Jeremias 22:7 - Maung A Balita Biblia

⁷ Mangibaki ak na totoon manderal ed sayan palasio. Awiten dan amin iray wasay da, batangen da ray balibalin lusek a sidro, insan da ra ibontuk ed apoy.

Maung a Balita Biblia

⁷ Mangibaki ak na totoon manderal ed sayan palasio. Awiten dan amin iray wasay da, batangen da ray balibalin lusek a sidro, insan da ra ibontuk ed apoy.

Jeremias 22:7 Referans Kwoze

Isaias 37:24

Angibaki ka na saray totoom ya ipasirayew dad siak a dinakep mo ray sankaatageyan a palandey na Libano, lapud saray amayamay a karwahim. Impasirayew mo a nambabatang kad man na saray sankaatageyan a kiew a sidro tan saray sankaabigan a kiew na saleng, tan nakar mo ray sankaote-otelan na saray takel.

Jeremias 21:14

Balet, dusaen ta ka lapud ginawam. Poolan koy palasiom, tan say apoy temeken to met ya amin iray walad kaliber-liber to. Siak, say Katawan, so nansalita.”

Mateo 22:7

Mapalaloy pasnuk to may ari. Imbaki to ray sondalo to tan pinatey da met iray amatey ed saramay aripen, insan da pinoolay siudad da.

Zacarias 11:1

Lokasan mo ray kaput mo, Libano, pian napoolan na apoy iray kiew mon sidro!

Jeremias 5:15

Totood Israel, mangibaki so Katawan na sakey a bansan manlapud arawin pasen tan dogpaan to kayo. Mabiskeg tan abayag lan bansa, tan ag yo amta so salita ray totoo to.

Jeremias 15:8

Ginawak a dakel nen saray buer ed gilig na dayat iray bibiin balo a kadalaan yo. Pinatey ko ray anak yo nen kabisbiskegan da; impanliknak na kairapan iray kainaan da. Bengatbengat ko ran pinaermen tan pinatakot.