Jeremias 23:18 - Maung A Balita Biblia

¹⁸ Inkuanko balet, “Anggapod sarayan propita so akapikabat ed niamut a kanunotan na Katawan. Anggapod sikaray akadngel odino akatalus ed salita to odino dinmengel o angasikaso ed imbaga na Katawan.

Maung a Balita Biblia

¹⁸ Inkuanko balet, Anggapod sarayan propita so akapikabat ed niamut a kanunotan na Katawan. Anggapod sikaray akadngel odino akatalus ed salita to odino dinmengel o angasikaso ed imbaga na Katawan.

Jeremias 23:18 Referans Kwoze

Jeremias 23:22

No akabatan da ray niamut a kanununotan ko, ayarian da komun ya impulong so salitak ed saray totook tan atanggoyur da ran mangibeneg ed saray maoges a panagbilay da tan saray maoges a gagawaen da.

1 CORINTO 2:16

Ta onung na ibabagay Masanton Sulat, “Siopay makaamtad kanunotay Katawan? Siopay makasimbawad sikato?” Balet, walad sikatayoy panagnunot nen Cristo.

Juan 15:15

Ag ta ki la ipapasen ya aripen natan, ta ag kabat na aripen so gagawaey katawan to. Ipapasen ta ki lan kakaaro, lapud impaamtak ed sikayo ray amin a nadngel kod Amak.

Amos 3:7

Say Katawan a Dios et ag balut manggawa na antokaman ya ag to ni ipaamtad saray aripen ton propita so plano to.

Saray Salmo 25:14

Kaaro na Katawan iray matoluk ed sikato, tan papaletan toy impisipanan tod sikara.

2 Saray Awaran 18:23

Balet inasinggeran nen Sedekias si Micaya, tinampal to, tan kuanto, “Kapigan ta inmekal ed siak so ispiritu na Katawan, insan akisalita ed sika?”

1 Saray Arari 22:24

Balet inasinggeran nen Sedekias si Micaya, tinampal to, tan kuanto, “Kapigan ya inmekal ed siak so ispiritu na Katawan, insan nansalita ed sika?”

Say Libro nen Job 33:31

Natan, Job, dengel mo so ibabagak; mandeen ka tan abuloyan mo ak a mansalita.

Say Libro nen Job 21:22

Nayari kasin ibangat na too so Dios a huis na anggan saray atagey so betang da?