Jeremias 2:28 - Maung A Balita Biblia

²⁸ “Kawalaan da ray diriyos a ginagawa yon para sikayo? No wala kayod gunigon pailaban kayod sikara, no nayarian da. Juda, singa karakel na siudad mo iray diriyos mo.

Maung a Balita Biblia

²⁸ Kawalaan da ray diriyos a ginagawa yon para sikayo? No wala kayod gunigon pailaban kayod sikara, no nayarian da. Juda, singa karakel na siudad mo iray diriyos mo.

Jeremias 2:28 Referans Kwoze

Jeremias 11:13

Say karakel na diriyos na saray totood Juda et singa karakel na saray siudad da; tan saray karakel na saray ginagawan altar a panangisaklangan na makapaingungot iran bagat ed kinen Baal na saray taga Jerusalem et singa karakel na saray dalan ed siudad.

Isaias 45:20

Say Katawan kuanto, “Mantitipon kayo, sikayon totood saray bansa, amin yon nilaban nen atalo so impirio; mamparontal kayod panalaysay ed sikayo! Saray totoon mampaparadan awit da ray talintao ra tan mampipikasi rad saray diriyos ya ag makapangilaban ed sikara— totoo ran anggapon balut so amta!

Deuteronomio 32:37

Insan say Katawan tepeten tod saray totoo to, ‘Kawalaan da ra may makapanyarin diriyos a nanmatalkan yo?

Saray Huis 10:14

Laka yon ontawag ed saray diriyos a pinili yo. Paiyagel kayod sikara no wala kayod gunigon.”

Isaias 46:7

Sasakbaten tan aawiten da; ililira rad sakey a pasen, tan manalagey diman, ag makaalis ed kawalaan to. No walay mampikasi ed sikato ag makaebat odino makapangilaban ed gunigon to.

Oseas 10:1

Nen saman saray totood Israel et singa ra sengeg na ubas a napnoy bunga. No panoy inaligwas da, ontan met so indakel na saray altar ya impapaalagey da. No panoy indakel na bungay dalin da, ontan met so impamarakep dad saray masanton lusek ya igagalang da.

Isaias 46:2

Saray talintaoy diriyos et ag da nilaban so sikaran dili; adakep ira tan niakar irad arawi. Sikato la yay anggaan na saray diriyos na Babilonia.

2 Saray Arari 3:13

“Akin et tulongan ta ka?” inkuanen Eliseo ed ari na Israel. “Lakan mangipanon ed saray propitan angipanonan di amam tan inam.” “Andi!” ebat nen Joram. “Say Katawan so nantipon ed sikamin taloran arari, pian napadakep to kami ed ari na Moab.”

Jeremias 1:16

Dusaen ko ray totook lapud nankasalanan ira; inkaindan da ak, nansasaklang iray bagat ed saray diriyos, tan inggagalang da ray ginagawa ran talintaoy diriyos.

Jeremias 11:12

Diad satan saray totood Juda tan saray taga Jerusalem onla rad saray diriyos dan pangibabagatan da, tan onkerew iray tulong. Balet ag ira nilaban na saratan a diriyos no onsabi yan deral.

Jeremias 30:7

Onsasabi so sakey a makapataktakot ya agew; anggapoy agew a makapipara ed sikato— sikatoy panaon a kagunigon na saray totook, balet nayarian dan agwantaan.”

Jeremias 37:19

Antoy asumpalan da ray propitan angibagad sika a say ari na Babilonia et ag to ka dogpaan odino sayan bansa?

Habacuc 2:18

Antoy kana na sakey a talintaoy dios? Sakey labat a ginawa na sakey a too, et anggapoy nibaga tod sikayo no ag katilaan labat. Antoy kaabigan a niiter na talintao diad panmatalek ed sikato na nanggawad sikato? Say talintao et sakey labat a dios ya ag anggan makasalita.

Habacuc 2:19

Pakaskasi kayo la! Ikuan yod sakey a poter na kiew, “Bangon ka!” odino diad sakey a tabas na bato, “Alagey ka!” Wala tay nipuyan ed sikayo na sakey a talintao? Nayarin naokupan na pilak tan balituk yan talintao, balet anggapoy bilay to.

Isaias 57:13

No onkerew kayoy tulong, pailaban kayod saratay talintaoy diriyos yo. Diad sakey a siplug na dagem, nibantak ira! Balet saray manmamatalek ed siak et nakayaryan day dalin tan igalang da ak ed Timplok.”