Jeremias 22:6 - Maung A Balita Biblia

⁶ “Para say siak say palasiod Juda et marakep a singa dalin na Galaad tan kaparpara na Saray Palandey na Libano; balet pagmaliwen kon kalawakan ya anggapoy toon manaayam.

Maung a Balita Biblia

⁶ Para say siak say palasiod Juda et marakep a singa dalin na Galaad tan kaparpara na Saray Palandey na Libano; balet pagmaliwen kon kalawakan ya anggapoy toon manaayam.

Jeremias 22:6 Referans Kwoze

Isaias 6:11

Tinepet ko, “Katawan, anggad kapigan ya onyay nagawa?” Inmebat so Katawan, “Anggad aderal-deral tan anggapo la ray totoon manayam ed siudad—anggad anggapo la ray manayam ed saray abung—anggad say dalin et andi-kakanaan lan ataynan.

Saray Salmo 107:34

Impagmaliw ton maasin tan ag natobuan so mabonan dalin, lapud kaogsan da ray manaayam diman.

Mikias 3:12

Kanyan lapud maoges kayo, nabakan singa alog so Sion, magmaliw a bunton na deral-deral so Jerusalem, tan magmaliw a takel so pokdul a kawalaay Timplo.

Isaias 27:10

Aderal-deral so siudad ya aliber na padir. Ataynan a singa kalawakan ya anggapoy onkitakitaw. Nagmaliw a pastolan na saray baka, a pakapampainawaan tan pakapankabkaban da.

Jeremias 26:18

“Nen ari ed Juda si Ezekias, si propita Mikias a taga Moreset imbaga tod amin a totoo a say Katawan a Makapanyarin-amin inkuanto, ‘Nabakan singa alog so Sion; magmaliw a bunton na deral-deral so Jerusalem, tan magmaliw a takel so palandey a panalalageyan na Timplo.’

Jeremias 9:11

Say Katawan kuanto, “Gawaen kon bunton na deral-deral so Jerusalem, sakey a pasen a panayaman da ray asod katakelan; magmaliw a kalawakan iray siudad na Juda, tan sakey a pasen ya ag panayaman na totoo.”

Jeremias 7:34

Magmaliw a kabueran so dalin. Pansamputen ko ray tanul na liket tan gayaga diad saray siudad na Juda tan diad saray dalan na Jerusalem tan saray maliket a tanul na bansal.

Genesis 37:25

Nen mangakan ira, anengneng day olup na saray Ismaelita a nanlapud Galaad tan mamapaarap irad Egipto. Napnoy beneg na kamilyo ra na pasas tan rikado.

Jeremias 22:24

Inkuan na Katawan ed lakin anak nen Joakim a si Joakin ya ari na Juda, “Legan a siak so mabilay a Dios, ekalen ta ka anggaman a sika so singsing a panagtimbri diad gamet ko,

Jeremias 21:14

Balet, dusaen ta ka lapud ginawam. Poolan koy palasiom, tan say apoy temeken to met ya amin iray walad kaliber-liber to. Siak, say Katawan, so nansalita.”

Jeremias 21:11

Imbagad siak na Katawan ya ikuankod saray manoley ed Juda, saray kabyangay boleg nen Ari David, ira yan salita, “Dengel kayod ibagak, siak a Katawan. Ipakana yon inagew-agew so katonungan. Iyagel yoy toon nasasaol ed lima na manasaol ed sikato. No ag yo ya gawaen, saray maoges a gagawaen yo papetangen day olok tan onliub a singa apoy ya ag naerep.

Jeremias 4:20

Mantotombukan so nagagawan panagderal; aderal-deral so intiron bansa. Biglan aderal iray tuldak; apilat-pilat iray kurtina ra.

Kanta nen Solomon 5:15

Saray ulpo to et singa ra lusek ya alabastro, nilira ed balituk a patoonan. Matalonggaring a singa Kapalandeyan na Libano ya atatagey iray kiew dan sidro.

Deuteronomio 3:25

Abuloyan mo pan makabaliw ak ed Ilog na Jordan, Katawan, pian nanengneng koy mataban dalin ed biek na ilog, say marakep a kapokdulan a dalin tan saray Kapalandeyan na Libano.’

Saray Bilang 32:1

Saray tribu di Ruben tan Gad et dakerakel so baka ra. Nen anengneng dan balibalin pampastolan na baka so dalin na Jazer tan Galaad,

Kanta nen Solomon 4:1

Agaylay gangganam, O inarok! Inmagayep iray matam ya asakbungan na bilom. Saray buek mo et singa olup na kanding a manggagalaw ed alusadsar na kapokdulan na Galaad.

Jeremias 50:12

say bansa yo et napelag ed kababaingan tan kabandayan. Magmaliw a sankaabebaan a pasen so Babilonia ed amin da ray bansa; magmaliw ya amaga-maga tan anggapoy danum a kalawakan.

Zacarias 11:1

Lokasan mo ray kaput mo, Libano, pian napoolan na apoy iray kiew mon sidro!

Isaias 37:24

Angibaki ka na saray totoom ya ipasirayew dad siak a dinakep mo ray sankaatageyan a palandey na Libano, lapud saray amayamay a karwahim. Impasirayew mo a nambabatang kad man na saray sankaatageyan a kiew a sidro tan saray sankaabigan a kiew na saleng, tan nakar mo ray sankaote-otelan na saray takel.

Jeremias 4:7

Singa lion a manlalapud amutan ton pasen; say managderal na saray bansa et akaparaan la. Onsasabin maneral ed Juda. Naderal-deral iray siudad na Juda, anggapoy natilak a manayam ed sikara.

Jeremias 8:22

Anggapo ta lay tambal ed Galaad? Anggapo ta lad may doktor? Akin et ag naabigan iray totood bansak?