Jeremias 25:31 - Maung A Balita Biblia

³¹ say tanul na bosis to makmakbaw ed anggan iner a sokung na mundo. Say Katawan akusaen to ray bansa. Salaysayen ton amin iray katoowan, tan papatey to ray totoon maoges. Say Katawan so nansalita.’”

Maung a Balita Biblia

³¹ say tanul na bosis to makmakbaw ed anggan iner a sokung na mundo. Say Katawan akusaen to ray bansa. Salaysayen ton amin iray katoowan, tan papatey to ray totoon maoges. Say Katawan so nansalita.

Jeremias 25:31 Referans Kwoze

Oseas 4:1

Say Katawan walay dalem to sumpad saray totoon manaayam ed sayan dalin. Dengel ka, Israel ed kuanto: “Diad sayan dalin anggapoy katooran odino panangaro na saray totoo, tan ag da ak bibirbiren a Dios.

Joel 3:2

Tiponen kon amin iray bansa tan iyakar ko rad Patar na Sintinsia. Sintinsiaan ko rad man, lapud amin a ginagawa rad saray totook. Inkakayat dad saray arum a bansa iray Israelita tan inaapag day dalin kon Israel.

Mikias 6:2

Sikayo ran kapalandeyan, sikayo ran andi-anggaan a pundasion na dalin, dengel yoy pangaakusa na Katawan! Say Katawan walay pangakusaan tod saray totoo to. Akusaen toy Israel.

Isaias 66:16

Diad panamegley na apoy tan ispada dusaen to ray amin a totood mundo a narumog ton walay kasalanan—amayamay ed sikaray napatey.

Oseas 12:2

Walay pangakusaan na ed saray totood Juda; dusaen to met so Israel lapud saray gagawaen da ray totoo to. Singilen to rad saray gagawaen da.

Isaias 34:8

Sikato yay panaon na pangyagel na Katawan ed Sion tan ibawi tod saray kalaban to.

Ezekiel 38:22

Dusaen ko diad panamegley na salot tan pateyan. Say makmaksil ya oran a nantarok na yilo, apoy, tan asupri, et ipelag kod sikato, saray sondalo to, tan saray amayamay a bansan akigampid sikato.

Jeremias 45:5

Aanapen moy nidoman bengatlan para sikan dili? Ag mo la itutuloy, ta deralen koy amin a katoowan; anggaman ontan, nipaliis kad patey anggan iner so laen mo. Siak, say Katawan, so nansalita.”

Isaias 33:3

No sikay mibakal a para sikami, saray bansa ibatikan day ingal na bakal.

Jeremias 2:35

kuanmo, ‘Anggapoy kasalanan ko; andi-saew ya ag la mamapasnuk so Katawan ed siak.’ Balet siak, say Katawan, dusaen ta ka lapud ag mo birbiren a nankasalanan ka.

Isaias 34:2

Mamapasnuk so Katawan ed amin da ray bansa tan amin a sondalo ra. Sinintinsiaan to la ran napatey.

Jeremias 23:19

Singa bagyo so pasnuk to, singa makmaksil ya alimbusabos ya ombasig ed kaolowan da ray totoon maoges,

Ezekiel 30:3

Asingger la so agew, say agew ya onggalaw so Katawan, Say agew a malorem tan magunigon iray bansa.