Jeremias 23:31 - Maung A Balita Biblia

³¹ Sumpa ak met ed saray propita a salitaen da ray dilin salita ra, insan da ipasen a nanlapud siak ira yan salita ra.

Maung a Balita Biblia

³¹ Sumpa ak met ed saray propita a salitaen da ray dilin salita ra, insan da ipasen a nanlapud siak ira yan salita ra.

Jeremias 23:31 Referans Kwoze

Jeremias 23:17

Ibabaga ra lawas ed saray totoo ya ag ondedengel na saray salitak, a maung ya amin so pansumpalan da. Ibabaga rad balang sakey ya anawet so puso to ya ag balut nadiwit na deral.”

Isaias 30:10

Ibabaga rad saray propita a mandeen ira. Kuanda, “Ag yo sasalitaen ed sikamiy nipaakar ed kaptekan. Ibaga yod sikamiy labay min dengelen. Pansiasia yod sikami ray balibali ran kogip.

2 Saray Awaran 18:5

Impantitipon sirin nen Acab iray propita, sakey ya apat a lasus ira, tan tinepet tod sikara, “Laen kon dogpaan so Ramot-galaad odino andi?” “Dogpaan mo,” ebat da. “Panaloen ka na Dios.”

Mikias 2:11

“Say labay na sarayan totoo et say propitan manakar-akar a tila-tilaan tan palpalikdoen to ray totoo a kuanto, ‘Ipapasakbay kon nawalaan kayo na daakan ya alak tan mabayanin iinomen.’

Jeremias 23:30

Sumpa ak ed saray propitan ikana da ray salita na kapara ran propita, insan da ipasen a salitak ira.

Jeremias 23:32

Dengel yo so ibabagak, siak a Katawan! Sumpa ak ed saray propita a mangibabaga na saray kogip da a napnoy tila. Ibabaga da ra yan kogip da tan ibabalang da ray totook diad panamegley na saray panagtila ra tan panagpasirayew da. Ag ko ra imbaki odino ingganggan ya onla. Anggapon balut so nayarian dan itulong ed saray totoo. Siak, say Katawan, so nansalita.”

Deuteronomio 18:20

Balet nepeg ya ompatey so siopaman a propitan mansalitad ngaran ko anta ag ko ingganggan a mansalita, odino siopaman a propitan mansalita ed ngaran na saray diriyos.’

1 Saray Arari 22:11

Nanggawa na saray saklur a balatyang so sakey ed sarap propita a si Sedekias a lakin anak nen Canaana tan kuantod kinen Acab, “Onyay inkuan na Katawan: ‘Diad panamegley na saraya, labanan mo ray Siriano, et sigput a taloen mo ra.’”

Jeremias 28:15

Insan inkuankod kinen Ananias, “Dengel ka, Ananias! Ag ka imbaki na Katawan, tan gagawaen mon manisiad tila ira yan totoo.

Jeremias 28:17

Inatey si Ananias nen kumapiton bulan ed saman a taon.