Jeremias 25:3 - Maung A Balita Biblia

³ “Diad loob na duamplo tan taloy taon, nanlapu lad kumalabintalon taon na panaarid Juda nen Josias a lakin anak nen Amon ya anggad natan, nansasalitad siak so Katawan tan intutuloy kon imbagad sikayo so sinalita to. Balet ag yo inasasikaso.

Maung a Balita Biblia

³ Diad loob na duamplo tan taloy taon, nanlapu lad kumalabintalon taon na panaarid Juda nen Josias a lakin anak nen Amon ya anggad natan, nansasalitad siak so Katawan tan intutuloy kon imbagad sikayo so sinalita to. Balet ag yo inasasikaso.

Jeremias 25:3 Referans Kwoze

Jeremias 26:5

Nepeg yon dengelen iray salita na saray aripen kon propita ya imbabakik ed sikayo. Ag yo nin balut inonur iray imbabaga rad sikayo.

Jeremias 11:7

Nen impaway ko ed Egipto iray lalaki ra, masimoon ko ran pinasakbayan ya onuren da ak. Insan ko intutuloy a pinapasakbayan iray totoo ya anggad natan.

Jeremias 1:2

Akisalitay Katawan ed kinen Jeremias nen kumalabintaloy taon na panaarid Juda nen Josias a lakin anak nen Amon.

Jeremias 7:13

Ginagawa yo ra yay kasalanan a binitlak. Anggaman ya akisalita ak ed sikayon amimpiga-piga, ag kayo dinmengel. Ag kayo inmebat nen tinawag ta kayo.

Jeremias 29:19

Onyay nagawad sikara, lapud ag da inonur iray salitak ya impapaibagak ed sikara diad panamegley da ray propitan aripen ko. Ag ira dinmengel.

2 Saray Awaran 34:8

Nen kumalabinwalon taon na panooley nen Ari Josias, kayari ton nilinisan onung ed ganggan so bansa tan say Timplo, imbaki ton manapiger na Timplo na Katawan a Dios to si Safan a lakin anak nen Azalia, si Maasias, say gobirnador na Jerusalem, tan si Joas a lakin anak nen Joakaz, sakey ya atagey ya opisyal.

2 Saray Awaran 34:3

Nen kumawalon taon na panooley nen Ari Josias, nen ogaogaw ni, ginapwan to lan inggalang so Dios na laki ton Ari David. Kayariy apat taon ginapwan ton dinederal iray pasen a panangigalangan na saray pagano, saray tanda na diosan Asera, tan saray arum nin talintaoy diriyos.

2 Timoteo 4:2

ipulong moy salitay Dios, ipasoot mon ibaga ed anggan anton oras; mananggoyur, mamasnuk, manimbawa, tan mananos kan mambangat.

Juan 8:47

Say anak na Dios dedengelen to ray salitay Dios. Aliwa kayon anak na Dios, kanyan ag yo dedengelen iray salita to.”

Juan 8:2

Kabkabwasan nen pinmawil ed Timplo. Minongkug na dakel a totoo, kanyan inmirung tan binangatan to ra.

Marcos 1:35

Diad ontombuk ya agew, ambilonget ni nen binmangon si Jesus. Linmad sakey a mareen a pasen tan nampikasid man.

Jeremias 44:4

Ag ak tinmondan angibaki na saray aripen kon propita ya angibagad sikayon ag yo gagawaen yan makapangingungot a bengatlan kabkabosul ko.

Jeremias 35:15

Intutuloy koy mangibakid sikayo na amin da ray aripen a propita, tan imbaga rad sikayo a tondaan yo lay maoges a panagbilay yo tan manggawa ki lay kamaungan. Pinasakbayan da kayon ag mangigalang tan ag manlingkur ed saray arum a diriyos pian nayarian yoy mansiansian manayam ed dalin ya inter kod sikayo tan saray lalaki yo. Balet ag kayo dinmengel odino angasasikasod siak.

Jeremias 25:4

Ag kayo dinmengel odino angasikaso, anggaman ya intutuloy na Katawan so mangibaki na saray aripen ton propita.

Isaias 55:2

Akin et gagastosen yoy kuarta yo ed antokaman ya ag makapenek? Akin et gagastosen yoy suildo yo, et siansian narasan kayo? Dengel yo ak tan gawa yoy ibabagak, et manliket kayo ed sankananaman iran kakanen.

Saray Salmo 81:13

Agaylay pampirawat kon ondengel iray totook; agaylay pampirawat kon onuren da ak!

1 Saray Arari 22:3

Tinepet nen Acab ed saray opisyal to, “Amta yo a kayaryan tayoy Ramot-Galaad. Akin balet et ag tayo babawien ed ari na Siria?”

Exodo 8:20

Say Katawan kuantod kinen Moises, “Diad kabkabwasan nabwas, laka ta abet moy ari no mamaarap ed ilog, tan ibagam ed sikato a say Katawan kuanto, ‘Abuloyan mon onla la ray totook, pian nigalang da ak.

Genesis 22:3

Diad kabkabwasan na ontombuk ya agew, nambelang si Abraham na kiew a para bagat, intapew tod asno to, tan intagar toy Isaac tan saray duaran aripen to. Ginapwan day amaarap ed samay pasen ya imbagay Katawan.

2 Saray Awaran 34:1

Waloy taon nen Josias nen nagmaliw ya ari ed Juda, tan nanoley ed Jerusalem na talomplo tan sakey taon.

2 Saray Awaran 36:15

Intuloy na Katawan a Dios na saray lalaki ra so angibaki na saray totoon mamasakbay ed sikara, lapud labay ton niagel iray totoo to tan say Timplo to.

Jeremias 7:25

Manlapud samay agew ya impaway ed Egipto na saray lalaki yo ya anggad natan, intutuloy koy angibakid sikayo na saray aripen kon propita.

Jeremias 32:33

Imbeneg da ak; anggaman ya intutuloy koy pambangat ed sikara, ag ira ondengel tan makaaral.

Jeremias 35:14

Inonur na saray kabyangay boleg nen Jonadab so ganggan to ya ag ira oninom na alak, tan anggad natan anggapod sikaray oniinom na alak. Siak balet, ag yo ak oonuren anggaman ya ag ak ontotondan misasalitad sikayo.

Jeremias 36:1

Nen kumapat a taon na panaarid Juda nen Joakim a lakin anak nen Josias, inkuan na Katawan ed siak,

Jeremias 36:2

“Mangala kay sakey a nilokut a papil ta isulat mon amin iray imbagak ed sika, nipaakar ed Israel tan Juda, tan amin a bansa. Isulat mon amin iray imbagak ed sika manlapu lad samay inmonan impisalitak ed sika, nen ari ni si Josias, ya anggad natan.

2 Saray Arari 17:13

Angibakiy Katawan na saray managpulong tan saray propita to a mamasakbay ed Israel tan Juda. Onyay impaikuantod sikara: “Ikaindan yo ray maoges a kagagawa yo tan onur yo ray bilin kon walad Ganggan ya inter kod saray lalaki yo tan impasabik ed sikayo diad panamegley na saray aripen kon propita.”

2 Saray Awaran 24:19

Angibaki so Katawan na saray propita a mamasakbay ed sikara pian makapawil irad Katawan, balet ag da ra dinengel.

Jeremias 19:15

a say Katawan a Makapanyarin-amin a Dios na Israel et inkuanto, “Iyakar ko lad sayan siudad tan diad amin a kaliber-liber to ran baley iray amin a dusan imbagak a gawaen ko, lapud anawet so puso yo tan ag kayo ondengel ed ibabagak.”

Jeremias 22:21

Nansalita so Katawan ed sikayo nen maaligwas so kipapasen yo, balet ag kayo dinmengel. Onya so ginawa yo nanlapu la nen wala ki nid kalangweran; ag kayon balut ononur ed Katawan.

Ezekiel 33:4

Siopamay toon makadngel ed samay pasakbay, balet et ag to ingalngalep tan onsabiy kalaban a mamatey ed sikato, sikaton dili so natetel ed ipatey to.

Zacarias 1:4

Ag yo aaligen iray lalaki yo. Nen saman saray propita sinalita ra so impaikuankod saray totoo a magbabawi rad saray kaogsan da. Balet ag ira dinmengel odino inmonur ed siak.