Jeremias 24:10 - Maung A Balita Biblia

¹⁰ Ipadalan kod sikaray bakal, eras, tan salot anggad anggapoy anggan sakey ed sikara so natilak ed dalin ya inter kod sikara tan saray lalaki ra.”

Maung a Balita Biblia

¹⁰ Ipadalan kod sikaray bakal, eras, tan salot anggad anggapoy anggan sakey ed sikara so natilak ed dalin ya inter kod sikara tan saray lalaki ra.

Jeremias 24:10 Referans Kwoze

Isaias 51:19

Duaran deral so dinmalan ed sika: dineral na bakal so dalin mo tan naerasan iray totoom. Anggapoy siopaman a mangabagey ed sika.

Ezekiel 33:27

“Ibagam ed sikara a siak a Katawan a Dios papasakbayan ko ra a legan a mabilay ak andi-duaruwan ompatey iray totoon manaayam ed saray aderal-deral a siudad. Kanen na saray ayayep ed katakelan iray manaayam ed saray bario. Ompatey ed salot iray manaamut ed saray kapalandeyan tan diad saray ongib.

Ezekiel 7:15

Peles lay laban ed saray dalan, tan wala lay salot tan eras ed kaabungan. Ompatey ed laban so siopaman a walad kaalogan; ompatey ed sakit tan eras so siopaman a walad siudad.

Jeremias 34:17

Kanyan natan, siak, say Katawan, kuanko ya ag yo ak inonur; ag yo initdan na kawayangan iray kapara yon Israelita. Sigi sirin, itdan ta kayoy kawayangan: say kawayangan ya ompatey ed bakal, salot tan eras. Gawaen koy amin a bansa ed intiron mundo a nataktakot lapud gawaen kod sikayo.

Jeremias 27:8

“Balet no walay bansa odino nanarian ya ag onsilong ed pakaoley nen Nabucodonosor tan ag ontoluk ed pakaoley to, dusaen ko itan a bansa diad panamegley na bakal, eras, tan salot, anggad sigput a napaderal kod sikato.

Jeremias 19:7

Diad sayan pasen deralen kon amin iray plano na saray totood Juda tan Jerusalem. Panaloen kod sikara iray kalaban da tan pateyen ko rad bakal. Iter kon buagen na saray manok tan saray ayayep ed katakelan iray bangkay da.

Jeremias 16:4

Ompatey irad ambelat a sakit. Anggapoy manermen ed ipatey da, tan ag ira nipompon. Magmaliw a singa taiy ayep ya abunton ed dalin iray bangkay da. Napatey irad bakal, odino ompatey irad eras, tan buagen na saray manok tan saray ayayep ed katakelan iray bangkay da.

Jeremias 15:2

No tepeten dad sika no iner so laen da, ibagam ed sikara a nibagak la: Saray arum ompatey irad salot— diman so laen da! Saray arum ompatey irad bakal— diman so laen da! Saray arum ompatey irad eras— diman so laen da! Saray arum nadakep ira— diman so laen da!

Jeremias 9:16

Ikaykayat ko rad saray bansa a sikara tan saray lalaki ra et ag da ni nadngelan tan mangibaki ak na saray sondalo sumpad sikara, anggad sigput a naderal ko ra.”

Jeremias 5:12

Imbori na saray Israelita so Katawan. Inkuanda, “Anggapo lamlamang so gawaen to. Anggapoy kairapan ya onsabid sikatayo; ag itayo nadalan na bakal odino eras.”

Puyan 6:8

Anengneng kod satay kabayon posisaw so kolor to. Patey so ngaran na akakabayo, tan manontombuk ed sikatoy Hadis. Naitdan iray pakayari ed kakapat na mundo, a mampatey diad panamegley na ispada, eras, salot, tan saray ayayep ya atap diad tapew na dalin.

Deuteronomio 28:21

Ipadalan tod sikayoy mantotombukan a salot, ya anggad anggapoy anggan sakey a natilak ed sikayod dalin a ngalngali yo la panayaman.

Jeremias 21:9

Siopamay manayam ed dalem na siudad ompatey ed bakal, eras, odino salot. Balet siopamay ompaway tan onsukod saray taga Babilonia, ya ondodogpa ra natan ed siudad et ag ompatey. Say bilay da labat so nayarian dan iyagel.

Jeremias 42:17

Amin da ray talagan malabay a manayam ed Egipto ompatey ira ed bakal, o eras, o salot. Anggapod sikaray nakeraan a mabilay, anggapoy anggan sakey a makapaliis ed deral ya iyakar kod sikara.’

1 Saray Arari 14:15

Dusaen na Katawan so Israel, tan magmaliw a singa kiew a payar ya iwal-iwalen na mabiskeg ya agos na danum. Pataynanen to ray totood Israel ed sayan maung a dalin ya inter tod saray lalaki ra, insan to ra ikaykayat ed nibaliw na Ilog na Eufrates, ta apampasnuk da lapud impanggawa ra na saray talintao nen diosan Asera.

Jeremias 9:15

Kanyan dengel kad ibagak a gawaen ko, siak a Makapanyarin-amin a Katawan, say Dios na Israel. Itdan ko ray totook na saray ampait a tanaman a kanen da. Itdan ko met iray makasamal a danum ya inomen da.

Jeremias 14:12

Anggan manayuno ra ag ko dengelen so ikekerew day tulong; ag ak manliket ed sikara anggaman a mangisaklang irad siak na saray bagat a popoolan tan saray bagat a trigo. Ingen, pateyen ko ra diad panamegley na bakal, eras tan salot.”

Jeremias 29:17

Ibabagay Katawan a Makapanyarin-amin, ‘Mangipadalan ak ed sikara na bakal, eras, tan salot, tan pagmaliwen ko ran singa saray bungay igos a diad mapalalon inkaboluk da, ag ira nayarin kanen.

Jeremias 29:18

Osilan ko ra na bakal, eras, tan salot, pian diad ontan saray totood amin a bansa ed mundo et nataktakot ira ed nanengneng da. Inerman a pasen a pangikayatan kod sikara, saray totood man et natalagnaw tan nataktakot ira ed agawad sikara. Ludlureyen da ra tan ikana ran sakey a samba so ngaran da.

Jeremias 32:24

“Saray taga Babilonia nanggagawa rad kaliber-liber na siudad na saray bunton a looban dan manakep, tan ondodogpa ra. Lapud bakal, eras, tan salot napelag ed lima ra so siudad. Katawan, nanengneng mo a tinmuan amin iray imbagam.

Jeremias 32:25

Balet, Katawan a Dios, sikay angiganggan ed siak a saliwen ko may alog diad arap da ray tasi, anggaman a ngalngali la nadakep na saray taga Babilonia so siudad.”

Jeremias 42:22

Kanyan sirin, tandaan yo ya: ompatey kayod bakal, odino eras, odino salot ed dalin a labay yon laen tan panayaman.”

Ezekiel 6:11

Inkuan na Katawan a Dios, “Yesyes yo ray kalimaan yo! Ikarag-karag yo ray sali yo! Akis kayod ermen lapud amin da ray maoges tan makapaingungot a ginagawa na saray Israelita. Ompatey irad bakal o eras o salot.