad na Juda, tan sakey a pasen ya ag panayaman na totoo.”

Saray Salmo 79:1

O Dios, say dalin mo et nilooban na saray pagano. Dinotakan day inkasanto na Timplom tan dineral-deral day Jerusalem.

Jeremias 51:37

Insan magmaliw a bunton na deral-deral so Babilonia tan panayaman na saray ayayep ed katakelan. Makapataktakot a nengnengen; anggapod may toon manayam, tan nataktakot ya amin iray makanengneng ed agawa.

2 Saray Arari 19:25

“Ag mo ta ni nadngelan ya abayag ko la yan ginetma? Susumpalen ko la ya natan. Initdan ta kay pakayari a napagmaliw mon bontun na deral-deral iray aliber na padir a siudad.

2 Saray Awaran 32:26

Diad kaonuran balet, nampaabeba si Ezekias tan saray totood Jerusalem, kanyan ag dinusa na Katawan iray totoo legan na impanbilay nen Ezekias.

Mikias 4:1

Diad saray agew ya onsabi say palandey a panalalageyan na Timplo et magmaliw a sankatageyan ed amin, ososdungan toy amin a kapokdulan. Amayamay iray bansan onlad sikato