Jeremias 23:11 - Maung A Balita Biblia

¹¹ Say Katawan kuanto, “Anggapoy Dios da iray propita tan saray papari; apesgaan ko ran manggagaway kaogsan ed dalem na Timplo.

Maung a Balita Biblia

¹¹ Say Katawan kuanto, Anggapoy Dios da iray propita tan saray papari; apesgaan ko ran manggagaway kaogsan ed dalem na Timplo.

Jeremias 23:11 Referans Kwoze

Sofonias 3:4

Anggapoy kalakal, managtraidor iray propita; dodotakan na saray papari so bangatlan masanto, tan pipikeweten day ganggan na Dios, pian naala ray labay da.

Jeremias 6:13

Balang sakey, atagey may abeba so kipapasen, mansasaol ed panaanap toy kuarta; anggan saray propita tan saray papari et sasaolen da ray totoo.

Ezekiel 23:39

Diad samay agew na impamatey dad saramay anak kon imbagat dad saray talintao, linma rad Timplok tan dinotakan da!

Jeremias 32:34

Inyan da ni ingen ed dalem na Timplo a nipaalagey ed ngaran ko iray talintaon kabosul ko tan dinotakan day Timplo.

Ezekiel 8:16

Kanyan inyakar to ak ed pation walad dalem na Timplo. Diman ed abay na lolooban ed santuario, diad nanleetan na altar tan say balkon, wala ray duamplo tan liman lalaki. Imbeneg day santuario tan ondadakmomo ran akaarap ed bokig a mangigagalang irad agew ya ombubutay.

Jeremias 11:15

Say Katawan kuanto, “Manggagaway kaogsan iray totoon inararok. Anto sirin so kanepegan dan niwala rad Timplo? Abaloan dan napaer day deral ya onsabid sikara diad panggagawa ra na saray sipan tan diad pangibabagat dad saray ayayep? Makapanliket ira sirin?

Jeremias 8:10

Kanyan iter kod arum a lalaki so kaasawaan da, tan saray kaalogan da iter ko met ed saray arum ya akankien. Balang sakey, abeba may atagey so kipapasen, mansasaol ed panaanap toy kuarta; anggan saray propita tan saray papari et sasaolen da ray totoo.

Jeremias 7:30

“Nanggawa na sakey a kaogsan iray totoo ed Juda. Inyan dad dalem na Timplok iray karimdimlak a talintaoy diriyos da, kanyan dinotakan da.

2 Saray Awaran 36:14

Ontan met, saray pangulo na Juda, saray papari, tan saray karaklan et ag da tinoor so Dios, ta inalig da ray kaogsan da ray bansan walad kaliber-liber da diad impangigalang dad saray talintaoy diriyos. Diad onya, dinotakan day Timplo a pinasanto na Katawan.

Ezekiel 8:11

Wadman iray pitomplon pangulo na saray Israelita, pati si Jaazanias a lakin anak nen Safan. Sankabembenan na balang sakey ed sikara so parlangan na insinso tan manatagey so asewek na insinso.

Ezekiel 7:20

Nen saman inkikinon da ray mararakep ya alahas da, balet inkakana da rad panggaway makapaingungot iran talintao. Lapud saya impagmaliw na Katawan a makarimdimla iray balituk tan saray pilak da.

Jeremias 23:15

“Kanyan sirin, siak, say Katawan a Makapanyarin-amin, kuanko nipaakar ed saray propita ed Jerusalem: Pakanen ko ray ampait a tanaman, tan painomen ko ra na samal a danum, lapud inkayat dad intiron dalin so kaogsan.”

Jeremias 5:31

saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”

2 Saray Awaran 33:7

Angyan na sakey a talintao ed Timplo. Onyay inkuan na Katawan ed kinen David tan si Solomon a lakin anak to nipaakar ed sayan Timplo: “Diad Jerusalem, diad ed sayan Timplo, so pasen a pinilik ed amin da ray lugar na labinduan tribu na Israel a pangigalangan ed siak.

2 Saray Awaran 33:5

Diad duaran patio na Timplo nanggawa na saray altar a pangigalangan ed saray bitewen.

Jeremias 50:6

“Singa abalang a karniro iray totook; saray pumapastol da pinaolyan da ran abalang ed kapalandeyan. Nanakar-akar irad nandoroman palandey, kanyan alingwanan da la no iner so kawalaay abung da.

Saray Tagleey 2:20

Nengneng mo pa, O Katawan! Nengneng mo pa ray papairapen mo! Kakanen na saray bibii iray bangkay na saray anak dan inararo! Napapatey ed Timplo iray papari tan saray propita.

Esdras 10:18

Sikato yay listaan da ray lalakin taga arum a bansay kaasawaan da: Saray Papari a nilista ran onung ed boleg a nanlapwan da: Say boleg nen Josue tan saray agagi ton lalaki ya anak ira nen Josadac: Maasias, Eliezer, Jarib, tan Gedolias.

Ezekiel 44:10

Say Katawan kuantod siak, “Dusaen ko ray Levita, pati saray arum a totood Israel, ya angikaindan ed siak tan angigalang ed saray talintaoy diriyos.

Sofonias 3:3

Singa mangwam a lion iray opisyal to; singa narasan ya asod katakelan iray huis to, a diad gaway inkaagom to et ag to nataynan ya anggad kabwasan so pokel.