Jeremias 2:30 - Maung A Balita Biblia

³⁰ Dinusa ta kayo, balet anggapoy angomanan yo; ag yo inabuloyan a peteken ta kayo. Singa kayo masebeg a lion ya amatey ed saray propita yo.

Maung a Balita Biblia

³⁰ Dinusa ta kayo, balet anggapoy angomanan yo; ag yo inabuloyan a peteken ta kayo. Singa kayo masebeg a lion ya amatey ed saray propita yo.

Jeremias 2:30 Referans Kwoze

Nehemias 9:26

“Balet kinalaban ka na saray totoom tan ag da ka inonur; binenegan day Ganggan mo. Pinapatey da ray propitan mamapasakbay ed sikara, saray propitan mangibabagad sikaran ompawil irad sika. Pinapabaingan da kan amimpigapiga na saray totoom,

1 TESALONICA 2:15

Saray Judio so amatey ed Katawan a Jesus tan saray propita. Sikara met so amairap ed sikami. Makapaingungot irad Dios tan kalaban day amin a katoowan!

Saray Gawgawa 7:52

Siopan propita so ag pinapairap na saray lalaki yo? Pinapatey da ray imbabakiy Dios a mangipasakbay ed iyakar diay matonung ya Aripen to, a sikato balet so inyawat tan pinatey yo.

Jeremias 5:3

Andi-duaruwan aanapen na Katawan so katooran. Binakbak to kayo, balet ag yo inkabilangan; kinabil to kayo, balet ag kayo nampasimbalo. Anawet so puso yo tan ag yo ikaindan iray kasalanan yo.

Isaias 1:5

Akin et itutuloy moy onsumpa? Labay mon ompalaloy pakadusam? Israel, asugat-sugat lay olom, tan wala lay sakit na pusom tan say kanunotan mo.

Mateo 23:29

“Pakaskasi ki la, sikayon iskriba tan sikayon Pariseo! Mansimpisimpitan a totoo! Igagawaan yoy mararakep a lobuk iray propita tan aadornoan yoy pantion da ray totoon nambilay a matonung.

Jeremias 7:28

Ibagam ed sikara a say bansa ra et ag onoonur ed siak, say Dios dan Katawan; ag ira makakaaral ed panametek ko. Inatey lay katooran da; ag da la anggan sasalitaen.”

Isaias 9:13

Ag nagbabawi ray totood Israel; anggaman a dinusa ra na Katawan a Makapanyarin-amin, ag ira pinmawil ed sikato.

Puyan 16:9

Apoolan iray katoowan, tan inayew day ngaran na Dios a walay pakayari ton mangiter na ontan iran salot. Balet ag ira nampatauli tan ag da inggalang so Dios.

Sofonias 3:2

Ag to dinmengel ed Katawan odino inawat so panametek to. Ag nanmatalek ed Katawan odino kinmerew na tulong to.

Ezekiel 24:13

Jerusalem, dinotakan ka na ginagawam ya immoralidad. Anggaman a sinalik a linisan ta ka, nansiansia kan marotak. Ag ka magmaliw a malinis lamet ya anggad naliknam so sulit na pasnuk ko.

Jeremias 31:18

“Narerengel kon maermen ya ibabaga na saray Israelita, ‘Katawan, nen saman singa kami maatap a bakan kalakyan, balet binabangatan mo kamin ontoluk. Papawil mo kami pa; sipaparaan kamin ompawil ed sika, Katawan a Dios mi.

2 Saray Awaran 36:16

Balet niludlurey da ray totoon imbabaki na Dios, ag da dinengel iray salita to, tan inelek-elekan da ray propita to. Diad kaonuran, ontan lay pasnuk na Katawan ed sikara kanyan ag la ra makapaliis.

2 Saray Awaran 28:22

Nen mapalalo lay segsegang nen Acaz, inaruman to niy ginawa ton kasalanan ed Katawan.

2 Saray Awaran 24:21

Akikomplut si Ari Joas ed saray totoo sumpad kinen Zacarias, et nen ingganggan to tinupak dad patio si Zacarias.

1 Saray Arari 19:14

Inmebat, “Katawan a Dios a Makapanyarin-amin, panlilingkuran ta ka lawas, tan sika labat so panlilingkuran ko. Balet inkaindan na totood Israel so impisipanan dad sika, dinederal da ray altar mo, tan pinapatey da ray propitam. Bukbukor ko lay atilak—tan labay da ak nin pateyen.”

1 Saray Arari 19:10

Inmebat si Elias, “Katawan a Dios a Makapanyarin-amin, panlilingkuran ta ka lawas, tan sika labat so panlilingkuran ko. Balet inkaindan na saray totood Israel so impisipanan dad sika, dinederal da ray altar mo, tan pinapatey da ray propitam. Bukbukor ko lay atilak—tan labay da ak nin pateyen.”

Isaias 59:3

Nankasalanan kayod panagtila yo, panagduksa yo, tan panagpatey yoy too.

Jeremias 46:14

“Ibawag mod saray baley na Egipto, diad Migdol, Memfis, tan Tafnes, ‘Mamparaan kayon mangyagel ed sikayon dili; naderal ed bakal iray amin a kayaryan yo!

Saray Tagleey 4:13

Balet onyay agawa lapud nankasalanan iray propita to tan saray papari to, ta sikaray makasengeg na impatey na saray anggapoy kasalanan a totoo.

Ezekiel 22:24

Inkuanto, “Sika a toon ompatey, ibagam ed saray Israelita ya aliwan masanto so dalin da, kanyan dudusaen ko rad pasnuk ko.

Daniel 9:13

tan inter mod sikami iray amin a dusan nisulat ed Ganggan nen Moises. Balet anggad natan, O Katawan a Dios mi, ag mi ni gagawaen so pamaliket mid sika diad pangibeneg ed saray kasalanan mi odino pangonur ed katwaan mo.