Jeremias 25:6 - Maung A Balita Biblia

⁶ Imbaga rad sikayo ya ag kayo mangigagalang tan manlilingkur ed arum a diriyos, tan ag yo pampapasnuken so Katawan diad panamegley na pangigalang yod saray talintaon ginagawa yo. No inonur yo labat so Katawan, ag to kayo la komun dinusa.

Maung a Balita Biblia

⁶ Imbaga rad sikayo ya ag kayo mangigagalang tan manlilingkur ed arum a diriyos, tan ag yo pampapasnuken so Katawan diad panamegley na pangigalang yod saray talintaon ginagawa yo. No inonur yo labat so Katawan, ag to kayo la komun dinusa.

Jeremias 25:6 Referans Kwoze

Deuteronomio 8:19

Ag yo lilingwanan so Katawan a Dios yo, ag kayo onsisingger ed saray diriyos a igalang tan panlingkuran yo. No gawaen yo ya, pasakbayan ta kayo natan ya andi-saew ya ompatey kayo.

Jeremias 35:15

Intutuloy koy mangibakid sikayo na amin da ray aripen a propita, tan imbaga rad sikayo a tondaan yo lay maoges a panagbilay yo tan manggawa ki lay kamaungan. Pinasakbayan da kayon ag mangigalang tan ag manlingkur ed saray arum a diriyos pian nayarian yoy mansiansian manayam ed dalin ya inter kod sikayo tan saray lalaki yo. Balet ag kayo dinmengel odino angasasikasod siak.

Jeremias 7:6

Tondaan yoy panamairap yod saray sangkaili, saray olilan sigput, tan saray balo. Tondaan yoy panagpatey yo diad sayan dalin na saray totoon anggapoy kasalanan. Tondaan yoy panangigalang yod saray arum a diriyos, ta deralen to kayo.

2 Saray Arari 17:35

Akisipanan so Katawan ed saray Israelita tan ingganggan to ra: “Ag kayo mangigagalang ed saray arum a diriyos; ag kayo ondadakmomod sikara, o manlilingkur, o mangibabagat ed sikara.

Deuteronomio 6:14

Ag kayo mangigagalang ed arum a diriyos, anggan dinan a diriyos na saray totood kaliber-liber yo.

Jeremias 7:9

Mantatakew kayo, mamapatey kayoy totoo, milalawanan kayo, anta nansamba kayo mantitila kayo, mangibabagat kayod Baal, tan mangigagalang kayod saray arum a diriyos ya ag yo ra kabat nen saman.

1 Saray Arari 14:22

Nankasalanan ed Katawan iray totood Juda tan lalon maoges iray ginagawa ra nen saray ginagawa da ray lalaki ra. Sikaray akasonglur na baleg a pasnuk na Katawan ed sikara.

Josue 24:20

et no taynan yo pian makapanlingkur kayod arum iran diriyos, sumpaen to kayo tan dusaen to kayo. Pateyen to kayo, anggaman a maung so ginagawa tod sikayo nen saman.”

Deuteronomio 28:14

Balet ag nepeg a sumlangen yo ra diad anggan anton pamaakaran; ag nepeg met a mangigalang tan manlingkur kayod saray diriyos.

Deuteronomio 13:2

pian natangguyor to kayon mangigalang tan manlingkur ed saray diriyos ya ag yo ni ra inggalang nen saman. Anggaman ontua bilang so insipan to,

Exodo 20:23

Ag yo igagawaay sikayon dili na saray diriyos a pilak odino balituk, insan kaibak iran galangen yo.

Exodo 20:3

“Ag mo igagalang iray arum a diriyos; siak labat so igalang mo.

Jeremias 44:8

Akin et pampapasnuken yo ak diad pangigagalang yod saray talintaoy diriyos tan diad pangibabagat yod saray arum a diriyos diad Egipto a nila yon panaayaman? Gagawaen yo ya a paneral ed sikayon dili, pian ludlureyen kayo na amin iray bansa diad tapew na dalin tan ikana ray ngaran yo a sakey a samba?

Oseas 1:7

Balet aroen ko ray totood Juda. Siak a Katawan a Dios da, iyagel ko ra, aliwan diad panamegley na ispada odino pana, odino kabayo tan kumakabayo.”

Jeremias 32:30

Manlapu lad inggapoy awaran na saray totood Israel tan saray totood Juda, kaogsan labat so ginagawa ra tan impanpasnuk da ak lapud saray ginagawa ra.

Jeremias 44:7

“Kanyan siak, say Katawan a Makapanyarin-amin a Dios na Israel, tetepeten kod sikayo natan no akin et gagawaen yod sikayon dili ira yan kaogsan. Labay yon onsabiy deral ed saray lalaki, bibii, saray anak tan saray ogogaw, pian anggapoy nakeraan ed sikayo?