Jeremias 20:16 - Maung A Balita Biblia

¹⁶ Niolibay komun iman a too ed saray siudad ya andi-panangasin dinederal na Katawan. Makarengel komun iman a too no kabwasan na saray akis no paniirap, tan no kaagewan say eyag na para bakal,

Maung a Balita Biblia

¹⁶ Niolibay komun iman a too ed saray siudad ya andi-panangasin dinederal na Katawan. Makarengel komun iman a too no kabwasan na saray akis no paniirap, tan no kaagewan say eyag na para bakal,

Jeremias 20:16 Referans Kwoze

Jeremias 18:22

Mangibaki ka pa na olup da ray totoon bigla-biglan mangakokos ed logan na saray kaabungan da; paeyag mo rad takot. Angotkot iray abut a kapelagan ko, tan angyan iray patit a pangerel dad siak.

Deuteronomio 29:23

Saray kaalogan et magmaliw iran andi-kakanaan, atabunan na asumpri tan asin; ag nataneman na anggan dinan a tanaman, tan anggapoy anggan dika ya ontobo. Say dalin yo et magmaliw a singa saray siudad na Sodoma tan Gomorra, singa Adma tan Zeboiim a dinederal ira na Katawan nen mapalaloy pasnuk to.

Judas 1:7

Nunot yo met so Sodoma, Gomorra, tan saray kaliber-liber dan baley. Lapu met ed impanggawa da ray totood man na inmoralidad tan saray kasalanan sumpad inkatoo ra, manlilikna ray dusa ed andi-anggaan ya apoy, a sikatoy pamasakbay ed amin a katoowan.

2 Pedro 2:6

Dinusa na Dios iray siudad na Sodoma tan Gomorra. Tinemek to ra diad panamegley na apoy, pian nipanengneng toy pansumpalay totoon anggapoy Dios.

Lucas 17:29

Balet diad agew ya insiput nen Lot ed Sodoma, inmoray apoy tan asupri tan inaatey iray amin a totood man.

Sofonias 2:9

Legan a siak so mabilay a Katawan a Dios na Israel, sambaan ko a say Moab tan say Ammon et naderal iran singa say Sodoma tan say Gomorra. Magmaliw iran sakey a pasen ya abut na asin tan andi-anggaan a deral-deral tan atubo-tubuan na saray dika. Saray totook ya akapaliis ed patey et alaen day antokaman a kayamanan da tan kayaryanen day dalin da.”

Sofonias 1:16

sakey ya agew ya apaknul iray trumpitan manawag na bakal, tan maneyaeyag iray sondalon ondodogpad saray padir na siudad tan saray atatagey a tori.

Jonas 4:2

Kanyan nampikasi, “Katawan, ag ko ta la imbaga a kasakbayan a tinaynan koy baley ko et onyay gawaen mo? Lapud saman ya imbagak ginawak so anggaay nayarian ko ya ombatik ed Espanya! Amtak a maaro tan mapangasi kan Dios, maanos ka lawas, tan akaparaan ka lawas a mangoman na kanunotan mo tan ag ka manusa.

Jonas 3:4

Ginapwan nen Jonas so nanakar ed siudad tan kalabas na sanagew ya impanakar to, imbawag to, “Naderal so Ninive kalabas na apataplon agew manlapud natan!”

Amos 4:11

“Dineral ta kayo a singa impaneral kod saray baley na Sodoma tan Gomorra. Sikayo ran akapaliis ed patey et aliling yoy mandarlang a bislak a nipaliis ed pool. Balet siansian ag kayo pinmawil ed siak,” kuay Katawan.

Amos 2:2

Lapud saya mangyakar ak na apoy ed tapew na dalin na Moab tan poolan ko ray tirinsira na Keriot. Ompatey ed eyag na bakal iray totoon taga Moab legan a maneeyagan iray sondalo tan napapaknul iray trumpita.

Amos 1:14

Lapud saya mangyakar ak na apoy ed saray padir na siudad na Raba tan poolan ko ray tirinsira to. Wala ray eyagan ed satan no agew na bakal, tan manalimbusabos so panlalaban.

Oseas 11:8

“Panon toy isawak ed sika, Israel? Panoy pangikaindan kod sika? Nayarian ta ka kasin deralen a singa ginawak ed Adma, tan Zeboim? Ag iyabuloy na pusok a gawaen ko ya! Lalon onlalaknab so panangarok ed sika.

Oseas 10:14

ondalan ed saray totoo yo so bakal, tan naderal iray tirinsira yo. Sayan nagawa et singa samay agew a si Ari Salman et dineral tod bakal so siudad na Bet-arbel, tan saray kainaan tan saray anak da et nibasig-basig ira ya anggad ag da impatey.

Ezekiel 21:22

Bebembenan natan na kawanan a lima to so pana a nanmarka na Jerusalem! Ibabaga na saman a dimay laen to, mangiparaan na saray panmasod saray puirta, oneyag na para bakal, ilira to ray bunton, tan mankotkot na saray tirinsira.

Jeremias 26:13

Nepeg yo sirin so mangoman na panagbilay yo tan saray bengatlan gagawaen yo, tan onur yo la so Katawan a Dios yo. Diad ontan, sikatoy mangoman ed kanununotan nipaakar ed paneral tod sikayo.

Jeremias 18:8

balet kabebekta saman a bansa et ikaindan toy kaogsan to, omanen koy imbagak a kanunotan kon gawaen ed saman a bansa.

Jeremias 4:19

Ag ko la nayarian ya itepel yan sakit! Say panotut! Mampokal a maung so pusok! Say pusok! Ag ak makareen; Narerengel koy tanul na saray trumpita, tan say eyag na bakal.

Jeremias 23:14

Balet lalon maoges so anengneng kon gagawaen na saray propitad Jerusalem: mikakaloguran ira tan mantitila ra; tutulongan dan manggawa na makapoy iray totoo, kanyan anggapoy ontondan manggaway kaogsan. Para say siak, singa ra Sodoma; say kaogsan da singa kaogsan na saray totood Gomorra.

Saray Tagleey 4:6

Ambelat niy impakadusa na saray totook nen say impakadusa na saray totood Sodoma, a biglay inkaplag da ed limay Dios.

Oseas 13:14

Ag ko ra ilaban ed pakayari na pasen a panaayaman da ray inaatey odino iyagel ira ed pakayari na patey. O patey, ipadalan mo lay salot mo! O pasen a kawalaan da ray inaatey, ipadalan mo lay panagderal mo! Ag ko la kasian ira yan totoo.

Deuteronomio 29:22

“Diad saray mantombuk a kailalakan saray kabyangay boleg yo tan saray sangkailin taga arawin dalin et nanengneng da ray deral tan saray kairapan ya impadalan na Katawan ed dalin yo.