Jeremias 25:18 - Maung A Balita Biblia

¹⁸ Apainom so Jerusalem tan amin a baley ed Juda, pati saray arari tan saray pangulo na Juda, pian magmaliw iran bunton na dera-deral; makapataktakot tan makapasinagem iran nengnengen, tan saray totoo ikana ran sakey a samba so ngaran da a singa gagawaen da ni. (Onya natan so agawad sikara.)

Maung a Balita Biblia

¹⁸ Apainom so Jerusalem tan amin a baley ed Juda, pati saray arari tan saray pangulo na Juda, pian magmaliw iran bunton na dera-deral; makapataktakot tan makapasinagem iran nengnengen, tan saray totoo ikana ran sakey a samba so ngaran da a singa gagawaen da ni. (Onya natan so agawad sikara.)

Jeremias 25:18 Referans Kwoze

Jeremias 44:22

Diad sayan agew aderal-deral so dalin yo tan anggapoy manaayam. Nagmaliw a makapagiwgiw a nengnengen tan ikakana na saray totoo so ngaran to a sakey a samba, lapud ag la naanosan na Katawan so marotak tan maoges a gagawaen yo.

Jeremias 24:9

Iyakar kod sikara yan deral pian ontakot iray amin a bansa ed mundo. Ludlureyen ira na saray totoo, sutil-sutilen da ra, balbalawen da ra, tan ikana ran sakey a samba so ngaran da anggan iner a pasen a pangikayatan kod sikara.

Saray Salmo 60:3

Impanirap mon mapalalo iray totoom; mandongilngil kamin singa abuek.

1 Pedro 4:17

Sinmabi lay oras na igapoy pananintinsia, tan onaan a nasintinsiaan iray totooy Dios. No onaan itayon nasintinsiaan, anto siriy pansumpalan da ray ag ontotombuk ed Maung a Balita na Dios?

Amos 3:2

“Diad amin da ray bansa ed tapew na dalin, sikayo labat so kabat ko tan inasikasok. Sikato yay makasengeg no akin et ambelat iray kasalanan yo, kanyan nepeg a dusaen ta kayo.”

Amos 2:5

Lapud saya mangyakar ak na apoy ed Juda tan poolan ko ray tirinsira na Jerusalem.”

Daniel 9:12

Ginawam so imbagam a gawaen mod sikami tan saray manoley mi. Ag miparad arum a siudad ed tapew na dalin so impanusam ed Jerusalem,

Jeremias 25:11

Magmaliw a bontun na dera-deral yan intiron dalin tan makapataktakot a nengnengen. Pitomploy taon a panlingkuran na sarayan kakaabay a bansa so Babilonia.

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 1:10

Natad sayan agew iiter kod sikay pakaoley ed saray bansa tan saray nanarian, pian sikay mamagut tan mangigeba, maneral tan manalo, mamaalagey tan mangiletneg.”

Nehemias 9:36

Et natan aripen kami ed dalin ya inter mod sikami, diad sayan mabunan dalin a mangiiter ed sikami na tagano.

Esdras 9:7

Nanlapu lad panaon na saray lalaki mi ya anggad natan, ontan la so impankakasalanan da ray totoom. Lapud saray kasalanan mi, sikami, saray arari mi tan saray papari mi et naplag kamid lima da ray ararid arum a bansa, tan pinapatey, tinatakewan, tan inyaakar da kami ed arum a bansa. Asigsigput kamin naplag ed kababaingan a singa kipapasen mi nin anggad natan.

2 Saray Arari 22:19

nampatauli ka tan nampaabeba kad siak ginebyas moy kawes mo tan manakakis ka nen nadngel mo no panoy panusak ed Jerusalem tan saray totoon manaayam diman. Gawaen kon makapasinagem a nengnengen, sakey a pasen a say ngaran to et ikana na saray totoo a sakey a samba. Balet nadngel koy pikakasim,

1 Saray Arari 8:24

Tinoor moy sipan mod amak a David ya aripen mo, tan diad sayan agew sinumpal moy amin ya imbagam.

Josue 6:18

Balet ag kayo mangaala na antokaman a nepeg a deralen; no mangala kayo, ondalan so gunigon tan deral ed kampo na Israel.

2 Saray Awaran 29:8

Lapud saya akapasnuk so Katawan ed Juda tan Jerusalem, et nikelawan tan ataktakot so balang sakey lapud ginawa tod sikara. Malinlinew so pakaamta yod sayan inkagawa.

Isaias 40:23

Papaabebaen to ray makapanyarin manoley, pagmamaliwen to ran anggapoy kabaliksan.

Isaias 65:15

Ikana na saray pinilik a totoo so ngaran yo a sakey a samba. Siak a Katawan a Dios pateyen ta tayo. Balet itdan ko na balon ngaran iray mangoonur ed siak.

Jeremias 26:6

No ituloy yoy ag mangonur ed siak, gawaen kod sayan Timplo so singa samay ginawak ed Silo tan saray amin a bansa ikana ray ngaran na sayan siudad a sakey a samba.”

Ezekiel 30:7

Say dalin magmaliw a sankabegtewan ed intiron mundo, tan sigput a nataynan ya aderal-deral iray siudad to.

Mikias 6:16

Onyay nagawa, lapud inalig yo ray maoges a ginagawa nen Ari Omri tan si anak ton laki a si Ari Acab. Intuloy yon inoonur iray ganggan da, kanyan iyakar kod sikayoy deral, tan balawen kayo na balang too. Leglemewen kayo na amin a katoowan ed inerman a pasen.”

Jeremias 13:3

Insan akisalita lamet so Katawan ed siak. Inkuanto,

Jeremias 13:9

“Onyay paneral kod panagpaatagey na Juda tan say ontan lan panagpaatagey na Jerusalem.