Jeremias 23:6 - Maung A Balita Biblia

⁶ No sikato so ari, arawid kaatapan iray totood Juda, tan mambilay ed kareenan iray totood Israel. Natawag na, ‘Say Katawan a Kilalaban tayo.’

Maung a Balita Biblia

⁶ No sikato so ari, arawid kaatapan iray totood Juda, tan mambilay ed kareenan iray totood Israel. Natawag na, Say Katawan a Kilalaban tayo.

Jeremias 23:6 Referans Kwoze

1 CORINTO 1:30

Balet say Dios impikasakey to itayod Cristo Jesus tan ginawa to a kakabatan tayo. Diad panamegley nen Cristo, apirdona ray kasalanan tayo ed arap na Dios, nagmaliw itayon masanton totooy Dios, tan arondon itayo la.

Jeremias 33:16

Niagel tan mambilay ya arawid kaatapan iray totood Juda tan Jerusalem. Say siudad natawag na ‘Say Katawan a Kilalaban Tayo.’

FILIPOS 3:9

tan nagnap so pikasakey kod sikato. Anggapo lay pilalek kon napatonung onung na panangonur ed Ganggan, ta apatonung ak la diad panamegley na pananisiad Cristo. Inter na Dios yad siak, salanti say pakapatonung a niletneg ed pananisia.

Saray Taga Roma 3:22

Papaandien na Dios so kasalanan na amin da ray mananisiad Jesu-Cristo, diad panamegley na pananisia rad Jesu-Cristo. Ta anggapoy pandoromaan na anggan siopa:

2 CORINTO 5:21

Ag nankasalanay Cristo, balet lapud pankaabigan tayo, nibilang a makasalanan pian diad pikasakey tid sikato, nibilang itayon matonung ed arap na Dios.

Daniel 9:24

“Mamimpiton pitomplo a taon so karokey na panaon ya inggetar na Dios a pangibolus ed saray totoom tan say masanton siudad mo ed kasalanan tan kaogsan. Napirdona so kasalanan tan niletneg so andi-anggaan ya inkatonung, pian ontua so pasingayew tan say propisiya, tan nisaklang lamet ed Dios so masanton Timplo.

Jeremias 32:37

Saray totoon inkaykayat kod saray bansa lapud petang na olok, pasnuk, tan sanuk kod sikara et tiponen ko ra, insan ipawil ko rad sayan pasen tan panayamen ko ra dian arawid kaatapan.

Jeremias 30:10

“Totook, ag kayo natatakot; totood Israel, ag kayo nasesegawan. Iyagel ta kayod saman ya arawin lugar, diad saman a dalin ya akaprisoan yo. Ompawil kayod dalin yo tan manayam kayod man a walay kareenan; niarawi kayod kaatapan, tan anggapoy manaktakot ed sikayo.

Isaias 9:6

Dadi sikatayo nianak so sakey ya ogaw! Niiter ed sikatayo so sakey ya anak a laki! Sikatoy magmaliw a manoley tayo. Natawag a “Makapakelaw a Mananimbawa,” “Makapanyarin Dios,” “Andi-anggaan ya Ama,” “Prinsipi na Kareenan.”

Isaias 7:14

Natan, say Katawan itdan to ka na sakey a tanda: walay sakey a marikit a malokun tan mananak na sakey a laki tan ngaranan to na Emmanuel.

Zacarias 10:6

“Pabiskegen ko ray totood Juda; iyagel ko ray totood Israel. Ipawil ko rad dalin lapud inarok ira. Magmawil iran singa ra ag ko impolisay. Siak so Katawan a Dios; ebatan ko ray pikakasi ra.

Zacarias 3:10

No onsabiy tan ya agew, balang sakey ed sikayo imbitaan to ray kakaaro to ya ondago tan manliket a walay kareenan tan arawid kaatapan diad pasen ya apaliberan na saray kaubasan tan saray kakiewan yon igos.”

Sofonias 3:13

Saray totood Israel ya apaliisan day patey et ag la ra manggaway maoges ed kapara ran too, ag la ra mantila, odino mamalikdo na arum a totoo. Onaligwas ira tan niarawi rad kaatapan, ya ag la ra antakot ed siopaman.”

Obadias 1:21

Saray analon lalakid Jerusalem, et dogpaan day Edom tan oleyan da. Say Katawan a dili so manari.”

Obadias 1:17

“Balet wala ray pigaran makabatik ed Palandey na Sion, tan sikatoy magmaliw a masanton pasen. Saray totoon kabyangay boleg nen Jacob et kayaryanen da lamet so dilin dalin da.

Oseas 2:18

Diad satan a panaon misipanan ak ed amin da ray ayayep ed katakelan tan saray manok, pian ag da la pasakitan iray totook. Ekalen ko met ed dalin iray amin ya armas ed bakal, amin da ray ispada tan saray pana, tan panayamen kon mareen tan arawid kaatapan iray totook.

Oseas 1:7

Balet aroen ko ray totood Juda. Siak a Katawan a Dios da, iyagel ko ra, aliwan diad panamegley na ispada odino pana, odino kabayo tan kumakabayo.”

Isaias 54:17

Balet anggapoy armas a makapasakit ed sika; walay niebat mo ed amin a mangakusa ed sika. Iyagel ko ray aripen ko tan panaloen ko ra.” Say Katawan so nansalita.

Isaias 35:9

Anggapo rad may niwalan lion; anggapoy ondalan diman a masebeg ya ayep. Diad ipawil na saray totoon inyagel na Katawan ondalan irad saman a dalan.

Isaias 45:17

Balet ta inlaban na Katawan so Israel, tan mansiansiad ando lan ando so impanalo to; ag balut napelag ed kababaingan iray totoo to.’”

Isaias 33:22

Andi-kakanaan iray lobir na saratan a bapor, tan ag ombuskag iray layag da! Akokosen tayoy amin a kayamanan na saray sondalo na kalaban, tan walay daakan a nasamsam a napiapagan na anggan saray piley a totoo. Say Katawan a dili so magmaliw ya ari tayo; manoley ed sikatayo tan iyagel to itayo.

Isaias 2:4

Patondaen toy pankokolkol da ray matalonggaring a bansa. Gawaen dan lokuy iray ispada ra, tan palot iray pika ra. Ag la mambabakal iray bansa; ag la ran balut mamparaan a mibakal.

1 Saray Arari 4:25

Legan ton nambilay, arawid kaatapan iray totood Juda tan Israel; balang pamilya wala ray tanaman ton ubas tan kakiewan ya igos.

Isaias 42:6

“Siak, say Katawan, tinawag ta ka tan initdan ta kay pakayari a mangipakurang na inkatonung ed tapew na dalin. Diad panamegley mo misipanan ak ed amin da ray katoowan; diad panamegley mo mangyakar ak na silew ed saray bansa.

Jeremias 29:11

Siak labat so makaamta na saray planok ed sikayo. Sarayan plano et makaiter ed sikayo na aligwas, aliwan deral; saray planon mamatwa ed iilaloan yon nagawa ed arapen a panaon.

Jeremias 33:15

Diad satan a panaon mamili ak na sakey ya ari a kabyangay boleg nen David. Manoley ed intiron dalin onung na kaptekan tan katonungan.

Ezekiel 21:27

Deral! Deral! On, pagmaliwen kon deral-deral so intiron siudad. Balet ag ya nagawa anggad isabi na samay pinilik a manusad siudad. Sikato so pangiteran ko na siudad.

Ezekiel 28:26

Manayam irad man ya arawid kaatapan. Mangipaalagey ira na saray abung tan mantanem ira na saray ubas. Dusaen kon amin iray walad kaliber-liber na Israel a nambabalaw ed sikato, et niarawid kaatapan so Israel. Diad satan naamtaan da a siak so Katawan a Dios da.”

Ezekiel 38:14

Kanyan say Katawan a Dios imbaki to ak a mangibagad Gog na sayan labay ton ibagad sikato: “Natan legan a saray totook ya Israel et mambibilay iran arawid kaatapan, mamparaan kan

Ezekiel 48:35

Say intiron karokey na samay padir diad apatiran dapag et siam a libo, walon lasus tan walomplon mitro. Manlapud natan say nepeg a ngaran na siudad et “Wadya-so Katawan!”

Daniel 9:7

O Katawan, matonung lawas so gagawaen mo, balet impelag miy sikamin dili ed kababaingan. Tua ya ed amin min manaayam ed Juda tan diad Jerusalem; tua met ya ed amin da ray Israelitan inkakayat mod saray bansan walad arawi odino asingger lapud aliwa ran matoor ed sika.

Oseas 1:11

Mankasakey iray totood Juda tan saray totood Israel. Mamili ra na saksakey a pangulo ra, et ombaleg tan onaligwas ira lamet ed dilin dalin da. On, matalonggaring so agew nen Jezreel!

Exodo 9:26

Say Gosen labat a panaayaman na saray Israelita so pasen ya anggapoy pinmelag a kristal.

Saray Salmo 45:5

Matdem iray tarem na panam; tuturoken day kapusoan na saray kalaban mo, saray bansa ondadakmomo rad saliyan mo.

Isaias 32:1

Onsabiy panaon a walay sakey ya arin manoley onung ed katonungan, tan wala ray pangulon ipakurang day kaptekan.

Isaias 32:18

Naandiy kapagaan ed bilay da ray totooy Dios, tan niarawid kaatapan so kaabungan da tan manayam so kareenan. (

Isaias 33:5

Matalonggaring a tuloy so Katawan! Ooleyan toy amin a bengatla. Panoen to na kaptekan tan inkatonung so Jerusalem,

Jeremias 31:23

Say Katawan a Makapanyarin-amin a Dios na Israel kuanto, “No papawilen kod dalin da iray totook, ibaga da lamet ed dalin na Juda tan saray baley to, ‘Bindisionan komun na Katawan so masanton palandey na Jerusalem, say masanton pasen a panaayaman to.’