Jeremias 20:8 - Maung A Balita Biblia

⁸ Kapag mansalita ak, manakis ak, tan iyeyag ko, “Duksa! Deral!” Katawan, siak lawas so naluludlurey tan nababalaw-balaw, lapud ibabawag koy salitam.

Maung a Balita Biblia

⁸ Kapag mansalita ak, manakis ak, tan iyeyag ko, Duksa! Deral! Katawan, siak lawas so naluludlurey tan nababalaw-balaw, lapud ibabawag koy salitam.

Jeremias 20:8 Referans Kwoze

Jeremias 6:10

Inmebat ak, “Siopay ondengel ed siak, no misalita ak ed sikara tan pasakbayan ko ra? Pinepepetan da ray kalayagan da, tan ag ira ondengel ed saray salitam. Elek-elekan da labat so paibabagam ed siak.

2 Saray Awaran 36:16

Balet niludlurey da ray totoon imbabaki na Dios, ag da dinengel iray salita to, tan inelek-elekan da ray propita to. Diad kaonuran, ontan lay pasnuk na Katawan ed sikara kanyan ag la ra makapaliis.

1 Pedro 4:14

Manliket kayo no napabaingan kayo lapud itotombuk yod Cristo, ta mapatnag ed satan a say mapagalang tan makapanyarin Ispiritu na Dios et manaayam ed sikayo.

Saray Hebreo 13:13

Kanyan onla itayod sikato diad paway na kampo tan minabang ti met ed kababaingan to.

Saray Hebreo 11:26

Pinabli to niy manirap na kababaingan, lapud Cristo, nen saray kayamanan na Egipto, ta impasakey to ray mata to ed tumang ya onsabi.

Lucas 11:45

Walay sakey ed saray makabat ed Ganggan a nankuan, “Maistro, diad satay panagsalitam, papabaingan mo kami met!”

Jeremias 28:8

Saray propitan nansalita nen abayag lan panaon kasakbayan na panaon ko tan panaon mo, impropisiya ray idalan na bakal, eras, tan salot ed saray amayamay a bansa tan saray makapanyarin nanarian.

Jeremias 20:7

Katawan, pinalikdo mo ak, tan siak so apalikdo. Mabiskeg ka ni nen say siak, kanyan tinalo mo ak. Luludlureyen ak na balang sakey; eelek-elekan da ak lawas.

Jeremias 17:27

Balet nepeg ya onuren da ak tan ngilinan da a masanton agew so Agew na Panagpainawa. Ag ira nepeg a mangawit na antokaman ya idalan dad saray puirta na Jerusalem ed satan ya agew, ta no mangidalan ira, poolan ko ray puirta na Jerusalem. Temeken na pool iray palasio na Jerusalem, tan anggapoy makasebseb.”

Jeremias 7:9

Mantatakew kayo, mamapatey kayoy totoo, milalawanan kayo, anta nansamba kayo mantitila kayo, mangibabagat kayod Baal, tan mangigagalang kayod saray arum a diriyos ya ag yo ra kabat nen saman.

Jeremias 5:6

Lapud saya pateyen ira na saray lion a manlapud takel; bingbingkasen ira na saray asod katakelan a manlapud kalawakan; onloob ed saray baley da iray liopardo. Siopaman ed sikara so ompaway nabingbingkas ta amayamay lay kasalanan da, tan amimpiga-piga la ran inmaarawi ed Dios.

Jeremias 5:1

Totood Jerusalem, batik kayod saray dalan yo! Nengneng kayod kaliber-liber! Nengneng yon dili! Sokimat yo ray tindaan! Makalmo kayo kasiy anggan sakey a toon manggagawa na katonungan, tan manaanap na kaptekan. No walay narumog yo, pirdonaen na Katawan so Jerusalem.

Jeremias 15:10

Pangaskasiyay kipapasen ko! Akin et impaway ak ni na inak ed sayan mundo? Akin et nianak ak a mikolkol tan misangsangan ed balang sakey diad bansa? Ag ak mampapabayes na kuarta odino ombabayes ed siopaman; balet isasamba ak na balang sakey.

Jeremias 15:15

Insan inkuanko, “Katawan, natatalusan mo. Nunot mo ak pa tan tulongan mo ak. Sika pa lay ombales ed saray mamapairap ed siak. Ag mo la ra aanosan, pian ag da ak napatey. Nunot mo a sikay makasengeg na panaakok na kababaingan.

Habacuc 1:3

Akin et inabuloyan mon nanengneng koy ontan a gunigon? Panon mon nitepel so onnengneng ed satan a maoges a nagagawa? Panagderal tan inkaruksa so nagagawa ed kaliber-liber ko, tan walay kolkolan tan panlalaban ed anggan iner a pasen.

2 Saray Arari 2:23

Tinmaynan ed Jerico si Eliseo, ta onlad Betel, tan diad dalan inabet na pigaran ogogaw a lalakin taga baley tan niluludlurey da. “Taynan ka dia, sikan yangyangan!” ineeyag da.

Isaias 57:4

Siopay luludlureyen yo? Sikayon matitila, siopay kakantiawan yo?