Jeremias 22:13 - Maung A Balita Biblia

¹³ Pakaskasi so toon mangipapaalagey na abung diad panamegley na aliwan matonung a polaing, tan papabalegen to diad panamegley na panagsaol; ya anggapoy nagunggona na saray pankikimeyen ton kadalaan to, ta ag to iiter iray upa ra.

Maung a Balita Biblia

¹³ Pakaskasi so toon mangipapaalagey na abung diad panamegley na aliwan matonung a polaing, tan papabalegen to diad panamegley na panagsaol; ya anggapoy nagunggona na saray pankikimeyen ton kadalaan to, ta ag to iiter iray upa ra.

Jeremias 22:13 Referans Kwoze

Santiago 5:4

Dengel yoy riklamo da ray totoon nankimey ed dalin yo, ta ag yo ra inoopaan. Nadngel na Katawan a Makapanyarin-amin so dageyem da ray omaani yo!

Mikias 3:10

Ipapaalagey yoy siudad na Dios, say Jerusalem, diad pundasion na panagpatey tan kaogsan.

Levitico 19:13

“Ag yo aanamutey pankanawnawa yod arum a too odino tatakewan yo. Ag yo aabalaen na anggan sanlabi so upa na siopaman ya impankimey yo.

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

Jeremias 22:18

Kanyan sirin, say Katawan kuanto nipaakar ed lakin anak nen Josias a si Joakim ya ari na Juda, “Anggapoy manermen ed ipatey to, odino mangikuan, ‘Agayla agik! Agayla! O pinablik ya ari!’ Anggapoy onakis ed sikato, odino oneyag, ‘Katawan ko! O kagalang kon arik!’

2 Saray Awaran 36:4

Impasen ton ari na Juda si Eliakim a lakin agi nen Joacas tan sinalatan toy ngaran to na Joakim. Inawit nen Neco si Joacas ed Egipto.

2 Saray Awaran 36:5

Duamplo tan limay taon nen Joakim nen nagmaliw ya ari na Juda, tan nanoley ed Jerusalem na labinsakey taon. Nanggagawa na kaogsan ed arap na Katawan a Dios to.

Isaias 5:8

Pakaskasi kayo la! Anta wala la lantiy kaabungan tan kaalogan yo, labay yo nin naaruman ira. Ag mabayag, anggapo lay natilak a pasen a para arum a totoo, tan mambukbukor kayo la ed bansa.

Jeremias 17:11

Say toon masaol ed kuarta singa manok a poposnakan to ray ag to iniknol. Diad kabisbiskegan to nabalang toy kayamanan to, tan diad kaonuran sikatoy sakey a makulang-kulang.

Deuteronomio 15:13

No ibolus yo la, ag yo ibabakin anggapoy awit to.

Say Libro nen Job 31:39

no kinan koy naani ya ag ko binayaran, et pinaerasan ko ray dinmalus—

Habacuc 2:12

Pakaskasi kayo la sikayon angiletneg na siudad lapud panagpatey na totoo tan arum nin kaogsan.