Jeremias 22:30 - Maung A Balita Biblia

³⁰ “Sayan laki et asintinsiaan lan nabalang to ray anak to, sakey a lakin ag balut onaligwas. Anggapo ray kabyangay boleg ton manoley ed Juda a kasalat nen David. Siak, say Katawan, so nansalita.”

Maung a Balita Biblia

³⁰ Sayan laki et asintinsiaan lan nabalang to ray anak to, sakey a lakin ag balut onaligwas. Anggapo ray kabyangay boleg ton manoley ed Juda a kasalat nen David. Siak, say Katawan, so nansalita.

Jeremias 22:30 Referans Kwoze

Jeremias 36:30

Kanyan sirin, siak, say Katawan, kuankod sika, Ari Joakim, ya anggapoy kabyangay boleg mo a makapanoley ed nanarian nen David. Say bangkay mo nibantak ed pataktak a napetangan no agew tan nabetelan no labi.

Saray Salmo 94:20

Ag mo pibabalian iray maoges a huis, ya ipapasen dan onung ed ganggan so bengatlan aliwan matonung,

Jeremias 10:21

Inmebat ak, “Anggapoy kalakal iray pangulo mi; ag ira papaiwanwan ed Katawan. Sikato yay makasengeg no akin et aliwa ran maaligwas, tan nikaykayat iray totoo tayo.

Jeremias 2:37

Ibeneg mon ibatikan so Egipto, tan diad kababaingan mo sakuban moy lupam. Siak, say Katawan, impolisay ko ray panmamatalkan mo; anggapoy nagunggonam ed sikara.”

Jeremias 52:10

Diad Ribla si Sedekias nengnengnengen to ray anak ton lalaki ya impapatey nen Ari Nabucodonosor tan impapatey to met iray opisyal na Juda.

Say Libro nen Job 18:19

Anggapoy akeraan a kabyangay boleg to; inaatey la ran amin.